يَمْعلِّمْنِي الغَرام!

part"27"(تَـفائلت بِالخيـر ، فَـوجدتَك)

هتف عادل ، بينما ينظر لها وهتف ببرود "في أماكن فاضية قدامنا اهي بدل ما أنتِ واقفة !".

تحدثت ساره بضيق "لا كتر خيرك !".
ثم أمسكت بيد ياسمين ، وحاولوا إيجاد أماكن فارغة ، ولم يكن هناك سوى مقعد أمام عادل وزملائه يتسع لشخصين ..

هتفت ياسمين بتوتر "مفيش غير المكان ده يا ساره !".

هتفت ساره بضيق "لو عايزه تقعدي أنتِ روحي ! ، أنا مش هقعد في مكان يبقى ورايا الأشكال دي ! ، وثم المكان ده حواليه شباب كتير !".

هتفت ياسمين بقلق "لو مقعدناش هنتطرد ! ، مفيش غير ده !".

كانت ساره على وشك التحدث ، ولكن قاطعها صوت المعلم بحدة "أنتِ يا بنتي واقفه ليه ؟! ، عندكم مكانين فاضيين اهو ! ، اقعدوا أو اتفضلوا برا ! ، مش هنعطل الحصة !".

ذهبت ساره مع ياسمين وجلسوا بغضب ، ولكن ساره حاولت تهدئة نفسها وأنها تتعامل وكأن عادل غير موجود ..

هتف عادل وهو يحك عنقه من الخلف بيده بإبتسامه عندما جلست ساره امامه "ياااه الدرس انهارده حلو اوي يا واد يا كريم !!".

ضحك كريم ضحكه مكتومه يتابعه حسن ..

صكت سارة على أسنانها وفكها في محاولة التحكم بأعصابها ، ومن ثم قالت لياسمين بحدة "ركزي يا ياسو في الدرس ومتتكلميش ! ، وإلا والله لهبلغ المستر يطردك من الدرس !".

نظرت لها ياسمين بصدمة ، وهتفت بتوتر "أنا عملت ايه يا ساره ؟!".
همست سارة لها بضيق "هتفضلي غبية لحد امتى ؟! ، مقصدش عليكِ ! ، أنا بلقح بالكلام !".

هتف عادل عندما انتبه لحديثها قائلا بخبث وضحك "ركز يا حسن ومش كُل شوية تعمل حركات العيال دي ! ، التلقيح ملوش فايده غير تكاثر الزهور !!".

ضحك أصدقائه ، حيث فلتت ضحكة من ياسمين أيضا كانت تحاول كتمها ، بينما نظرت لها سارة بحده ..

زفرت ساره بغضب ، ومن ثم تجاهلته ووضعت كُل تركيزها مع شرح المعلم ، وقامت بحمل هاتفها وتشغيل تسجيل الصوت لكي تسجل الشرح ..

وأثناء شرح المدرس للدرس ، فكان درس چيولوچيا ، وكان المستر يشرح بعمق وتفاصيل خارجه عن المنهج ليفهموا الطلاب بدقة ، فرفع عادل يده عاليا ..

فنظر كريم له بصدمه ، وهتف بجدية "لا متتهورش يا عادل هتجاوب سؤال ؟!".

ضحك عادل ومن حوله ..

فأسكتهم المعلم ومن ثم اشار لعادل وهتف بجدية "عايزه أي يا عادل ؟!".

هتف عادل بجدية "هو في خطوره يا استاذ لما إنسان يكون قريب من قمر كده من غير أي حماية !!".

نظر له أصدقائه بصدمه ، بينما خبطه حسن علي فخذه قائلا بضحك "صايع تقييل !!".

هتف كريم بضحك وهو يصفق "عسلل ينجم !".