أنت تقرأ

انت الهوى ، كل الهوى برد ولهيب🤎

Romance

- للكاتبة : ريم الاوطان🇸🇦 " عندما تصبح القيُود حناناً وتمرّ السُنون مثل الثواني .. عندها ، تصبح القيود إنعتاقاً وإنطلاقاً ، إلى عزيز الأماني .." يُقال إن للجديد دائماً وقعه ، وأقول إن كل الحكايا والسنين معاكم لها وقعها ورغم كثر النوايا...

#الاوطان #بر #حب #دلال #ذياب #روايات #ريم #سعودية #شعر #قصر #قصيد

بارت ٣٤

19.5K 330 23

بواسطة rwaiahh6

بقلم rwaiahh6

_
‎« بيـت حـاكـم ، المغـرب »
‎إبتسم نهيّـان يلي ينتظر ورد وملاذ ويجيهم بنفسه وهو مسرور ، لآخر درجات السرور مسرور وصفّر مباشرة من نزلت ملاذ أولهم وعبايتها على ذراعها : أم نهيّـان !
‎ضحكت ملاذ بذهول : أم ذياب يا نهيّان ! أم ذياب
‎إبتسم يهز راسه بالنفي : أمي لحالي وش هالزين يمه !
‎إبتسمت ملاذ لأن عيونه تشع بالإعجاب ، تصرخ بالإعجاب لها وهز راسه بإيه بتأكيد : والله فاتك يافريق فاتك
‎ضحكت تضرب كتفه وأخذ عبايتها يلبّسها لكنه سكت بذهول من نزلت ورد ، ونزلت خلفها ديم يسكن تمامًا ونطقت علياء الجالسة بالصالة : لا تطلع عيونك يانهيّان
‎إبتسمت ورد يلي تشيل طرحتها بيدها : ما تغيّر شكلي عن العصر هذا الإنبهار كله لديم غالبًا ، ماما فستاني هناك؟
‎هزت ملاذ راسها بإيه تسكّر عبايتها ، تترك الطرحة على راسها : إيوه هناك بس نروح وتلبسين على طول تحصنتي؟ ، ديم أمي لا تلبسين الكعب من الحين
‎هز نهيّان راسه بإيه من لمح الكعب بيدها : لا تلبسينه أبد ، السيارة شغاله بس إنتِ وورد وأمي علياء صح ؟
‎هزت ملاذ راسها بإيه وإبتسمت ورد لثواني : السيارة شغالة يعني تصرّفنا ويلا إطلعوا شوي صح ؟
‎هز راسه بإيه : تعجبيني تفهمين يلا شيليهم وروحي ورد
‎طلعت ورد مع ملاذ وعلياء يلي كل ضحكاتهم على نهيّان المبتسم ، نهيّان يلي ما كفت عينه تأمل بديم يلي هالمره إختارت يكون فستانها بأكثر درجة هادية من الوردي يحاوط جسدها كلّه يكشف أكتافها من الأعلى ، يرُسم على جسدها وتلمع كريستالاته على طول الفستان وخجلت لوهلة من نظراته لكنه نطق : والله ما تنلام عيني والله
‎ضحكت لثواني لكنه هز راسه بالنفي : ولدي مدري بنتي ، ليتك تشوف أمك شلون حلوة الحين
‎ناظرته بذهول ، وضحك : وهي دايم حلوة بس شلّتني الحين ، شلّتني الله يخليك لي ماشاءالله ، ماشاءالله
‎ضحكت لأن عينه تمدحها قبل لسانه ، وإبتسمت لثواني طويلة من قرب يقبّلها لوقت طويل سرعان ما تبدّل لخجل بذهول : البنات موجودين فوق باقي !
‎هز راسه بالنفي بإستغراب : هنا مافيه أحد هذا المهم
‎ضحكت من أخذ الكعب بيده عنها ، ومدّت قدمها توريه إنها لابسه فلات : بتخلص السهرة وأنا كذا
‎هز راسه بإيه : مو مبيّن بس المهم لا تتعبين وإرتاحي سمعتهم يوصّونك إسمعي كلامهم
‎رفعت حاجبها تلبس عبايتها : وش سمعتهم يوصوني؟
