بضطر انزل الكلام اللي عايزه اقوله في بارت ، لان تقريبا اي حاجه بكتبها على الاكونت مش بتظهر ..
لساني عاجز عن الكلام ، متخيل العالم قد ايه حاجه تقرف ، بشع ، احنا ولا حاجه ، وبنتمسك ب الولا حاجه ، متخيل ان الي بيحصل دا ، جزء يمكن مثيل بسيط اوي من الي هنشوفه في اهوال يوم القيامة ! ، وهي قربت فعلا ، خلاص !
احنا مين عشان نعصي ربنا !
اللي بيحصل في فلسطين مينفعش نسكت عليه ، ونقول "احنا بإدينا نعمل اي بس ؟!" ، احنا عاجزين اه ، بس بإيدينا نعمل حاجات كتير ، ربنا مش مستني مننا خطوة ، فرمشة عين ويمكن قبل ما نرمش كمان ، اللي ميتسموش دول ربنا يجيب عليهم الارض عليها واطيها ونشوفهم اشلاء ويمكن الاشلاء بتاعتهم متبقاش موجودة كمان ، ربنا مش مستني سيادتك تاخد خطوة عشانه حاشا لله ، مستني منك خطوة كويسة عشان تكون سبب في دخولك الجنة ، عشان الخطوة دي ممكن تكون سبب لمغفرة ذنبك ، ممكن تكون سبب رحمة ربنا بيك ، كرم ربنا عليك ، لطف ربنا وتيسير الامور عليك ، لمجرد انك شاركت في حاجه بسيطة ضد اعداء الله ، المجاهدة !
الجهاد في سبيل الله مش بس اني امسك سلاح واروح احارب ، ولكن اني احارب نفسي وشهواتي ضد حاجه ليها علاقة بالأعداء او لا كمان ، لمجرد ان الحاجه دي غلط ، او لا بتفيد ولا بتضر فأعملها ليه !! ، اني انشر القضية واتكلم عنها ، اني اصلي وادعيلهم من كل قلبي ربنا ينصرهم ..
غريبة في ناس وسطنا مش بتدعي من قلبها انهم ينتصروا بجد ! ، انتم متخيليين ان قلب الإنسان وصل لفين !
متقبل عادي انه يشوف اطفال بتتد*ح وبتتح*ق وشيوخ وشباب ونساء بيتقتلوا بأبشع الطرق اللي تتصوروها واللي متتصورهاش ، وهما مش هنا ، الناس دول وسطنا عادي ، مسلمين كمان ، وعشان مسلمين ، وعارفين ان لو فلسطين اتحررت دي من علامات يوم القيامة .
"ف لا لا احنا مش عايزين نموت دلوقتي ونتحاسب وجنة ونار ، لا ياعم انا فيه حاجات كتير عايز احققها في حياتي ، فيه حاجات كتير لسه معملتهاش !! ، ربنا معاهم ويصبرهم بقا ، هنعمل اي يعني !!"
لو بتفكر بالطريقة دي ، اتمنى انك تروح تكشف على عقلك دا لو كان موجود ..
لا وفيه بقى النوع الآخر
"يا جماعة والله انا بجد مش بعرف اعيش من غير البيب*ي واستا*بكس بجد بيفرقوا معايا اوي ، مش هعرف اقاطع انا اسف والله .."
مم اشلاء بقايا جثث ودم مالي الارض ودموع نازلة وصرخات مش بتسكت وجري من مكان لمكان ، جثث اطفال كل يوم بتزيد وعمرها بينتهي فلحظه ، مش لاقيين الاكل ولا الشرب ولا لبس ولا مسكن ، وانت مش قادر تقاوم ، انت احقر من احقر حاجه مخلوقة على وجهه الأرض ..
ولا الناس اللي تتكلم عشان تاخد لقطة
انتم بجد متأكدين انكم بني ادمين !
حقيقي بضايق لما بنشبه الناس دي بالحيوانات ، الحيوانات ارقى منهم بكتير والله ، هما حرفيا شئ ، شئ حقير .
أنت تقرأ
يَمْعلِّمْنِي الغَرام!
Storie d'amore"و لَـكِنِ احْبَبْتُكِ رَغْماً عَنِي وإنمَا خُلِقَت المَشَاعِر حُرَه لَا أَعْرِف التَحَكُم بِهَا ، فأصبحتُ حَيّاً والفؤادُ متيّمُ ، والقلبُ أصْبَح لألحانِ الهوى وتراً ، بِكُلّ حواسِّ الحبِّ أحْبَبتُك ، ومِن دونكِ حتماً قلبي ينتهي أم حَياتـي تنتهي •...
