قمراي وانا الليل

البارت أثنى عشر

عند غريد الي اصلا توها تفكر بمواقفها مع غيث و أيقنت انها وقعت له بقوه بس قاعده تنكر و انصدمت من فهد و صاحت وهي خايفه من كلشي قاعد يصير وهي ببالها غيث لعاب و مارح يحبهاا و أشياء كثير و صحاها صوت سعود وهو يغطيها بشماغه و قال : هيه وين وصلتي!
غريد تلطمت بالشماغ و كان فيه بشت سحبه سعود و حطه عليها و حاوطها و مشى فيها وذا كله تحت أنظار غيث الي كان واقف برا و دمه يفور وده يذبح فهد بس ما يدري ليه مو معقول كل ذي غيره على بنت عمه! و بكذا غريد و غيث كانو بموقف ما ينحسدون عليه و ما لفته الا حواجب غريد الحاده و عيونها و رموشها و نظرتها الحاده وهي بين اخوانها الي محتوينها و دخلوها جوا و نطق أمجد بحده : اخر مره تنزلينننن جلالتس سامعتني بعدين وش مدخلس غرفة العيال!!
غريد وهي مب معهم اصلا : ما دريت انه غرفتكم
سيف بحدة : و هذاك دريتي هالحين خليني اشوفتس بس تمرين من جمبها اني لا اكسر يدينيتس و رجلينتس سامعتني!
غريد وهي تصيح خلاص شبلاكم علي يا ناس قلنا ما دريناا و قامت وهي معصبه و راحت عند البنات
و قال سعود معليه انا اتفاهم معها وانتو روحو للعيال شوفو شسالفة و راح سعود دق باب يفصل بين القسم الي هو الي فيه و قسم البنات ( ع انهم كانو بالديرة لكن بيتهم كان افخم بيت بالديرة و كان كبير مره و حلو)
سعود دق الباب و قال : يولدد يا غريد تعالي
نجد سمعت و قالت : غريد سعود ينادينتس
غريد : تكفين مالي خلق اكلم احد قولي له نامت
نجد راحت و قالت من ورا الباب : يا سعود غريد نايمه بغيتها ضروري؟
سعود ابتسم وهو يدري انه ما امداها تنام لكن زعلانه و يدري انه فيها شي و يبي يعرف وش فيها و قال : والله يا ليت انها تجي
نجد تورطت و قالت بهمس اجل بغيتها ضروري شفيتس حماره انتي و قالت : اا اسمع طيب لا صحت تجيك؟
سعود وهو سمع همسها و شده صوتها اصلا بس باله مع غريد و قال وهو مبتسم : انتي متأكده انها نايمه تراني خابر حركاتها
نجد بورطه الله يقلعتس يا غريد كأنتس ورطتيني معه و دخلت جوا بسرعه و قالت : قسم بالله ان ما تقومين ل اخوس اني لا اذبحتس
غريد تأففت : ما يعتمد عليكم قسم بالله و قامت و قالت من ورا الباب : لبيه يا سعود لبيه
سعود ضحك و قال : وينها الي نايمه؟ حتى كذب ما تعرفون تكذبون
غريد : حسبي الله عليتس يا نجد
سعود بهمس اها نجد و قال : ورطتيها يبنتي و كمل كلامه و قال اطلعي ابيتس
غريد : يخي دامك قفطتني ورا ما ترحمني و تخليني انام صدق
سعود ضحك و قال : تمام افكك الحين بس بعدين محد بيفكتس تدرين صح؟
غريد فتحت الباب و حطت يدينها ورا ظهرها و وقفت على أطراف اصابعها و باست رأسه و نزلت و قالت : بغيت أسألك الحين غيث يحب احد؟
سعود قطب و قال : وانتي شدخلتس تسألين عن غيث؟
غريد : ولا شي أمجاد تقوله وانا كذا جاني فضول هو يحب احد؟ وهي ما تدري ان ذا كله تحت مسامع غيث الي دخل يبي أمجاد بس وقف بذهول من الي سمعه
سعود وهو بنظره يفهم غريد و فهمها و حب يحوسها و قال : والله له فتره يهوجس واجدددد مشكوك بوضعه
غريد قطبت و تكتفت بضيق : اها اي الله يجمعهم بالحلال و دخلت و سكرت الباب و قالت بهمس اجل تبينه يحبتس؟ احلمي بس
و في طرف ثاني غيث للأن منلخم و شاف سعود طالع و جا بيدخل و وقفته يد سعود وهو يضحك و قال : ع وين
غيث : ابي خواتي
سعود وهو ما زال يضحك : اي زين
غيث : انت شبلاك انهبلت يا خبل
سعود : ههههه لاا
غيث : الله يرزقك عقل و قال كلمته و دخل ركض من سعود الي فصخ حذيانه عشان يرميها عليه و دخل دق الباب و ما يدري ان غريد توها ورا الباب و فزت و قالت : سعود اذلف قبل ادفنك
غيث : والله سعود ذلف اصلا
غريد شهقت : بسم الله انت شجابك