قمراي وانا الليل

البارت الثالث

و كمل غيث و ضمد لها جروحها و طلعع و ناموو كلهم

الصباح طلع الجد راشد و وقف قدام بيوت عياله و قال بصوته الجهوري : يا أهل الداررررررر يلا قوموووو يالله صباح خير شذا النوم و فز الكل على صوت جدهم لأنهم تعودو كل صباح يقومون على صوته
و طلع أمير و باس رأس ابوه و قال : صبحك الله بالخير يبه شحالك؟
ابو إيهاب : الحمدلله يولدي وانت شحالك؟
أمير ببأتسامه : صرت بخير بعد ما شفتك يا بعدهم و باس يده (طبعا امير دايم حنون مع ابوه و دايم يسعده و ما يحب يزعله ابد و أكثر واحد حنون فيهم رغم قسوته)
ضحك ابو إيهاب و طقه بعصاته بخفه و قال : اعنبوك من وين تجيب الحتسي ذا اذلف صحهم بس يلا خمس دقايق و الكل عنديييي يلا و راح
و قال أمير بصوت عالي عشان ابوه يسمعه : ابشر يبه على خشمي
ضحك ابو إيهاب و رفع يده و قال : نفداه وانا ابوك و كمل طريقه لام إيهاب و فزت له ام إيهاب و قالت ببأتسامه : صبحك الله بالخير يا ابو إيهاب و قرب ابو إيهاب و مسك يدها و باسها و قال : الله يصبحتس بالخير يا دهر قلبي و رجعانه ( ام ايهاب و ابو إيهاب كان بينهم حب الكل يشهد عليه و ما خرب سنهم ذا الحب بالعكس زادهم حب ببعض و كانو قدوة الكل بالحب)

_________

في بيت ابو غيث (إيهاب)
  وقف بنص الصالة بحكم انه الكل يسمعه و قال بصوته الجهوري : يلا دقيقتين و الكل عندي و ان لقيت احد ناقص ما يحصل لكم خير والله!
نزل غيث وهو مروق و تقدم وباس رأس ابوه و قال : صباح الخير يبه صباح الخير يا بعد الدنيا وراك معصب هد
ابو غيث : طقه على راسه و قال اذلف اذلف ساعدهم بالفطور اخلص فشلتنا عند جدك المفروض انك قايم قبله
ابتسم غيث و أشر على خشمه و قال : ابشر على هالخشم و طلع  و بعده نزلو البنات و نزلت معهم غريد و كانت مستحيه من عمها و لما لمحها قال الأميرة غروده هنا يهلا يهلا فزت له غريد و باست راسه و قالت معليش عمي نمت عند أمجاد بدون ما اعطي خبر اعذرني
ضحك ابو غيث و قال : افا عليتس البيت بيتس يا بنيتي و انتي الداخله و حنا الطالعين و يلا دامكم قمتو روحو معهم جهزو الفطور يلا شاطرين بنياتي
أمجاد تخصرت و قالت :  يبه افا و حنا مالنا رب؟
ابو غيث ضحك و رما المخده عليها و قال قدامي بس قدامي
أمجاد تمثل الزعل : افا عليك يبه تطق بنتك ما هقيتها منك يبو غيث
ام غيث ضحكت وهي نازله و قالت : اشوف فيه ناس صارت تموننن
غريد : اي والله يعمه بنتس لسانها طويل يبي له قص و قالتها و هربت من أمجاد و طلعت تركض و أمجاد فزت وراها وقفي يا كلبه انا اعلمتسسس من الي لسانه طويل و غريد من الركض ما انتبهت من قدامها و ارتطمت بصدر غيث و شهقت و وقفت و راسها مدفون بصدر غيث و غيث واقف من الصدمه و أمجاد من الجلطه وقفت و تناظر فيهم بصمت
غريد استوعب و فزت و بعدت و لفت بتروح و وقفها صوت غيث و قال : رايحه بلا اعتذار يبنت العم
غريد وهي وجهها احمر و متوتره قالت : اسفين يا ولد العم اختك خذت عقلي وهي تلاحقني و ما انتبهت لك اعذرني
غيث ابتسم بخفه و قال : عساتس طبتي؟
غريد مفهمت و قالت بدون ما تحس : عيوني؟
غيث انلخم و قال بنفسه ( هاه عيوني عيون من عيونها يمه شفيها ذي تمون بسم الله قلبي شجاه حسبي الله) و قال رغم العواصف الي داخله : عيونتس؟
غريد حست بأحراج و تنحنحت و قالت احم قصدي لبيه مفهمت شقلت لي و قالت بهمس خافت ( الله ياخذ روحتس يا غريد اجل عيونتس و من عيونتس هو؟ لا والله تستهبلين حتى الولد انلخم مسرع منتي الله ياخذتس) و كملت كلامها و قالت أمجادي مشينا نساعد جدتي صارلها ساعه تنتظرنا مسكينه و مشت وهي تهوي نفسها تحس موت حر من التوتر
_________