قمراي وانا الليل

البارت السابع

نرجع للوضع الحالي

طارق ابتسم بضيق : خلاص يبه ابشر ان لقيت بنت الحلال ابشر تأمر أمر شتبي بعد
ابو إيهاب : الله يسعدك يولدي و يوصلك لمرادك و ابد بنات الحلال واجد انت أشر و اختار وانا اجيبها لك ( ابو إيهاب استانس مره لانه ما يهون عليه يشوف ولده كذا و يبيه يأسس حياته و يفرح فيه)
صقر طبطب على ظهر طارق و قال : صدقني مارح تندم انك تقدمت خطوه
طارق ضحك و قال : عشتو شوفو من قاعد يتكلم و ترا انت قبلي!
ابو إيهاب : يبو عبدالله اطلب بنتك ياسمين لولدي طارق
فز طارق و قال : هاه!
صقر ضحك و قال : اجل انا قبلك هههههه الله يسعدك ابوي يبي الفكه منك شكلك قاعد على قلبه
طارق بصدمة : يبه ما كأنك مستعجل!
ابو إيهاب : اص يولد مالك كلمة بعد كلمتي!
طارق : لنا الله
العيال كل واحد ماسك ضحكته خايفين يضحكون و يخطبون معه هههههه
ابو عبدالله : ابد يا راشد انا موافق و البنت شورها من شور ابوها
طارق فز و قال : لااااا
ابو إيهاب بحدة : يولد!
طارق : قصدي يعم خذ شور بنتك معليك عادي بس تكفى اسألها
ابو عبدالله ضحك و قال : ابشر كم طارق عندنا
طارق تنفس : و قال بهمس زين طلع يفهم يربي بغيت اموت لا يزوجنها غصب بعدين تكرهني انا عاد ماني فاضي
مداح سمعه و قال : معليك معليك يولد هد و ان شاء الله سهالات
عبدالله : اجل انا بقوم اكلم اختي
ابو عبداله : اي زين ما تسوي
عبدالله : فهد خالد تعالو معي يلا و قامو العيال و تقدم عبدالله و قال بصوته الرخيم : يولددددددد ياسمين
ياسمين قامت و وقفت ورا الباب و قالت هلا عبدالله؟
عبدالله : اي اي اطلعي انا و فهد و خالد هنا نبيتس
ياسمين استغربت و اخذت طرحتها و حطتها على رأسها و طلعت عند الباب و قالت : لبيه امروني؟
عبدالله : ما يأمر عليتس عدو، اسمعي تقدم لتس واحد
ياسمين شهقت : هاه!
فهد : سمي بالله يبنتي شفيتس كلنا بنتزوج والله ذا قرار عمي يبي الفكه مننا وانتي اول وحده انتي و طارق شرايتس بس
ياسمين عيونها دمعت : يمه طارق خطبنييي!
خالد : الله يفجعك فجعتها!
عبدالله : اخص شوفو من يتكلم طلعت تخاف على خواتك؟
خالد ابتسم بضيق : و قال ما صرت شين لدرجه ما احس و لا أخاف على خواتي ولا احبهم!
فهد يبي يفكك الموضوع قبل يجرحون بعض اكثر : ايوه ياسمين حبيبتي وش قلتي موافقه؟
ياسمين جتها كتمة من الصدمة كانت تشهق و ماسكه صدرها و قالت : مو منجدك فهد تبي اعلمك الحين اني موافقه ولا لا؟
فهد : اول شي تنفسي ترا عادي ماهو بخاطفتس جا يخطبتس من ابوك شفيتس بتومتين علينا شوي شوي ثاني شي اي الحين اجل متى الرجال ينتظرون ترا!
عبدالله تقدم و مسك يدها و باسها و قال : والله يا ياسمين طارق رجال و النعم فيه و انا متأكد انه رح يحبتس و يصونتس ولا رح يأذيتس ان كأنتس تبين رأي يعني انا اقولتس وافقي ما بيجيك احسن منه ولا ترفضين و تصير مشاكل بين ابوي و عمي انه رفضنا ولده و عاد الشور شورك انا مستعد تصير مشكله اذا ما تبين
خالد ضحك : وراك خربتها بالاخير حتى لو اقتنعت بكلامك بتكنسل بعد اخر شي
عبدالله : وذا الصدق طيب خل تعرف ان أخوانها سند لها و تطق الأرض ولا تسمي دامها اخت عبدالله
خالد و فهد : و النعممممم
ياسمين تنحنحنت و قالت : خلاص طيب انا موافقه
تقدم فهد و ضحك و بأس راسها و قال : زين ما اخترتي وانا اخوتس
و تقدم خالد و طبطب على كتفها و قال : على البركه ( خالد كانت علاقته رسميه جدا مع خواته و حتى بعض الأحيان تكون سيئة)
و تقدم لها عبدالله و ضمها لصدره و قال : مبروك مبروك يا حبيبتي انتي
ضحكت ياسمين و قالت : لا تسمعك المها ههههههه
عبدالله طق راسها بخفه و قال : شكلتس بتطلعين غيوره مثلها يبنت محمد
ياسمين : ايه نعم عرق الغيره يجري بدمي الله يسلمهم اخواني خلوني اورثه هههههه
خالد : يمه منتس حنا غيورين
ياسمين رفعت حاجبها و تخصرت و قالت : صادق مو بس غيورين الا تموتون غيره هههههه و ركضت لداخل
فهد ضحك و قال : الله يعين طارق الله ينصره بس هههههه
عبدالله طقه و قال : ترا عادها اختي
فهد وقف و قال و هو رافع يده : واختي!
خالد دفه و قال امش امش بس
عند البنات دخلت ياسمين و قالت بصوت عالي : بنتكم انخطبتتتت و الكل سكت و قام يناظرها و قالت : ايه نعم طارق خطبني وانا وافقت قبل شوي هههههه
قامت ام عبدالله وهي تزغرط و قالت : مبروك يا يمه يا مبروك
ياسمين : الله يبارك فيتس يا هيوله
ام عبدالله قبصتها : اشوفتس تمونين ترا عادتس بنتي!
ياسمين بألم : اهخ يمه توجع المفروض تبوسيني مو تقرصيني هههههه حرام عليتس و لفت على البنات و قالت تعالو تعالو ادري بخاطركم و فتحت لهم يدها و طبو كلهم عليها
نجد : الله امنا رح تتزوج
ياسمين رفستها و قالت : وجع وش امكم بسم الله علي
عذوب : اف يبنات جحدتنا حتى قبل تتزوج تشوفون جمان : اي والله
ام سيف : بس خنقتو البنت
جمان : اشدعوه نخنقها لا خلوها لحبيب القلب طارق
ريمان صفقت و قالت : اي والله و صار عندها حبيب عشناااا
ياسمين : وش حبيبه فشلتوناا
سحاب : استحت استحت يبنات هههههه
البنات كلهم صرخو بصوت واحد و قالو : اووووووووووههه
وما سمعو الا أصوات العيال
غيث : و صمخخخ
عبدالله : وجع انتي وياها
هيثم : لا ادخل لكم!
طارق : عمى بعينكم

