ගෙදර ගිහින් කාමරේට වෙලා හැංගිලා වෙච්ච ලැජ්ජාවෙන් බේරෙන්න හිතන් හිටියට මොකද වතිලට සිද්ධ වුණේ ශාධිත්‍යයි පහන්‍යායි එක එක විකාර නටද්දි ඒවා දිහා බලන් ඉදගෙන අනිමිසලෝචනේ කරන්න....
"අයියෝ ඩැඩී....ඔයා නං මහ කම්මැලි ළමයෙක්...... මමයි ශාධි අංකලුයි කොච්චර මහන්සි වෙනවද බලන්න....
අපි දෙන්නා puzzle එකක් හැදුවා.....
එතකොට ගේම් ගැහුවා.... අඹ කැඩුවා.. ඔයා මොනවත් නොකර ඔතනට වෙලා නිකම්ම ඉදන් ඉන්නවා...."
පහන්‍යා කටත් ඇදකරන් කියද්දි ශාධිත්‍ය හිනාවෙනවා...
"ඔයාගෙ ඩැඩී අල ගෙඩියක්නෙ....එයා පොෂ් වැඩී මේ වගේ වැඩ කරන්න...අපි යං කෑමක් හදන්න...gummy bears හදමු....."
සෝෆාවේ ඉදගෙන මැගසින් එකක් බොරුවට පෙරල පෙරල හිටිය වතිල ශාධිත්‍යගෙ කටහඩට බැලුවා..
Gummy bears?? වතිල පුංචි කාලෙ ආසම කරපු රසකැවිල්ල.....
ඉතිං ශාධිත්‍යයි පහන්‍යායි පිටි පස්සෙන් වතිලත් ගියා කුස්සියට...
ශාධිත්‍ය කබඩ් එකක් ඇරලා gummy bears අච්චුවක් ගනිද්දි වතිලත් බලන් හිටියෙ පරණ මතක අස්සෙ හිත අතරමං වෙලා...
කාලෙකට කලින් දවසක් කටහඩ පැටලි පැටලි ශාධිත්‍ය එයාගෙන් ඒවා රහ බලන්න ඉල්ලුව හැටි මතක් වුණා....
එදා වතිල ශාධිත්‍යට විහිලු කරා gummy bears වලට පාට පාට වලස්සු කීවා කියලත්...ශාධිත්‍ය රතුවෙලා එයාට ඒවා එපා කීවට පස්සෙ වතිල ආයෙ ඒ ගැන ඇහුවෙත් නෑ...
වතිලට ඒ කාලෙ හිටිය එයා ගැන ලැජ්ජා හිතුණා....
කොච්චර අසංවේදීද මම....ඒ ශාධිත්‍ය හරියට දැන් පහන්‍යා වගේ....
එයත් ඒ කාලෙ ඔහොම සන්තෝසෙන් උඩ පනින්න ඇති මට ලොකු දෙයක් නූනට....
වතිල බලන් හිටියා ශාධිත්‍ය සීනියි වතුරයි උණු කරලා කලින් හදාගත්ත ජෙලටීන් මික්ස් එකත් දාලා අන්තිමට පාට එසන්සුත් දාලා අච්චුවට ජෙලි වක්කරනවා...
ඒක එයා කලේ සීරුවෙන්..හරියට එයාට හුගක් පලපුරුදුයි වගේ...
අන්තිමට අච්චුව ෆ්‍රිජ් එකට දැම්මට පස්සෙ ශාධිත්‍ය අත් දෙකත් බැදගෙන වතිල දිහාත් බලලා හිනාවුණා..
