يَمْعلِّمْنِي الغَرام!

..

جدول امتحاناتي نزل ، دفعة 2024
اتمنى تدعولي او تدعولي إن السنه دي تعدي على خير وعلى الي زيي بخير ، ونطلع منها مجبورين الخاطر كُلنا ، وربنا يراضينا ويرزقنا بكرمه مش بشاطرتنا ، أي حد في ثانوية عامة ، بلاش توتر وتعب اعصاب ، عارفه انه غصب عنك اعصابك بتثير ، بس الي هينجح بجد هو الي عنده ثقة في ربنا إنه مش هيضيع ، اعمل او اعملي الي عليك ، والتوفيق والكرم من عند ربنا ، لازم الفترة دي اعصابنا تكون كويسه ، نبعد عن اي تشتت واي حاجه ممكن تضعفنا ، 3 شهور تعب 3شهور بس ، بقول الكلام دا لنفسي وبقوي نفسي بيه ، صلوا وقربوا من ربنا ، والي عمل حاجه غلط باب التوبة لسه مفتوح ، مش بقول كده عشان الإمتحانات وإننا عايزين مصلحة وبس ، ربنا بيحب إننا نلجا ليه ، كُل واحد فينا في مركب لوحده ، معهوش حد ولا اي حاجه ، غير ربنا هو الي هيسانده ، قرب من ربنا وخليك عشمان فيه وفي كرمه ، ربنا قادر يعمل اي حاجه ، بس أنت ادعي وقول يارب ، ربنا يوفقكم ويوفقني ، وربنا يجبر بخاطرنا وبخاطر اهلنا ونقدر نفرح قلوبهم

دعواتكم للثانوية العامة ..
حوقلوا واستغفِروا بنية ما في خاطري وخاطركم يتحقق بإذن الله ❤️

آسفة إني بتأخر عليكم في الرواية ، بس ربنا عالم إنه مش بإيدي ومش بقدر اعمل حاجه ، الدنيا معقدة قدامي ولما بتتعقد مش بعرف اعمل اي حاجه وبقف ، فإعذروني ، ادعولي ياجماعه وبإذن الله هحاول اوفق وانزلكم ومتأخرش ..

متنسوش دعواتكم لينا امنتكم امانه ..