🌺 ဦး မချစ်ခဲ့သော် 🌺 (Completed)

Part - 35

🌺ဦး မချစ်ခဲ့သော်🌺/Part- 35/
***********💔*********

မဂ်လာပွဲကစီစဥ်ထားသည့်အတိုင်း
မနက်မှာလူနည်းစုအားဖိတ်ကြား၍
/စည်း အိမ်တော်မှာ/တရားဝင်လက်မှတ်
ရေးထိုးခဲ့ကာ​ကျင်းပခဲ့ပြီး ညဘက်တွင်
ဒယ်ဒီ ဆောက်ပေးခဲ့တဲ့မြို့တောင်ဘက်က
အိမ်တော်အသစ်မှာDinnerပွဲတစ်ခု
စီစဥ်ထားသည်။

အဖြူရောင်တွေချည်း ပြည့်နက်နေတဲ့
ခြံဝန်းထဲမှာ အဖြူရောင်သတို့သမီးကလည်း
နတ်သမီးလေးတမျှ လှပလွန်းနေတာကို
အားလုံးမြင်ပေမယ့် သတို့သားကတော့
မမြင်ခဲ့ပေ။ဒါကတော့ ရင်နာစရာ
ကောင်းလှပါသည်။

မနက်ကလူရင်းတွေသာ ဖိတ်ကြားကာ
ညဘက်ပွဲကျ လူတော်တော်များများကို
ဖိတ်ကြားထားသဖြင့် လူအတော်စည်၏။
လုပ်ငန်းရှင်ကြီးတွေနဲ့အသိမိတ်ဆွေများကို
လိုက်လံဧည့်ခံရတာ အတော်ပင်ပန်းလှပြီ။
ဒေါက်ဖိနပ်စီးခဲသည့် အနွံ_ခြေဖနောင့်တွေ
နီတွက်နေကာ ပွန်းပဲ့နေသည်။

သတို့သားလက်ကိုချိတ်၍ လူအများကို
အပြုံးလေးနဲ့နှုတ်ဆက်နေတဲ့စုံတွဲအား
ကြည့်ပြီးလူအများ ပြောကြတာက
နတ်ဖက်တဲ့စုံတွဲတဲ့။ထိုစကားကို
ကြားတော့ အနွံ_စိတ်ထဲမှာဝမ်းနည်း
လာမိကာမျက်ရည်တွေဝဲလာမိတယ်
နတ်ဖက်တဲ့အတွဲဆိုတာ နှလုံးသားချင်း
ထပ်တူကျလို့အချစ်တွေပြည့်လျှံနေကာ
လိုက်ဖက်တင့်တယ်တဲ့အတွဲကိုပြောတာလေ။

သူမတို့ကရော????။တစ်ချက်ကလေးမှ
မလိုက်ဖက်မတင့်တယ်ပါ ဒါတွေကိုတော့
ဘယ်သူသိမလဲ သူမ ခံစားရတာတွေ
နာကျင်ရတာတွေတိတ်တဆိတ်လေးသာ။
တွေးတောစဥ်းစားရင်းနဲ့ ဘေးနားက
ဦးခြားကို ကြည်ပြာရီဝေစွာဖြင့်
ကြည့်နေမိသည်။အရမ်းခန့်ငြားပြီး
တည်ငြိမ်လွန်းနေတာပဲ။အပြုံးလေး
တစ်ပွင့်တောင် မပေးဘူးလား ခင်ဗျားရယ်

ခေါင်းထဲမှာ အတွေးပေါင်းများစွာနဲ့အတူ
ခြေထောက်ကနာကျင်မှုက ပိုလို့ပြင်းထန်
လာသဖြင့် လူလွတ်သည့်ခုံပေါ်မှာ
မြန်မြန်ထိုင်ချ၍ဖိနပ်ကိုချွတ်ကြည့်လိုက်တော့
အသားတွေပွန်းပဲ့ကာ သွေးစတွေ
ထွက်နေတဲ့ ခြေဖနောင့်နှစ်ဖက်။