قمراي وانا الليل

البارت خمسه وعشرين

وقف غيث بسرعه لمن سمع صراخ غريد ولف و انصدم لمن غريد قالت : غيثثثثث نجدددد ما تتنفسسسسسس نجد نجدددد بتروح و نزل بسرعه و فتح الباب الي ورا و قام يضغط على صدر نجد و يضغط و هو كل خليه فيه ترجف لين شهقت نجد وهو تنهددد بهدة حيل و غريد انهارت من الموقف الي عاشته و ركب بسرعه و طار فيهم للمستشفى و فهد من الصدمه معد تكلم ولا شي و غيث لاحظ عليه لكن يبي يوصل المستشفى بعدين يكلم فهد و يهديه و وصلو اخيرا و على طول فهد نزل و اخذ نجد و دخل فيها للمستشفى وهو يصرخخخ و تجمعو عليها الدكاتره و دخلوها و فهد طاح بارضه اول ما اخذو نجد منه و على غيث ركض له و انصدم لمن شافه يبكي بحرقه و نزل جلس قدامه بالأرض و قال بحنيه : فهد سم الله عليك شفيك؟
فهد : مقدر اعيش بدون نجد مقدر
غيث : ربت على كتفه و قال : طيب الحمدلله توها عايشه والله يطول بعمرها و ان شاء الله انها بسيطه ولا تشيل هم وانا اخوك
فهد : لا حنا ما سمعنا لها ولا انتبهنا لها كله مننا مننااااا و الي خلق سبع اني ما اخلي ذا الي اسمه خالد بحاله
غيث : انت اهدا الحين اهدا و تنحل و قام وقف غيث و سحب فهد معه و اردف و قال : اطلع برا شم هوا لين تطلع نجد وانا بجيك و طلع فهد و غيث لف على الي واقفه هناك و تقدم لها و رفع حاجبه و تكتف و قاعد يناظرها يقيم وضعها هي كيفها ولفت عليه غريد و قالت : بتقعد تناظرني كذا؟
غيث حاول يخفي ابتسامته و قال : كيفس؟
غريد : مايخصك اظن
غيث : انتي شبلاتس تحاكيني كذا!
غريد لفت عليه بقوه و تكتفت و رفعت حواجبها و قالت بحدة : لا يشيخ! و تسألني بعد
غيث وهو يناظر حركاتها : اي أسألس؟
غريد : غيث يرحم امك مهو وقت عباطتك
غيث قرب اكثر : ما استعبطت انتي قولي شفيس؟
غريد بعدت اكثر كل ما قرب هي تبعد و قالت : انا ما اكلم واحد يطلعني من قلبه عشان شي هو ما فهمه اصلا و واحد ما يثق فيني!
غيث غمض عيونه و قرب من غريد و غريد لزقت على الجدار و هو حط يده على الجدار و كان مبعد وجهه شوي عن وجهها لكن حركته كانت كفيله بأنها توتر غريد بشكل و قال : والي تطلع بنص الليل وما تدري وين رايحه و بدون إذن من احد ذي في احد بيثق فيها؟ كان كلامه كأنه سم بالنسبه لغريد و من القهر ما خلته يكمل كلامه و صفقته كف من القهر و دفته و قالت : ثاني مره تقرب مني كذا ما يجيك بس كف و مشت و خلته وراهاا....