قمراي وانا الليل

البارت سبعه وأربعين

بعد اسبوعين جو الكل للديره لبيت ابو إيهاب عشان بعد يومين زواج عقاب و زواج سعود و كانو جالسين كلهم مع بعض ما عدا ابو سيف محد يدري عنه وين راح و كان الوضع صمت و قتل غيث الصمت وقال : انا حاب أوضح لكم شي
ابو غيث : وشو الشي
غيث : عن زواج ياسمين و طارق و وش صار بذاك اليوم و هنا فايزه حست بهبوط و خوف وجت بتقوم و اردف غيث و قال : لحد يقوم الحكي لازم الكل يسمعه و اضطرت فايزه تقعد و فهد كان مستمتع بالوضع و غيث لاحظ عليه و ابتسم وقال : عرفنا انا وفهد نجد وش جاها ذاك اليوم
نجد قطبت : وش جاني؟
فهد : اصبري بنعلمس
غيث طلع جواله بوريكم وش شفنا و مره وحده عشان اثبت لكم بدل الحكي و شغل الفديو و مرره عليهم كلهم لين وصل عند خالد وقاله : شف زين سوات زوجتك الي بايع الكل عشانها
خالد صدمهم كلهم وقام وقف وقال : ادري ومحد له دخل فيها!
ابو إيهاب : تعقبببب الا تعقببببب وانا راشدددد
ابو عبدالله : اخووو راشد اخوه انا تسوي ببنتي كذا و تقول محد دخل فيها! اقول لا انت ولدي ولا انا اعرفك ويلا بيت ابوي يتعذرككك يلا
سيف : لا يعم دقيقه عندي بعد مشاركه بما انه وقت كشف الأسرار
ابو عبدالله : وش به بعد!
سيف : ابوي متفق مع ناس ضدنا والي هم يكونون يربي اذكر واحد اسمه فارس و واحد حمد و اختهم و بعد يشتري مخدرات من صالح و عناد و خمر مو بس يتعاطى الا بعد يبيع و هو الي قتل اخوه عماد يا جدي و خالد معهم بكل شي عشان كذا دايم معصب و حالته حاله لانه يشرب و يتعاطى وهو شخصيا الي طعن عمي عماد بذيك الليله لان ابوي قاله و الليله الي صدم فيها و عذوب معه كان سكران عشان كذا صار الحادث و صار كلشي و هدد عذوب ما تتكلم و هنا قام ابو إيهاب وصفق خالد كف بأقوى ما عنده وقال : الحين بيتي يتعذرك ولا اعرفك ولا تعرفنيي ولا بأني عمك ولا شييييييييي سامعني الحين الحين تاخذ زوجتك و تذلففف ولعد اسمع عنك ولا خبر ولا سلمتك للشرطه تسمع! ويلا الحين اذلف لا انا ابيك ولا أبوك يبيكككك
و بكذا الكل اكتشف حقيقة خالد و اخذ فايزة و راح و هو حس انه الحين وش استفاد بعد ذا كله؟ غير الهم و النكد لكن وش يسوي و راح عند عناد و صالح و انصدم لمن لقى ابو سيف هناك و يخطط معهم على نهايه عائلتهم وهنا عرف انه فعلا ابو سيف مو صاحي! و خالد شاف سلاح و أخذه و طلع و نزل فايزه من السياره و اطلق عليها و جو الكل ركض ابو سيف و عناد و صالح و الرجال الي معه لكن عناد جا وأطلق على خالد تحت صدمة الكل ( عناد اطلق عليه لان خالد كان عارف انه بيجي اليوم الي يعرف فيه الكل وهو قاله بجي انا و زوجتي وانا بقتلها وانت اقتلني و بكذا انتهت حياة خالد بشكل محد كان متوقعه