SYSTEM 04 [COMPLETED] [စေတန်ရဲ့ နှောင်ကြိုး]

Extra (2)

နတ်ဘုရားမ ညောင်းနေလောက်ပြီညီမလေး ။

မျိုးနွယ်စုစစ်ပွဲကြီးအပြီး အရာအားလုံးသည် သူ့နယ်မြေနှင့်သူအေးချမ်းလို့နေလေပြီ။ မေဘယ်လ်တို့ မြင့်မြတ်သွေးမျိုးနွယ်စု သည်လည်း အကြီးအကဲဖြစ်သူမေဘယ်လ်၏ အုပ်ချုပ်မှုအောက် ငြိမ်းအေးလို့နေ၏။

မငြိမ်းအေးနိုင်သည်က မေဘယ်လ်သာဖြစ်၏။ မေဘယ်လ်သည် နေ့စဥ်ရက်ဆက် ကလေးသုံးယောက်အားထိန်းနေရလေသည်။ မျိုးနွယ်စုတိုင်းက ဖိန့်ဖိန့်တုန်အောင်ကြောက်ရပါတဲ့မေဘယ်လ်သည် ထိုသားအမိသုံးယောက်နှင့်ဆိုလျှင် ကလေးထိန်းလုံးဝကိုဖြစ်ပေတော့သည်။

ကြင်ယာတော်ပေါက်စသည် ကလေးနှစ်ယောက်နှင်ပေါင်းလို့ဗြောင်းဆန်အောင်ဆော့သည်။ မွှေပုံမွှေနည်းက မရိုးနိုင်ရာ။ သားအမိသုံးယောက်သည်ရုပ်ဖျတ်လို့ မျိုးနွယ်စုအတွင်းလျှောက်သွားလို့ပြဿနာရှာသည်။ စစ်ရေးလေ့ကျင့်ရာနေရာသို့သွားကာ စစ်တိုက်တိုင်းဆော့ဖို့ရာ စစ်သည်တော်များအားဂျီကျသည်။

စစ်သည်တော်များသည် ကြင်ယာတော် ကိုယ်ဝန်လွယ်ထားရစဥ်ကတည်းက စစ်သည်တော်ယောင်ဆောင်လို့ ရောယောင်ပြီးဝင်ရောက်လာတတ်သည့်ဒဏ်ကိုအလူးအလဲခံစားခဲ့ရသည်ဖြစ်ကာ ယခုပင်ထပ်မံလို့ ရင်သွေးတော်ပါပူးပေါင်းလာသည်ဖြစ်ရာ နှစ်ဆခံစားလို့နေရှာတော့သည်။ ကြင်ယာတော်နှင့် ရင်သွေးတော်ကြီးရောက်လာပြီဆိုကတည်းက အကြီးအကဲကိုသတင်းပို့ဖို့တာဝန်ယူရသူတစ်ယောက် သပ်သပ်ရှိ၏။ သို့ပါသော်ငြား အဆိုပါ အထောက်တော်သည် ကြင်ယာတော်နှင်ပက်ပင်းတိုး၍ ကြောက်လွန်း၍နှစ်ပတ်ခန့်မျှ အိပ်ရာထဲလဲချေသည်။

ထိုအကြောင်းတွေကို ကြင်ယာတော်မရှိတုန်း အကြီးအကဲအား ညှိုးငယ်သောမျက်နှာထားများအားသိသာစေရန်အလို့ငှာ မျက်ရည်လေး စမ်းစမ်းနှင့်တိုင်ကြရရှာသည်။ အကြီးအကဲသည် စစ်သည်တော်တို့အား နှစ်သိမ့်ပေးသော်လည်း အကုန်လုံး၏ စိတ်ထဲ၌သိကြသည်က ထိုအကြီးအကဲသည် ဘယ်သောအခါမှ သူ့ကြင်ယာတော်ကို စကားနဲ့ပင်နာအောင်မပြောသူပင်။ သူတို့မတတ်နိုင်ပြီ။