قمراي وانا الليل

البارت اربعه وثلاثين

في البيت البنات كانو بالمطبخ يجهزون الغداء عشان يحطونه لان جت الساعه ١ ولازم الغداء ينحط ولا يعصب ابو إيهاب وبعد يشوفه متأخر الساعه ١ و طلعوه حطوه و جلسو ياكلون بعد ما بدا ابو إيهاب و الكل بدأ من بعده و جت ام إيهاب تقتل الصمت و قالت : الا ما خليتوني اروح اشوف نجد وش بها من عله!
ابو إيهاب : مابها الا كل خير ان شاء الله و بتطلع بكره الصبح و تشوفينها ان شاء الله يا ام إيهاب
ام إيهاب : الي تقوله يا ابو إيهاب
ابو إيهاب : الا شفيه صوتس تعبانن كذا؟
ام إيهاب ضحكت : لا تدللني عند عيالي يبو إيهاب
ابو إيهاب : زوجتي و حلالي من عنده الحق يقول كلمه
ابو عبدالله : ابد محدن له حق يبو إيهاب
ابو إيهاب : ايهنعم
______
عند غيث و هيثم وصلو المستشفى و نزل غيث و هيثم عطاه المفتاح و رجع مع أوبر و غيث وقف قدام باب المستشفى و تنهد و قال : يلا غزوه مباركه مع غريد و دخل و مشى و وصل عند الغرفه و دق الباب و جت غريد قالت : من؟
غيث : غيث
غريد توسعت عيونها و راحت تركض عند نجد بحكم ان الباب كذا فلفه صغيره و قالت : غيث غيث جا شسوي
نجد : يا المصفوقه افتحي وش تسوين يعني
غريد : لا وربي ما افتح
نجد : يبنت افتحي!
غريد : لاااا
نجد اف غريد لازم تخليني اقوم و زينت جلالها و قامت فتحت الباب و قالت ادخل و دخلت رجعت انسدحت و دخل غيث و قطب و قال : ليه انتي قمتي؟
نجد وهي شافت غريد هجت للحمام يوم راحت تفتح الباب قالت : غريد دخلت الحمام
غيث استغرب : مو هي قالت من؟
نجد بهمس ( صادقه غريد يخلي الي ما يعلق يعلق ذا الادمي صدق انه مشكله الله يرحم غريد) و قالت : اي سألت مين و فجأه بغت الحمام و راحت تركض فأنا فتحت لك يعني
غيث : اي زين، بس بها شي؟
نجد : لا لا
غيث : وانتي كيفتس؟
نجد : الحمدلله زينه
غيث : الحمدلله، طيب تبغون شي؟
نجد : لا سلامتك
غيث : زين انا بطلع و لف بيمشي و طاح مفتاحه و بكذا غطى عليه السرير و غريد طلعت و قالت : راح اوه اخيرا يربي بغيت اموت
و نجد توسعت عيونها و قعدت تأشر لعلى غريد تفهم بس غريد مفهيه
غريد ما امداها تتكلم الا غيث رفع رأسه و رفع المفتاح و قال وهو يخفي ضحكته : مفتاحي طاح نزلت أخذه و غريد قعدت تناظره وهي مصنمه و غيث لف بيطلع و قال وهو ماشي هذاني طلعت لا تموتين و طلع و غريد غطت وجهها و صرخت و وخرت يدها و قالت : لا تكفين نجد قولي انه حلم يربي ببكي وهي تضحك مع صيحه تلخبطت مشاعرها ....
______
اتمنى عجبتكم البارتات عطوني رايكم و حطو نجمة وان شاء الله ما أطول عليكم و انزل بكره ✨💙