Ditto Dissonance (Yellow and Mishaps #1)

Chapter 8

Chapter 8: Meeting with Hatred

#DittoDissonanceWP

How's the story so far? Vote for this chapter! Thank you :P

.・゜゜・・゜゜・．.・゜゜・・゜゜・．

[REVISED VERSION: NOVEMBER 2025]

.・゜゜・・゜゜・．.・゜゜・・゜゜・．

Zern's Point of View (❁ᴗ͈ˬᴗ͈)

"Ang arte mo naman, Leroy! Bumalik pa talaga tayo dito sa school para lang makapagpalit ka ng damit," reklamo ko habang nasa elevator kami paakyat sa fourth floor.

Tinaasan niya ako ng kilay. "Okay lang 'yan, magpalipas muna tayo ng oras sa room ko. Mamaya na tayo umalis, ang aga pa. Wala pang pogi ro'n," sabi niya.

Napanguso ako nang na-realize kong kapapatak lang ng gabi. Mga ganitong oras, traffic pa dahil sa rush hour. May point si Leroy, pero ang arte niya pa rin. Puwede naman kaming magpalipas ng oras sa Tafiti's Cafe.

"Maligo ka na rin. Balik ka rin ng room mo, 'tapos balik ka na lang din ulit dito," sabi ni Leroy, saktong kabubukas lang ng elevator.

Hanggang pagkarating namin sa tapat ng pinto ng room ni Leroy, iniisip ko kung maliligo ba ako o hindi. Naligo naman na ako. Mabango pa rin naman ako. Saka nakakatamad bumalik sa room, baka makasalubong ko pa 'yong tukmol na Caiden na 'yon. Mas maganda kung mas late na ako babalik sa room.

Binuksan agad ni Leroy ang aircon pagpasok namin. Prente kaming naupo ni Ashton sa sahig na nilatagan pa ni Leroy ng carpet dahil maarte siya. Since ayaw niyang umuupo kami sa kama niya, naglagay na siya ng carpet na uupuan at puwede rin naming higaan ni Ashton.

"Nasaan 'yong roommate mo?" sabi ko at nilingon si Leroy na nagkakalikot ng damit sa closetniya.

Nagkibit-balikat siya. "Malay ko. Hindi naman kami close. Siya ulit roommate ko. Hindi naman talaga kami okay n'on. Basta wala kaming pakialamanan, 'yon na 'yon."

Bumuntong-hininga lang ako sa naramdamang inip. Matagal pa kaming mananatili rito sa room ni Leroy na walang ibang makukuha kundi lamig.

Inabala ko na lang ang sarili ko sa phone ko. 'Yon din ang ginagawa ni Ashton. Habang si Leroy ay nagsimula nang maligo.

tite @zjoshvilla

Tangina mo caiden. Tangina din ng kaibigan mong ballpen yung pangalan. Mga supot naman kayo.

tite @zjoshvilla

Sana may pogi later sa night club. Please sana mapili yung prayer ko.

Nakapag-tour na ako sa buong social media ko, hindi pa rin tapos maligo si Leroy. Ang tagal! Alas-otso naman na. Baka puwede na kaming pumunta ro'n. Nabo-bored na ako. Sa tagal maligo ni Leroy, lipas na lipas na 'yong oras.

"Ang tagal naman..." reklamo ko bago tumihaya ng higa at nilingon si Ashton na nakaupo at nakasandal sa kama ni Leroy.

Mula sa phone niya ay tiningnan niya rin ako pabalik. "Nire-ready niya siguro sarili niya. Gusto 'ata ng lalaki," sabi niya at mahinang natawa.

"Ikaw, hindi mo ba ipapakilala sa amin ang girls mo? Wala ka man lang pinapakilala sa amin. Or baka naman boys ka na rin," sabi ko at kinurot ang binti niya gamit ang daliri ko sa paa.

He chuckled and brushed away my foot. "Hindi naman kasi ako interesado sa mga flings, Zern Josh Villarama. At kung magkakagusto man ako sa lalaki, ikaw ang unang makakaalam," sabi ni Ashton.