قمراي وانا الليل

البارت الخامس

عند العيال :
عبدالله : يعيال قومو خل نتحرك و اصلا مشتاق حيل لمزرعتكم خل نمشي و نروح ل الاصطبل يلا تكفون
خالد : اقول انثبر بمحلك بس
عبدلله وهو اصلا مقهور من خالد : انت شعليك!
غيث لاحظ و راح جلس جمب عبدالله و همس له شفيك انت و خالد؟
عبدالله : تدري خل نقوم نمشي و اعلمك
غيث وهو يضحك : انت تبيها من الله اصلا اي يلا مشينا هههه
سامي : على وين انت وياه
عبدلله : بنمشي شوي و نرجع و طلعو وهو غيث و راحو ورا بحيث ان عبدالله يتكلم على راحته
غيث : ايوه يولد العم ( يعتبره ولد عمه) علمني شبلاك
عبدالله : والله كيف مسكت نفسي وما حرقت الدنيا على راسه ما ادري يعني صراحه انا مدري شسوي معه ذا الادمي خلص كلشي و طلع يشرب خمر انشهد انه مب صاحي ولا فوق ذا يطق اختي!! ذا اخو بالله ذا اخوووو
غيث شهق : اصبر يخوي وشو خمره
عبدالله : تستهبل وش خمره يعني بالله خمر الي نعرفه
غيث : بصدمة : أسألك بالله!
عبدالله : يبن الحلال ايه ايهههه
غيث : ولحظه شلون يطق اختك؟
عبدالله : انت شفيك استخفيت معد صار عندك عقل؟ وش ذا الأسأله الله يصلحك
غيث : انهار يضحك و قال يخوي جلطتني وش تبيني اقول يعني بعدين تعال يطقها وانت ساكت!
عبدالله : لا والله ماني ساكت توي دريت اليوم لانه طايح الحظ طقها قدامي و هي من القهر غردت بكل شي عندي و عاد دريت يعني
غيث : الله يقلعكم كلكم وخر وخر بروح افرشه انت ما تبي تعلمه ان الله حق انا بعلمه
عبدالله مسك ذراع غيث : يولد اصبر شفيك مشتط
غيث : وهي فيها صبر ذي شفيك انت معد فيك عقل؟ تبي يذبح اختك و بعدين تروح تأدبه صاحي انت ذا سكران سكران يعني لو يذبح احد ما درا عن نفسه
عبدالله بدا يفكر بكلام غيث : يبوي طيب وش بسوي له يعني اروح اطقه و بعدين!
غيث : اي نروح نطقه و بعدين يعرف ان الله حق و يتأدب و ان ما عقل فيه ابوي و ابوك و جدي يعقلونه و ان لزم الأمر نهدده لكن ما ينترك كذا اختي بغى يموتها و جا الدور على اختك تبيه يفلم فيها؟
عبدالله : طيب وش بنسوي يعني
غيث : ابد خل كلشي علي يلا مشينا
و جو يمشون و سمعو صوت قريب منهم و لف يناظر من هنا
عند غريد و أمجاد
أمجاد : هاه تستهبلين من ذا!
غريد : جعلني اذبحك من يعني من المنحطين الي جو ذاك اليوم والله اني كنت متوقعه انها مارح تمر بسلام كذا
أمجاد شهقت
غريد : يمه شفيك
أمجاد : اصبري اصبري ذا من يوم جاب رقم غيثثثثثث!!
غريد صرخت : هاههههههههههه غيثثثثثث
أمجاد كتمتها : وجع اص فضحتينا بعدين شدخلتس تخافين انتي اخوي ولا اخوك
غريد : لا يشيخه والله ان يحرقنا كلنا اص بس ما كأنتس تعرفين حياتنا بعدين كلهم اخواني طسي بس
أمجاد : طيب طيب خل نفكر بحل الحين و شوي سمعو صوت غيث يقول من هنا
غريد : يمه ذا من!
أمجاد : يمه وش دراني
غريد : والله اني داريه انتس حماره امشي بس ذا بيتكم و فزت على صوت غيث يقول عبدالله بالله امش ندخل بيتنا ابي اخذ شي و ما سمعت تكملة كلامه و ركضت تسحب أمجاد ل داخل البيت و قالت : امشي امشي اخوتس جاي جعلتس ب وش صوت اخوتس ماتعرفينه الله يفشلتس اجل غيث أقرب واحد لتس
أمجاد : يحيوانه وش دراني
غريد سحبتها لداخل أقرب غرفه لها و قالت : ذي غرفه من؟
أمجاد : غرفة غيث
غريد صرخت : هاههه امشي امشي نطلع هاربين منه نجي غرفته تستهبلين!
أمجاد : والله انتي الحماره الي دخلتيني هنا بعدين معد يمدي خلاص اسمعي صوته جاي لهنا
غريد : وانتي كذا بارده عادي!!
أمجاد كتمتها و سحبتها لغرفة ملابس غيث و قالت بهمس : هنا مارح يدخل اظن و ان بيدخل ندخل جوا الملابس طيب؟
غريد وهي ترجف من التوتر : طيب طيب
دخل غيث الغرفه و قال : انتظر بس ابي ابدل الثوب ذا باخذ الأسود
غريد صرخت : هيهههه الله ياخذتس يبي يبدل ثوبه يمه يمه ودوني بيتنا وخري عني
أمجاد كتمتها للمره المليون : انتي حماره ولا حماره ليه تصارخينننن ترا يسمععع خلاص امشي هنا و دخلو بين الملابس
دخل غيث غرفه الملابس و شم ريحة عطر غريبه مو ريحة عطره و قال بهمس : غريبه ريحة عطر من ذا اذا مب عطري!
شكلها أمجاد حركاتها دايم ألقاها مربعه بغرفتي تمون الأخت
أمجاد : شف الحيوان انا اوريه
غريد انهارت تضحك وهي مغطيه على فمها علشان ما يسمعها و قالت وهي تصيح من الضحك : الله ياخذتس كانتس ابلشتي الولد بحياته ههههههههه اهخ يربي مقدر مقدر
أمجاد : انطمي لا اناديه
غريد : حبيبي كلنا بالهوا سوا
لبس غيث و طلع و سكر باب غرفته بالمفتاح و سمعت غريد صوت المفتاح و فزت تركض ل الباب و حاولت تفتتح مو راضي قفله غيث و قالت : ابشرتس علقنا هنا غثيث الله يغثه الله و الكنوز الي بغرفته يعني عشان يقفلها بالمفتاح خف علينا!
أمجاد : ترا عادني اخته
غريد : اقول يا اخته انتي وريني مهارتس و افتحي الباب
أمجاد : لقيتها انتي جوالتس معتس ف دقي على وحده من البنات