قمراي وانا الليل

البارت عشرين

اما عند غريد فكانت تبكي لين فجأه هجدت و رجعت ضمت رجولها لصدرها و حطت راسها على رجلها و قعدت تهوجس و غمضت عيونها وهي تتنهد و بعد دقايق رفعت رأسها و قررت تطلع تشوف أمجاد وين راحت و قامت وقفت و زينت جلالها و طلعت و كانت تلفت يمين يسار تدور أمجاد و لفت على صوت احد يناديها و على طول عرفت الصوت وكيف ما تعرفه وهو استحل قلبها و لفت بسرعه و فعلا لقته واقف و جمبه أمجاد و وقفت مكانها تناظر و بعدها قربت و قالت : أمجاد انتي هنا كنت ادورتس
أمجاد وهي صوتها متغير من كثر ما بكت : اي اي هنا
غريد بأستغراب : بنت شبلاه صوتس؟
أمجاد ضحكت : وهمست بعدين بعدين و لفت على غيث تناظره وهو كيف صاد عند غريد و جت غريد قالت : طيب يلا امشي نرجع ما طلعت الا عشانتس انا اصلا
غيث وهو صاد : لعد تطلعين و محد معتس يمكن تتعبين ولا شي
غريد : وانت شعليك؟
غيث انقهر ولف عليها بقوه و قال : شعلي؟
غريد تكتفت : ايوه شعليك مو انت طلعتنا من قلبك؟ شتبي باحد طلعته من قلبك؟
غيث حس كلامها كأنه طعنه بصدره و سكت و هو عينه بعينها و اردفت غريد و قالت : شفت حتى انت ما عندك رد
غيث تنهد و لف و مشى
غريد بصوت يسمعه غيث : اي اي اهرب اهرب بس بعدين لا ترجع تبيني والله ما تلقاني و مشت و غيث وقف يوم سمعها تتكلم و لف يناظرها لمن خلصت كلامها مشت و حس كل ما تمشي زياده يوجعه قلبه وهو احتار وش يسوي وده يروح الحين يطلبها من ابوها لكن ابوها كارههم من بعد ما تهاوش مع ابوه ولا يدري وش يسوي و ابوه قاله اصبر فتره يرجعون الرياض يمكن يهجد ابوها بس هو خايف احد ياخذها منه و بعد هو يبيها تتعلم من غلطها و هو واثق انه خلاص تعلمت ف ما بقى الا ابوها هو أكبر مشكله لكن هي وش يفهمها الحين و تنهد بضيق و كمل طريقه و ركب سيارته و كان يمشي بلا وجهه....
________
لو سمحتو اقماري حطو نجمة لمن تقرون البارتات تقديرا لتعبي و كومنت 💙✨