قمراي وانا الليل

البارت تسعه وخمسين

في مكان بعيدددددد عند ياسمين و طارق قررو انهم يرجعون الرياض لان كلشي سيئ قاعد يصير ف لازم يوقفون مع اهلهم فحجزو رحلة متجهة للرياض و رح يمرون المستشفى اول شي بعدين يروحون الديرة لبيت ابو إيهاب و كانو بالمطار ينتظرون الرحلة

مر يوم كامل و غيث مافيه له ولا استجابة و الكل يده على قلبه من الهم و الخوف و كانو يتناوبون في المستشفى على اساس محد يتعب و ام غيث كانت منهاره ف ودوها البيت و رفضو يودونها لين غيث يفيق لان كل ما شافته تنهار مره ثانيه ف مارح يفيدها ولا رح يفيدها اما بالنسبه لغريد الكل عرف ان هي و فيصل فسخو الخطبة و كانت مو راضيه ترجع معهم البيت ما رضت تخلي غيث ولا اهتمت انه وش رح يفكرون و وش رح يقولون اهم شي غيث معد بتخليه لو وش يصير! و كان كذا وضعهم و جا الليل و كانو غريد و نجد بالمستشفى و منهم سعود طبعا الكل كان يرجع البيت الا غريد و معد تكلمو عليها قالو خلوها براحتها كانو عارفين معزة غيث عندها لكن ما توقعو حب ف ما عطو ذاك الاهتمام و كانت غريد قاعده قدام الغرفه ما يمديهم يدخلون ممنوع لانه بالعناية وكذا ف كانو يشوفونه من القزاز من برا و الا طلع الدكتور و قال : اهل المريض غيث
سعود قام وقف : اي تفضل
الدكتور : انا الان تأكدت بأن المريض دخل غيبوبة مع الأسف الشديد و لكن فيه امل انه يقوم ان شاء الله و يرجع لكم بالسلامه و خطاكم الشر و راح الدكتور كالعاده يعطي الخبر و يخليهم بحيرتهم و عاد هنا سعود حسسسسس بكل شي خايس حرفيا يعني هم كلهم اخوان ولا قد حسو ابد انهم عيال عم و خصوصا انه كلهم عايشين مع بعض اصلاا و لا عرف كيف رح يعلم اهلهم كيف رح يقولهممم ان الي الكل يحبه على ما كثر يعصب حتى عصبيته تنحب لذي الدرجه ذا الانسان داخل قلوبهم كلهم بكل شي فيههه ولا يقدرون يستغنونن عنه ابددد تمر ساعه ما يشوفونه الكل يسأل عنه و اي احد يتعب غيث يوقف معه و دايم معهم بكل شي و هو يحل المشاكلل و كلشي يعني يبونه بكل شي فيه راضين بس لا يروح منهم غيث وهو فعلا مثل الغيث على حياتهم والحين حياتهم صارت ظلما و جافة بدونههه! و غريد كالعاده طلعت برا وهي تحسسسس بتموتتتتت من قوة الضيقه و قالت :
يا سعود راح و خذا معه قلبي وديع
راح و خذا معه ليالينا و القمر
راح وخذا معه كل شي احبه
ولا هو بداري انه هو كلشي احبه
راح و خلاني يا سعودددد راححح
وش يرجعه يا سعود؟

و نجد كانت واقفه ورا غريد و سمعتها لان هي لحقتها يوم طلعت خافت يصير لها شي و تنهدت وقالت : بيرجع الغيث يا الغريد بيرجعععع و بياخذتس معه
غريد ناظرتها : اتمنى من كل قلبي و الا شوي امطرت و اردفت غريد وقالت...