قمراي وانا الليل

البارت الرابع

عذوب فزت يوم سمعت صوته و قالت : فراس تكفى طلبتك يخي والله ماابي ما يعورني خلاص خلوني انا اتصرف و قامت تعرج و هي بتنحاش منهم و جا فراس وقف قدامها و قال : اولا ما سمحت لتس تقومين ثانيا و مين قالتس انتس تعرفين تتصرفين انتي شايفه رجلتس؟
لفت عذوب و ارتطمت بصدر غيث و انجلطت منهم كيف حاصروها و قالت بصوت مهزوم : اففف يخي بعدو بعدو يخي انا اقول ماابي غصب هو غصب لا اله الا الله! و ما حست الا بفراس شالها و شهقت و صرخت : فراسسس يا فراس نزلنييي تكفى فراسسسسسس
ضحك فراس و قال : حلبتي اسمي يختي و جلس و حاوطها عشان ما تهرب و أشر لغيث يجي و جا غيث و مسك رجلها و عذوب قعدت تصيح
غيث : يبنتي ليه الصياح ماني مسوي لتس شي قسم بالله اركدي اركديييي و قام يعقم لها رجلها و هي تضرب بظهر فراس و تعضه ضحك فراس و قال : تمونين يا اخت فراس تمونين
وما هي إلا دقايق و خلص غيث و قال : خلصنا يا بنتي خلاص وقفي صياح ارحمي نفستس
ولفت عليه عذوب و قامت تطق صدره و تقول : يا حيوان انت داري اني اخاففففففففف ليه تمسكني غصب عني الله ياخدك
حضنها غيث وهو يضحك و قال : افا افا كل ذا شايلته علي؟
اسفين حقتس علينا والله بس منجدتس يعني بخليتس بدمتس و اسحب؟
عذوب وخرت عنه و قالت بحزن :  بس انت تدري من بعد الحادث صرت اخاف يا الغيث
غيث : افا وانا اخو عذوبب يخسي الخوف والله دامتس اختي وفي وجهي!
عذوب ابتسمت و باست راسه و قالت : ما تقصر يا غيث
غيث ابتسم و قال : جعلني قبلها يا عربببب و كمل كلامه و قال يلا فراس مشينااا ورانا شغل وانتي يا عذوبي انتبهي لنفستس زين و بالليل انا بجيتس اغير لتس الضماد و ما نبي حرب يرحم امتس فجهزي نفستس من الحين و غمز لها و مشى وهو يضحك و يسمعها تسبه و تهاوش و رد عليها بصوته الجهوري و قال : تمونين يا اخت الغيث تمونيننن ههههه
______________
في بيت ابو عبدالله
نزل عبدالله و وقف بنص الصالة و قال : يا أهل الدار جاهزين يلا لا نتأخر على أهل عمي يلاا ( ابو إيهاب يكون اخو ابو عبدالله )
نزلت نجد وهي تقول  قالها الشاعر :
اشهد ان الله عطى وجهك قبول
كل ماشوفه.. اشوف العافيه
جيتك وصدري من اللهفه يطول
ممتلي شوق ومشاعر دافيه
سامح الله عقرب الساعه .. عجول
نصف ساعه والله ماهي كافيه
انت حتى الشعر في وصفك خجول
وكل كلمه في سموك وافيه
من كثر مارمشك الناعس كسول
كن عينك في هدبها غافيه
نصف ساعه فاهي بوجهك واقول
اشهد ان وجهك يجيب العافيه

عبدالله : صح لسانتس يا حبيبة اخوتس
نجد : صح بدنك يا اخو نجد

تعريف بسيط بعائلة ابو عبدالله

ابو عبدالله ( محمد) :
قاسي مثل اخوه راشد و يخاف على عياله و يمشي كلمته على الكل

ام عبدالله ( هيله) :
تحب عيالها حبا جما و علاقتها قوية مع منيره و تحبها

عبدالله (البكر) :
عمره ٣٥ عقيد وله هيبته و علاقته حلوه مع عيال عمه راشد و متزوج و عنده ولد