قمراي وانا الليل

البارت خمسه وخمسين

جا الظهر و الكل موجود و كانو الناس طالعين داخلين ببيت ابو إيهاب و البنات الي بالمطبخ تسوي قهوة وشاهي عشان العزاء يعني وكذا و الي تغسل المواعين و الي قاعده عند الحريم و الي تدخلهم و الي تطلعهم يعني كل واحد انشغلت بشي عشان ما تقعد تبكي قاعدين يلهون نفسهم و ابو إيهاب قاعد متوسط مجلس الرجال بلا روح ولا ينطق بولا حرف حتى و الكل عاذره لان ابدا مو سهلللل الشي الي صار له! عاش معها كل عمره و العيال قايمين بالعزاء الي يصب قهوة والي واقف يستقبل الرجال وكل واحد يسوي شي و نجي عند غيث راح يجيب القهوة من المطبخ و دق الباب و محد رد و حسب محد جوا فجا بيدخل الا لمح احد جوا و على طول قال بصوت جهوري : يولد و غريد فزت وهي كانت تهوجس و ما سمعت ولا شي ابد حرفيا و لفت وقالت : شبغيت؟
غيث وهو عرف صاحبة الصوت ابتسم لا اراديا وقال بهمس : ابيس انتي تجين؟ و اردف وقال بصوت عالي : بغيت القهوة و الشاهي
غريد : وهي جت تاخذ الدلة و نست انها تكون حارة و صرخت و غيث فز من صراخها و سد اذنه و صد وقال : يبنت الأودام شبلاتس!
غريد وهي بتموت احراج : معليش والله بالغلط صرخت مو قصدي بس احترقت يدي
غيث : سم الله عليتس قوي؟
غريد : لا بس مسكت الدلة وهي كانت على الغاز
غيث : الله يعافيتس شكلتس تحسبين يدتس ضد الحرارة و اردف وقال : به شي عليتس عادي ادخل؟
غريد رمت الطرحة على وجهها : اي ادخل و دخل غيث و جا ياخذ الدلة و قال : وريني يدتس قبل اطلع
غريد : لا عادي مابها شي
غيث : انا ما سألتس قلت لتس وريني بس بتطمن وريني
وهنا غريد حست فز قلبها من كلمته يعني توها تهمه عشان كذا يبي يتطمن؟ و مدت يدها وهو ناظرها وقال : افا يبنت امير انتبهي أوجعتي قلبي! و اردف وقال : غسليها و حطي فازلين و بعدين برجع اسالتس عنها و طلع و وقفت غريد تناظره وهو طالع و تنهدت بقوه وقالت بهمس : الله يبعد فيصل و يقربك لي و غمضت عيونها و فتحتها و تنهدت و مشت تطلع من المطبخ