قمراي وانا الليل

البارت ثمانيه وثلاثين

في طرف ثاني في أبها عند ياسمين كانت بالفندق و شافت جوالها يرن و أخذته و لقتها نجد و ردت على طول : الحمدلله ذكرتو ان عندكم اخت اسمها ياسمين
نجد ضحكت : لا والله من الي نستنا حنا ولا انتي
ياسمين : اص بشويش اهرجي طارق نايم
نجد : يا الخبله انتي الي اهرجي بشويش مهب انا انتي الي عنده ههههههه
ياسمين : اص اص ايوه شتبين داقه تخربين حياتي الزوجيه
سحاب نطت : اخص يا حياتي الزوجيه ههههه اشوف صار عندنا هرج جديد اتحداك تقولين كذا قدام فهد والله ان يذبحك ههههه
ياسمين : الا على طاري فهد وكذا الا كيفهم اخواني ان شاء الله مافيه مشاكل جديده
سحاب : تكفين اسكتي مع الساحره دايم فيه مشاكل
ياسمين : اص عيب يخي والله عيب
سحاب : يشيخه يزينتس وش الي عيب ذا ولا شي عندها انها تكون ساحره الا صدق يعني تخيلو تطلع ساحره خالد هههههه
نجد : و سحرتنا معه ههههههههههه
ياسمين : ااا يا قليلات الأدب ههههههه خلاص عيب والله عيب
سحاب : ما تبي تضحك بس طلعت بالغصب تبي ترقعها سفلت فينا هههههههه
ياسمين : هيهههه
نجد : يمه وشو
سحاب : انتي توس تشهقين غريبه طارق ما غير ذا العاده فيتس
ياسمين : اسكتي اصلا محد يخليني اشهق غيره بعدين سمعت صوت شكله قام
نجد : الله يقلعتس و طيب اذا قام؟
ياسمين : اص انا امس هجيت منه وهو توعد فيني
سحاب : مشاكل حبايب مالنا فيها يلا مع السلامه
ياسمين : يلا تقلعو و سكرت و سحاب لفت على نجد و بس التقت عيونهم طاحو يضحكون