SYSTEM 04 [COMPLETED] [စေတန်ရဲ့ နှောင်ကြိုး]

53 (i)

ဒုတိယအကြိမ်မြောက်စစ်ပွဲ သို့​တည်းမဟုတ် အမှန်တရားကခေါင်းပြူပြလေပြီ။ (သေချာဖတ်ပေးကြပါ) (1)

ရှင်းသည် mission ကိုသာ လက်ခံလိုက်ရသည်။ mission အား မည်သို့မည်ပုံ ဆောင်ရွက်ရမည်မှန်းမသိပါချေ။ သူ့အတွက်က အချိန်တွေကုန်တာသိပ်မြန်လွန်းနေသည်ပင်။ အကယ်၍သာ အခြားသောအဖြေကိုရွေးချယ်လို့ရရင်လည်းကောင်းမည်။

Mission လက်ခံရရှိပြီး 3 လမြောက်။

ရှင်းရဲ့ကိုယ်ဝန်က တစ်နှစ်နှင့် သုံးလထဲဝင်ခဲ့လေပြီ။ မေဘယ်လ်သည် သွေးရိုင်းနွယ်မျိုးနွယ်စု အားအောင်နိုင်ပြီးချိန်မှစ၍ ရှင်းကိုချီမထားရုံတစ်မယ် သဲသဲလှုပ်၍နေခဲ့သည်။ က​လေးလေးတွေက လှုပ်နေပါကြောင်း မေဘယ်လ့်ကိုအသိပေးစဥ်က မေဘယ်လ် မှာစိတ်ထဲတွင် ဗလာဟင်းလင်းဖြစ်လို့။ ကလေးတွေ၏ ဖြစ်တည်မှုသည် ထိုမျှ စိတ်လှုပ်ရှားစေခဲ့သည်။

မေဘယ်လ်က သွေးရိုင်းနွယ်မျိုးနွယ်စု အားသိမ်းပိုက်နိုင်ခဲ့သော်ငြား အဓိက စစ်မီးသည်ကား တငွေ့ငွေ့လောင်ကျွမ်းနေဆဲပင်။ သွေးရိုင်းနွယ်မျိုးနွယ်စု နှင့်စစ်ပွဲကြောင့် မြင့်မြတ်သွေးမျိုးနွယ်စု ၏စစ်သည်တော် ​တော်​တော် များများသည် စစ်ပန်းနေပြီးသားဖြစ်ချေသည်။

ထိုသို့သောအချိန်မျိုးကိုစောင့်နေပါသော သမန်းပြာဝံပုလွေမျိုးနွယ်စု သည်အမောက်ထောင်ပြလာချေတော့သည်။ ခြသေ့်နှစ်ကောင်၏တိုက်ပွဲတွင် ရှင်ကျန်ရစ်သော ခြသေ့်တစ်ကောင်က အင်အားအပြည့်ပြန်ဖြစ်ဖို့ရာ အားဖြည့်ဖို့လိုပေသည်။ ထိုသို့အားဖြည့်နေစဥ်အတွင် အင်အားအပြည့်ဖြစ်နှင့်ပြီးသော အခြားခြသေ့်တစ်ကောင်က ဝင်တိုက်ခိုက်ပါမူ ရှုံးနိမ့်ဖို့ရာ ရာခိုင်နှုန်းများသည်မဟုတ်ပါလော။

အချစ်နှင့် စစ်တွင်မတရားခြင်းဟူသည်မရှိသော စကားကို အကာအကွယ်ယူလို့ ကနဦးအစကတည်းက အရှက်သိက္ခာနှင့် ဆင်ခြင်တုံတရားကင်းမဲ့ပါသော သမန်းပြာဝံပုလွေ မျိုးနွယ်စုသည် မြင့်မြတ်သွေးမျိုးနွယ်စု အား ရုတ်ချည်းစိန်ခေါ်ဖို့ရာ​ပြင် လေတော့သည်။