Ditto Dissonance (Yellow and Mishaps #1)

Chapter 31

Chapter 31: Starting to Get Coffee

#DittoDissonanceWP

Magsisimula na ang exciting part! \^o^/

.・゜゜・・゜゜・．.・゜゜・・゜゜・．

[REVISED VERSION: NOVEMBER 2025]

.・゜゜・・゜゜・．.・゜゜・・゜゜・．

Zern's Point of View (❁ᴗ͈ˬᴗ͈)

Tumitigil ako sa kinukuwento ko dahil biglang napatingin si Leroy sa court saka nangunot ang noo. Tiningnan ko rin 'yon at kusang nangunot ang noo ko nang makita si Caiden na nakikipag-usap kay Ashton.

'Wag niyang sabihing si Ashton naman ang sisimulan niya ngayon?

Sana naman hindi sila mag-away. Hindi magpapapigil si Ashton kapag sinimulan nang i-provoke. Kung may mangyari, ako ang lalapit do'n para pigilan sila.

"Bakit sila nag-uusap?" sabi ni Leroy.

Napabuntonghininga ako. "Hindi ko alam. Hanggang walang nangyayari, mukhang wala namang masamang nag-uusap sila. Sana lang hindi 'yan ulit pagmulan ng kung anuman."

"Hay nako, paano kung magkainitan sila sa laro, tapos pagmulan ng away? Paano kung matanggal si Ashton sa org dahil lang sa bwisit na Caiden na 'yan?" sabi ni Leroy.

Sana hindi naman. 

"Hindi naman siguro."

Dahil sa nakita namin ni Leroy, hindi na kami nakapagkwentuhan ulit. Binabantayan namin ang pag-uusap ng dalawa. 

Nagkasalubong ang mga kilay ko nang iabot ni Caiden kay Ashton ang bola at ishinoot naman 'yon ni Ashton.

May sinabi si Caiden ulit na kung anuman bago niya kinuha ang bola na shinoot ni Ashton at siya naman ang pumuwesto sa three-point line. Tulad ni Ashton, na-shoot din ni Caiden ang bola. Nagkatinginan silang muli pero wala nang usap na naganap.

Hindi naman sila mag-aaway, no? Bakit ba kasi sila nagtitinginan nang gano'n? Inaalay ba nila 'yung shoot nila sa isa't isa, gano'n? Keme. Pero. . . bakit ba sila nagtitinginan? Sana hindi naman 'yan pagmulan ng init sa court. Sa tuwing naalala ko 'yung sinabi ni Leroy kagabi, naba-bother na ako lalo kay Caiden. Ayaw kong mapa'no si Ashton.

Tumayo na si Coach Macapagal nila at pumunta sa court. Bumilog na silanglahat at sa gitna pumuwesto si Coach. May kung ano-ano siyang sinabi sa kanilabago nagsimula ang stretching. 

Magkatabi sina Ashton at Caiden sa bilog. Hindiko alam kung ano'ngbinabalak ni Caiden.Kinakaibigan niya ba si Ashton?Ano bang mayroon? Hinditalaga ako mapakali. Naba-bother akong magkadikit sila ngayon

After ng stretching nila at ng kung anupamang eksena, nagsimula na silang maglaro. Nagpo-form na sila ng team. Nahuli ko na namang nag-uusap sina Ashton at Caiden. Umiling si Ashton at tumango naman si Caiden saka sila naghiwalay ng gawi. 

Pumunta sa kabilang team si Ashton at pumunta naman si Caiden sa isa pang team. Baka inaaya ni Caiden si Ashton sa team niya, kaso ayaw ni Ashton?

Nagsimula na ang game sa isang jump ball. Dahil silang dalawa ang matangkad, sila ang nasa gitna ng court para mag-agawan sa bolang ibabato ni Coach. Bumuntonghininga ako habang pinapanood silang magkatinginan. 

Kinakabahan ako!

Hinagis na ni Coach ang bola at si Caiden ang nakatapikn'on dahil mas mataasang pagtalon niya at agad din 'yong nakuha ng ka-team niya. Tumakbo na ang mga ka-team ni Caiden sa court nina Ashton para magsimula na ng play at makapuntos.