‎نهيّان : سمعتهم يقولون لك إجلسي لا تقومين كثير وإرتاحي لأن توك وسألت أمي قبلك أصلاً ، قلتلها شلون ديم وزواج ورد قالت عادي بس ترتاح والأمور زينه
‎إبتسمت : تأخرنا عليهم طيب مشينا
‎طلع نهيّان معها للسيارة يسمع سوالف ورد وملاذ وعلياء وسكّرت ديم الباب بعد ركوبها : تحصنوا كلكم المهم
‎هزت علياء راسها بإيه : تحصنت إنت يمه ؟ أكيد الرجال راحوا خلاص وينتظرونك طولت عليهم
‎كانت ورد بعالم آخر تمامًا ، تسمع سواليفهم لكنها ما توعيها لأنها جالسة تشوف القاعة من تصوير سحاب ، وتشوف نصّار وأهله والرجال ورجف قلبها لوهلة بنفضة من إحساسها بهيبة اليوم ، هيبة الوضع وشعورها ووقفت لدقائق طويلة على صورة نصّار بجنب أبوه وأمه ، على إبتسامته ، وسروره ، ومسكته لأبيض بشته لأنه يحب يخرج عن المألوف دائمًا بهمس : بسم الله على قلبي
‎ما حسّت المسافة من شدة نبض قلبها ، من وصولهم تدخل لجناح العروس وشدّ نبضها مباشرة برعب من لمحت فستانها : أمي ، خلاص نمشي
‎ضحكت ملاذ تنزل عبايتها : بسرعة الحين تجي عمتك أم نصار أكيد يبون يسلمون عليك بدري ، ديم أمي إرتاحي
‎جلست ديم يلي ضحكت مباشرة على ملامح ورد : ورد ! بسم الله عليك خذي نفس ما يوتّر قلنا ما قدرت تتنفّس ترجف يديها على فستانها لوهلة ، على مسكتها وما عاد تنفّست فعلاً من فتحت ديم الباب للبنات يلي تعالى صراخهم مباشرة من شكلها ، عرُوس تشعّ بالجمال ، بأبيضُ فستانها يلي يتركها أجمل من أميرات الخيال كلهم وصرخت من لمحت عيون أمها المبتسمة : أمـي !
‎ضحكت ملاذ تهز راسها بالنفي ، ترفع نظرها للأعلى : ماشاءالله ياورد ، ماشاءالله يا أمي تبارك الرحمن عروس
‎إبتسمت وسن تمسك شدن بيدها : شدن بنتي منهارة خلاص بسم الله على قلبك يمه ، بسم الله على قلبك
‎ضحكت ورد من جات شدن لها تلمس فستانها ، تنطق بالإنبهار الشديد : واو !
‎تعالت ضحكاتهم وأكثر من توجهت درّة للسماعة تشغلها : أبي العرُوس ترقص من الحين وريني ياورد !
‎ضحكت ورد يلي فك جُزء من توترها تغني ، ترقص وتعالى صراخهم ، تعالت ضحكاتهم وتصفيقهم من بديت أول الإحتفالات بتمايل العروس تفك توترها ، بإبتسامتها ودخلت جمانة يلي إبتسم قلبها مباشرة من رقص ورد والبنات تضحك : ياماشاءالله تبارك الله ، ماشاءالله ! لا بد نقول للقمر لا تطلع ورد اليوم تكفينا وش هالحلا يمه !
‎توجهت جمانة من بينهم تسلّم عليها وضحكت : وترجف هذا حياء ياورد ! نصار كل شوي يسأل متى أشوف عروستي أتوقع لو جاء بيقول خلص العرس خلاص مشينا
‎ضحكت ملاذ لأنها هي اللي سمعت من بينهم وتشوف بنتها كيف بتنتهي خجل ، ودخلت سحاب يلي إبتسمت مباشرة : يابختك يانصّار يابختك وش هالزين !
‎تعالت ضحكاتهم لأن ورد إنتهت من الخجل من قبلاتهم ، من سلامهم عليها ومن إن نساء آل عبدالله كلهم وخالاته وزوجات خواله وبناتهم الكل جاء يسلم عليها تبتسم ورد يلي إنتهت تمامًا : الله يبارك فيكم ..
_
‎« بيـت تركـي ، العشـاء »