نجد : عشنا حبيب قلبتس يغار عليتس يا ياسمين
ياسمين تخصرت و قالت : وانتي كيف عرفتي صوته!
عذوب : اف اف اشتغل عرق الغيره هههههه
نجد : يمه بنات شوفو كيف تناظرنيي
ياسمين : اي اعقلي وش تبين به
أمجاد : بدري تقمصتي الدور هههههه
ياسمين : اص اص ما اكلم سناقل انا انتقلت من مرحلة لمرحلة اشوفكم بزران الان والله 
نجد : عشتووو هههههههه قومي بس سوي معي قهوة
في مكان بعيدد عند حمد و فارس و عبير
فارس : اجل تمام نحول للخطه ب و نخطف غريد
عبير : والله ما انصحكم تدخلون بمشاكل مع أهل بني تميم لكن بكفيكم
حمد : اقول انتي انطمي
عبير : اقول هيه ترا محد وصلكم لهنا الا انا! ف ابلع لسانك و اسكت لا اسوي شي ما يعجبك
حمد بأستهزاء : عشتو وش بتسوين يعني؟
فارس بعصبيه : خلاص انت و ياهاااا! بزران انتو؟ ركزو على الخطه و اسمعي عبير انا عندي خطه وانتي رح تساعدينا
عبير : نعمم! لا والله تبي تورطني؟
فارس : اقول كلنا بالهوا سوا بعدين رح نخطفهم كلهم غريد و أمجاد سمعتو؟ و انتي يا عبير رح تروحين بيتهم و رح تستدرجينهم لبرا و الباقي علينا طيب؟ وانت يا حمد بتكون معي
عبير : لا معليش انا لا تدخلوني!
حمد : يالليل قلبتي خوافه الحين؟
عبير : انت الخواف!
فارس : اجل خلي الدلع و كله شي سهل ترا خلي الخوف الي ماله داعي
عبير : اف خلاص طيب بس من الحين اقولكم ترا اذا صار شي رح اجحدكم و بحط كلشي عليكم
فارس ضحك ضحكة بصوت عالي و قال : معليه تمونين ههههه
عبير : اي امونننن وكيف ما امون على اخوي! غصبن عليك اصلا
فارس تقدم و بأس راسها و قال : معليك باخذ حقك منهم
حمد : وانا مالي رب!
فارس ضحك للمره الثانيه و فتح له يده و قال : تعال يا حبيب اخوك تعال
________
تعريف بسيط لعائلة عبير

ابو عبير
متوفي

ام عبير
متوفيه

فارس ( من الابطال) :
عمره ٢٦ و هو أكبر واحد من إخوانه و يعنتي فيهم دايم و مقد تزوج عشان ما يتركهم

حمد :
عمره ٢٢ و عصبي شوي و شخصيته حاده لكن حنون على أخته

عبير اخر العنقود :
عمرها ٢٠ و تكره أمجاد و غريد من ايام الثانوي عشان كذا تبي تسوي لهم مشاكل و هي اصلا تكرهم لسبب هي فاهمته غلط و بنشوف وش بيصير لها مع الأحداث الجايه
_______
نرجع لمزرعة بني تميم عند الرجال جو عبدالله و خالد و فهد
و جا عبدالله يقول بكل صوته : مبروككك يا عريسناااا مبروك عليك ما خذيت
فز طارق من مكانه و ابتسم و هو ما يدري ليه و قال : احلف بالله وافقت علييي انا؟ قلتو لها طارق و قالت ابيه!!
عبدالله ضحك و قال : اي بسم الله عليك شفيك قلنا لها طارق و قالت ابيه و فرحانه بعد بعدين شفيكم تنصدمون انتو
طارق : من احنا
عبدالله ابتسم بخبث : انت و حبيبتك
طارق : الله يقلعك بعدين ليه انصدمت هي و قال بهمس ( والله بحقها تنصدم البنت خمس سنوات ما تحرك فيني شعور و فجأه خطبتها بعدين بسم الله على طول وافقت)
عبدالله : ما توقعت ان انت رح تخطبها يعني بعدين تعال شفيك الأرض مو شايلتك ذي كلها فرحه دام كذا كليوم بنخطب لك