عضت مريم يدها بقوة ، ثم تحدثت بخبث " أنا مش متضايقة ، بس مصطفى هيتضايق اوي ، هفرح فيكِ لما اشوفك بتترني حتة علقة سخنة منه ، وآكل أنا البشاميل ، تفتكري مصطفى هيعديهالك علشان علي ابن حتتك ؟! ، ده أنا هخليه يولع فيكِ أقسم بالله !!".
اردفت منه قائله"صلي على النبي ، وربنا يومي ما هيعدي أنتِ عارفه ايده تقيلة وابن كلب !!" .
ابتسمت مريم بخبث " مش هعديهالك ، تستاهلي أكتر من كده ، معاكِ واحد زي مصطفي ، ليه تعاكسي غيره يا وس*ه ، بس ممكن أسكت لو حاجه حلوة كده دخلت بوقي ، زي مثلا صنية بشاميل آكلها لوحدي !!".
نظرت لها وقالت"ياستي صنيتين ! ، بس تخرسي خالص !!".
ابتسمت مريم بخبث " لا كده أفكر بصراحة ، بس المحك قريبة من علي ولا غيره ، هخلي مصطفى يطين عيشتك بالله !!".
نظرت لها منه بقرف ، ومن ثم قالت عندما تذكرت ما قالته قبل دقائق ، وقبل دخولهم فـ سيرة مصطفى"وبعدين تعالي هنا ! ، الطم بحجارة !! ، بتت أنا كُل الكلام الي قولته دا فـ الهوا ، أنتِ عبيطه رسمي ؟! ، خليكِ قاعده كده لغايت ما تنحسي !! ، دا مي ما شاء الله عليها بتختار عريسها من دلوقتي ، ابو دي اشكالك تسد النفس على المسا !!".ثم نظرت لها بقرف.
زفرت مريم بضيق " تعرفي تتلهي وتخرسي ، أنا يوم ما هتجوز هتجوز واحد يملى عقلي وقلبي ، إنما اللي اسمه علي ده لو آخر واحد في الدنيا مستحيل مستحيل !!".
نظرت لها منه وقالت بجديه"ليه يا بنتي ؟! ، هو فيه أي عيب احنا مش شايفينه ؟!!".
تحدثت مريم بضيق " يا ستي ، علي مفيهوش غلطة بس مش بحبه !! ، ربنا يسهله بعيد عني ، هو الحب بالعافية ؟! ، الله !!".
نظر لها وقالت بتعجب"وأي الي مانعك إنك تحبيه ؟! ، ما شاء الله قمر رغم الشحم والتراب الي مغرقينه بس قمر !! ، وبيحبك لو طلبتي القمر ممكن يجبهولك دا بيتمنى الرضا ترضي ، ورغم قلة الأدب الي بتعمليها بس برضو عمره ما تجرأ انه حتى يقول كلمه وحشه ليك !!".
ضربتها مريم على كتفها بحدة "ما طالما هو حلو اوي كده ما تتجوزيه أنتِ ؟!".
ثم أكملت بخبث " يا عيني عليك يا مصطفى ، بتتعب وتشقى علشان إنسانة مهزقة بتعاكس غيرك !! ، طب بالله لهقوله المرة دي ، لما نشوف اخرتها في قلة أدبك دي !!".
نظرت لها منه وقالت بإغاظه"مصطفى بيحبني ولا يمكن يشك فيا ، وأنا بحبه وعمري ما أشوف حد غيره هه !!".
ثم اكملت وقالت"وعشان غباوتك دي مفيش مكرونه بشاميل ، وتخلصي عبايتي الي بقالي اسبوع بقولك عليها !".
رفعت مريم إحدى حاجبيها ومن ثم أردفت بتحدي "حلو ! ، تعالي نروح يلا ، واقوله منه حبيبتك بتعاكس علي وعايزه توكله صنية بشاميل تستاهل بوقه ، ده غير إنها بتقول كمان إنه قمر وحليوة وأي حد يتمناه !! ، ده لو مطلعش عينك يبقى مش راجل ! ، قال ثقة قال هه !!".
أنت تقرأ
يَمْعلِّمْنِي الغَرام!
Romance"و لَـكِنِ احْبَبْتُكِ رَغْماً عَنِي وإنمَا خُلِقَت المَشَاعِر حُرَه لَا أَعْرِف التَحَكُم بِهَا ، فأصبحتُ حَيّاً والفؤادُ متيّمُ ، والقلبُ أصْبَح لألحانِ الهوى وتراً ، بِكُلّ حواسِّ الحبِّ أحْبَبتُك ، ومِن دونكِ حتماً قلبي ينتهي أم حَياتـي تنتهي •...