‎مدت لها سلاف القهـوة تتأملها لثواني ، تسمّي عليها وللآن ما تخطت إعجابها بمجيئها مع ذياب لأنها كانت عند الشباك تشوف : لما تأخرتي توقعت فيكم شيء بس لما شفت ذياب نزل معاك إرتحت ، راح لنصّار ؟
‎هزت راسها بإيه وهي للآن يخفق قلبها من مجيئه وإنه رفض تمامًا إنها تروح مع تركي وغيره لأنه شال همها ، تدري بهالشيء : راح لنصار ، بابا جاء وإلا ما لقيته أبدًا
‎كان من سلاف النفي توقف ، تمسح بيدها على شعر بنتها وتتأمله وشتت قصيد نظرها لثواني : جاهزين إنتم خلاص باقي تلبسين بس ؟ البنات كلهم خلصوا ؟
‎هزت سلاف راسها بإيه ، وإبتسمت من دخلت نيّارا يلي تعدل فستانها : أم تركي ، ناوية ترجعون الكويت بدري؟
‎ضحكت نيّارا تبتسم قصيد يلي ما فهمت : ليه ؟ إبتسمت سلاف : عذبي أبوك يقولها أمس ماعاد أشوفج ولا عاد الأقيج ، من جو وهي طول الوقت معانا مو معه وأمس عصب علينا يقول شنو هذا ! شنو هذا يبه مانشوفج إلا حزة النوم وأخلاقج وسط ما تبين تكلمينا
‎ضحكت قصيد لأن أمها تقلد عصبية أبوها عذبي وكويتي لهجته : إلا محبوبي لو سمحتي لا تزعلينه أزعل !
‎هزت نيّارا راسها بإيه : تعالي قابليه إنتِ أنا شكو دامه محبوبك
‎ضحكت قصيد بذهول ، وإبتسمت سلاف : يلا تجهزي ماما قصيد ، أنا بطلع أشوف البنات وأشوف الوضع عشان لا نتأخر ونمشي خلاص إنتِ تأخرتي عليهم كفاية
‎طلعت سلاف تتبعها ملاذ ، وأخذت قصيد نفس من أعماق قلبها توقف للدولاب ، تدندن وعدلت نفسها لثواني تتأمل وقفتها ، تتأمل نفسها وكل تفكيرها بمجيء ذياب يلي دخوله لغرفتهم أول وصوله كان يبيّن لها كم قلقه أساسًا تهمس لنفسها : المشكلة إنت يلي ما نمت ، مو أنا
‎هو جاء على عجل ، شافها على عجل وبدّل تبخره هي بلحظة وقف فيها كونها لأنها حسّت هيبته من كان يتأملها ونطق " وش ناديتيني به ؟ " لأنها بالمكالمة قالت " ذيابي " ووقت جاء وبدّل هي إبتسمت بـإعجاب " طال عمرك " وما كان ينتظر جواب كان ينتظر نظرتها تقابله لجل ينحني ، لجل يقبّلها لوقت طويل وما كان بينتهي تعرف أطباعه وفزت من صّفقت ود عند الباب : ودّ ! متى جيتي
‎ضحكت ودّ لأن صار لها وقت واقفه وما شدت إنتباهها إلا وقت صفقت : بسم الله عليك ! صار لي ساعة أناديك ومو حولي ، اللي ماخذ بالك يتهنى !
‎إبتسمت تاخذ نفس : ما إنتبهت مره ، واو ودّ ! ماشاءالله
‎إبتسمت ودّ تدور بفستانها : جيت باخذ رايك ، خلاص ؟
‎هزت قصيد راسها بإيه تبتسم : وش أكثر ! قمر حبيبي
‎دخلت أسيل يلي تدندن ومن أول ما لمحت قصيد لفّت تدور ، يدور فُستانها حولها وضحكت قصيد : أسوّلي !
‎إبتسمت أسيل تهذّب فستانها : مبسوطه عليه كأني رجعت بزر ، رقصوني كثير اليوم بس إنتبهوا لي لا أتحمس
‎دخلت ملاك يلي تعدل إسوارتها : قصيـد ! ما خلصتي !
‎إبتسمت قصيد بإعجاب : أقول ماشاءالله وش هالحلاوة !
_
‎« عنـد الرجـال »
