قمراي وانا الليل

البارت ثلاثين

عند غريد و نجد في المستشفى بعد ما وصل عندهم ابو إيهاب
غريد : انا بروح اجيب مويه واجي
ابو إيهاب : اي زين تسوين يبنتي و راحت غريد و بقو سعود و ابو إيهاب عند نجد و غريد كانت تمشي رايحه بتاخذ مويه و ترجع والا تصدم بواحد و رفعت رأسها و هي الوجه مو غريب الا عليها الا شوي عرفت انه فيصل وحست بورطه و قالت : معليش ما شفتك
فيصل : لا لا انا الغلطان
غريد ناظرته و جت بتمشي الا قال : صوتس و عيونتس مو غريبه علي!
غريد قالت بهمس ( يوه ذا بعير ما ينسى اخر شي شفته قبل سنين وش يذكره فيني) و اردفت و قالت : انا من بنات ابو إيهاب
فيصل : من بن تميم!
غريد : اي اجل من
فيصل : اي شفتي قلت لتس اني اعرفتس
غريد : والله يخوي حتنى اعرفك لكن لو قعدت تكلمني شوي بيجي سعود يذبحنا سوا ف مع السلامه و مشت و قالت وهي تمشي : يقلعه كيف حلو متأكدين ذا من عيال الديره؟ ما ظني شكلهم خطفوه والله صار مزيون اكثر من اول يا حظها الي بتاخذه و صحت على نفسها و قالت يوه غريد شفيتس و راحت تجيب مويه و رجعت الغرفه دخلت لقت ام عبدالله موجوده و معها سحاب و جت تخصرت و قالت وهي تضحك : خذيتو مكاني اشوف هههههه
ام عبدالله : هلا هلا ببنيتي غريد، قربت غريد و باست رأسها و قالت : هلا خالتي أرحبي، ليه تعبتي نفستس و جيتي كنت انا عندها
ام عبدالله : لا يا أمي انتي تعبتي لتس يوم قاعدتن هنا ارجعي البيت مع فهد انتي و سحاب وانا بقعد عن بنيتي
سحاب : لا يمه انا بقعد ماابي ارجع
ام عبدالله : اقول بلا دلع وش تبون بالمستشفى
نجد : كلكم ارجعو ما يحتاج احد يقعد اصلا قالو لي بطلع بكره خلاص خلو غريد معي تكملها يوم و نطلع انا وهي لأجل ما تتعبون
ام عبدالله : يعني صاملين ترجعوني اجل يلا يا سحابه رجعنا البيت وانتو يا المهبل خلكن هنا لين يجيكم واحد من العيال يقعد عندكن ظني بيجي غيث
غريد على طول قالت : لا يا خاله ليه يجي غيث
ام عبدالله ناظرتها : ومن تبين حظرتس نقي و اختاري
غريد : خل سعود يقعد
نجد صرخت : لااااا مهو على كيفتس
ام عبدالله : الحمدلله و الشكر ترا كلهم واحد اقول يمه سحاب امشي نرجع بيتنا ازين
سحاب : هههههههههه مشينا مشينا يمه و خلي المهبل مع بعض