Ditto Dissonance (Yellow and Mishaps #1)

Chapter 17

Chapter 17: Getting Back the Hate

#DittoDissonanceWP

.・゜゜・・゜゜・．.・゜゜・・゜゜・．

[REVISED VERSION: NOVEMBER 2025] 

.・゜゜・・゜゜・．.・゜゜・・゜゜・．

Zern's Point of View (❁ᴗ͈ˬᴗ͈)

Mahina akong natawa habang naglalakad kami nina Leroy at Ashton papasok sa gym. 

Gusto ko sanang mahiya dahil narinig ni Caiden 'yong sinabi ko, pero naalala ko wala palang hiya 'yong taong buwisit na 'yon. 

Kaso nga lang, baka isipin niyang head-over-heels ako sa kanya. Gano'n pa naman ang stereotype sa mga bading. Porke may guwapo, nagkakandarapa agad.

Pagkarating namin nadatnan naming marami ng tao sa gym. Nakapuwesto sila sa gitna ng court kaya ro'n na lang din kami naghanap ng pwesto nina Leroy.

Sinulyapan ko si Ashton na tahimik lang. Hinayaan namin siya ni Leroydahil kanina pa siya napipikon kay Caiden. Mula kanina pang registration ngorg. Nakikitawa lang siya sa amin sa PancakeHouse pero naririnigkasi namin si Caidensa kabilang table. Hindi ko alam kung sadya or ewan. Kaya naiinis si Ashton.

Nakita pa namin si Caiden sa pool area kaya nagpipigil siya. Mabuti na lang, hindi ako ginalaw ni Caiden kanina, kundi baka may away nang nangyari do'n.

Pumuwesto na lang kami banda sa sulok para hindi masyadong kita.

"Natatawa ako kanina sa lalaking 'yon. Nakikinig pa sa atin. Hindi ko alam na may chismoso rin palang lalaki," sabi ni Leroy at humalakhak.

"Sinadya niya 'yon. Hindi niya nga ako ginulo, nang-i-invade naman siya ng personal bubble. Gusto 'ata niyang may malaman tungkol sa akin, para makabawi. Hindi ako naniniwala na mananahimik na 'yon. Eh, hari 'yon ng impiyerno," singhal ko kaya lalong natawa si Leroy.

"Natatawa talaga ako kapag tinatawag mo siya ng names, kasi bagay sa kanya. Saka tama ka, pakiramdam ko rin na may niluluto 'yong pambawi sa 'yo. Sa ginawa niyang pakikinig kanina, halatang may gustong makuha 'yon," sabi ni Leroy at tumango-tango pa sa akin.

Bumuntong-hininga ako at nanliit ang mga mata. 

Subukan niya. Hindi ko rin siya uurungan. 'Wag niya akong subukan, ngayong mas nairita na ako sa kanya at mas naging desidido na akong i-portray nang maigi ang pagiging kontrabida ng buhay niyang buwisit siya.

I scoffed when I saw him and his stupid friends walking happily toward the representatives. I hissed silently. 

Mukhang close sila sa mga officers last year? 

Nanliit muli ang mga mata ko. Mukhang hindi maganda ang pakiramdam ko riyan, ah? Parang dito na ata siya babawi. Hindi ko lang alam kung ano ang ibabawi niya. Either way, bwisit pa rin siya.

Ilang sandali lang na paghihintay ay nagsimula na ang orientation. Si Miss Yumiko ang nag-opening remarks and such. May kung ano-anong keme siyang sinabing hindi ko masyadong pinapakinggan dahil nadi-distract ako sa nakatayo sa gilid ng lamesa. Naiinis ako dahil 'yong hitsura niya, parang may binabalak.

Nagtiim ako ng bagang nang magsimula na ang nomination para sa bagong representative ngayong year. Since ga-graduate na sina Miss Yumiko, kailangan nang mag-assign ng bagong rep. Alam kong graduate na sila next year, thesis na lang.

"And now, let's proceed to the nomination of the new representative of our org! 'Ayan, excited ba kayo kung sino ang randomly napili ni Sir Macapagal sa mga nag-register ngayon?" sabi ni Miss Yumiko kaya pumalakpak kami kahit hindi kami excited.