‎كان صوت الطُبول عالي بالأفراح ، يُفوح العود من كل الزوايا مثل ما تصدح الإبتسامات والضحكات والتحيّات بالسلام وإبتسم ذيـاب لأن نصّار يضحك من جنونهم بالخطوة الجنوبيـة أول أنواع اللّعب ومن صفّوا يلعبونها على صوت الطبول ، لأن نصّار ضحك من صف هو معاهم من أوّل الليلة يلعب وكان ينتظر ذياب يلي فعلاً مشى بين الصفوف يتوجه لجنب نصّار : من قدك إنت اليوم ؟
‎ضحك نصّار لأن ترجع له ذكريات كثيرة ، هو وذياب يزورون الجنوب كثير ، ويزورون الشمال وكل مرة يتعرفون على ناسها يغرقون بأطباعهم ، لعبهم
‎: ما قلت لك بنلعبها بزواجي ؟ إيه بنلعبها تعال بس تعال لا تردني
‎ضحك لأن نصّار قرر يخلي زواجه بكل نوع لعبٍ يحبه وضحك نهيّان بذهول : صف ذياب بعد ما يمزحون
‎صاروا كلهم يلعبون الخطوة الجنوبية يبتسم حاكم لأنه يشوف ضحكات نصّار ، ويشوف ضحك ذياب معاه وحتى حاكم صفّ يلعب معاهم : وراك ما تصف إنت بعد ؟
‎ضحك نهيّان بذهول يصف جنب أبوه : من أول الليلة !
‎كان السرور أطغى ، كان صوت الطُبول بالخطوة غير طبيعي تُفك كل رسمية ممكن تكون من أول الليلة ولأن العادة اللعب ما يبدأ بدري وتكون مراسيم السلام والقهوة لكن نصّار قرر يخالفها كلها لأنه يبي ينبسط ، يبي يفرح وضحك يلف نظره لذياب : ما نسيتها يالذيب ؟
‎إبتسم ذياب : إيه تدربت عليها ، ما تخلي عوايدك
‎ضحك نصّار لأن ذياب يطقطق عليه لكن يكفيه بإنه معه ، يلعب الخطوة معه ، ويضحك معه ويلبس له البشت بزواجه وهذا كل سروره : إيه اطربني ذياب اطربني !
‎ضحك أبونصّار بذهول يلف نظره لولده ولضحكاته مع ذياب وصفّ اللعب : اثقل يا نصار !
‎ضحك نصار يعدل بشته يلي ضايق لعبه تتعالى الأصوات تعزيزًا للعريس ولإبتساماته وإبتسم ذياب من أسامة يلي أشّر له من بعيد بإنّ الأمور طيبة وهذا كل غايته ومُناه ..
_
‎« بالـداخـل ، عنـد العـروس »
‎ضحكت ورد تاخذ الفنجال : ولو تطيح على فستاني ؟
‎هزت وسن راسها بالنفي : مو بزر عاد ورد تقهوي دام خاطرك فيها يابنت لا تخلين شيء بخاطرك ، تقهوي !
‎إبتسمت والبنات غيّروا جوها بشكل ما يُوصف ، أخذوا كل التوتر منها لجل تعيش يومها وتحسّه ورغم الرسميات بين دقيقة والثانية من الليّ يجون يسلمون عليها إلا إنها مبسوطة ، مسرورة وجات جود بجنبها توريها القاعة ، والناس : مبسوطين مرة ، فرحة أم نصار عكست عليهم كلهم لو تشوفينهم وماشاء الله الكل جاء بدري أغلب المعازيم إذا مو كلهم ، قصيد ما جات للحين بس هي وأمها والباقين توهم جو
‎كانت نظرات درة على توق من جاء طاري قصيد ، وجات شدن ركض : قصيد جات تقول بتنزل عبايتها وتجي
‎إبتسمت جود توقف مباشرة : بروح أستقبلهم لك ياورد بوجّبهم
‎ضحكت ورد وهي تعرف إنه فضول من جود ، ووقفت درة معاها : بجي معاك ، متى بيجي نصار ورد ؟
‎فتحت جوالها تبتسم : المفروض الحين بس يقول أخوانك مقيّديني عنك ، اللعب ما وقف
‎إبتسمت ديم : يقول نهيّان ، آخر فرصة لنا ننشف دمه بعدين ما يمدينا

انت الهوى ، كل الهوى برد ولهيب🤎

بارت ٣٤

قصص مُروَّجة

قد يعجبك أيضاً