أنت تقرأ

انت الهوى ، كل الهوى برد ولهيب🤎

Romansa

- للكاتبة : ريم الاوطان🇸🇦 " عندما تصبح القيُود حناناً وتمرّ السُنون مثل الثواني .. عندها ، تصبح القيود إنعتاقاً وإنطلاقاً ، إلى عزيز الأماني .." يُقال إن للجديد دائماً وقعه ، وأقول إن كل الحكايا والسنين معاكم لها وقعها ورغم كثر النوايا...

#الاوطان #بر #حب #دلال #ذياب #روايات #ريم #سعودية #شعر #قصر #قصيد

البارت ٥٠

15.5K 233 172

بواسطة rwaiahh6

بقلم rwaiahh6

ووقوفهم بجنب بعض ، قدوتها ، ومُحاميته اللي ما فشلت بإثبات نفسها بالدراسة وما يظنّ فيها إلا الأكثر بالواقع وعضّت قصيد شفايفها : والله ووالله والله محامي قلبي وقدوتي وكل حياتي ، والله
ضحك تركي يأشّر لها على الصورة : بروازها قلبي يا قصيد
شعّت عيونها بالدموع مباشرة ، وضحك تركي يقبّل جبينها يترك للبقية المجال يصوّرون معاها ، عذبي الكبير ، أخوانها وما تُسمع إلا شديد الضحكات ، كثير المحاولات لتدارك الدموع جمعتها الصُور مع الرجال كلهم ، ومع أمها وأبوها وحدهم بالنهاية لأنهم بيتوجّهون لمجلس الرجال ورجّعت شعرها للخلف تتنفّس ، أو كان ودها لكن من تعالت الأصوات ، من لمحت مجيئهم المُحمّل بالورود والهدايا تجاههم وضحكت ورد أولهم : محاميتنا !
ناظرتهم قصيد بذهول تشوف نساء آل سليمان كلهم ، أم ذياب ، أخته ، عمته ، وسن ، درة وديم وتوق وجود وشدن اللي جات تركض لها والكل يعرف ، الكل جاي بهديته وورده لها يرقّ قلبها مباشرة : ليه تكلّفون على نفسكم ! جيّتكم بالدنيا والله يا أهلاً
إبتسمت ملاذ تسلّم عليها : لا كلّفنا على نفسنا ولا شيء تستاهلين الطيب والطيب يستاهلك ، عقبال أعلى المناصب يا أمي ! وعساه بيت عامر بالأفراح كل وقت ماشاءالله لا قوة إلا بالله
إبتسمت قصيد : الله يسلمك ويخليك ما تقصرين ، بوجودكم وبحضوركم يارب
ضحكت من لمحت ورد اللي ملامحها تعبّر تاخذها بالأحضان ، تاخذ الكل بالسلام والأحضان وملامحها تشعّ خجل من كثر السرور ، المديح ، من تعالي الأصوات من كل الجهات ما حسّت بقيد الرسمية اللي كانت متخوفة منه بحكم إنها جمعة " كبيرة " لأول مرة وببيتها هي وكل إمتنانها بهاللحظة ، لأُمها اللي تضحك مع ملاذ قدامها وتوريّها الصور ، ولأهلها كلهم بدون إستثناء : الحمدلله
-
مشى بعيد عن المجلس يتوجه للغرفة الخارجية ، وإبتسم لأسامة الواقف على بابها : خايف يا أسامة ؟
هز راسه بالنفي يبتسم : من متى الأسد يخاف من غزلان ؟
ضحك ذياب ينحني لها قدامه ، يتأملها لثواني طويلة ويدري إن قصيد ما تتوقع لو واحد بالمئة إنه بيجيبها ، إنه ناويها فعلاً لها وبيورّيها الغزال الفازع على أصوله مثل ما تبي وإبتسم يمسح عليها ، يوقف وعينه تتأملها لحين خروجهم من الغرفة يسكّر الباب خلفه : روّح المجلس أسامة ما قصرت ، دامك جبتها وهي طيبة ما مافيها شيء ما بقى عليك شي ، استريح خلاص بعهدتي
ضحك أسامة : جبتها وهي طيبة مافيها شيء لأن ماشاءالله ، مثل هذا الزين ما قد شفت سبحانه ربي وإنت تحبها ، لو بيجيها شيء قلت تكفى تعالني عنها
ضحك ذياب ينطق المتجمّد أمامهم : زين من ويحب من ؟ وش جاب لك ؟ وش جبت له ؟ -
'
لف أسامة نظره لذياب بتحفّظ : طال عمرك
أشّر له ذياب بالسكوت لأنه لمح بعين فهد " خوف " غريب لأنه غالباً سمع نص الحوار ولا فهم ، وشدّ بقفله لباب الغرفة ينطق فهد مباشرة : شنو ؟ شفيه بالغرفة
نطق أسامة بهدوء : بغيت شيء فهد ؟
حسّ إنه يصرفه ، وكانت نظرة ذياب تسأل بالمثل ينطق فهد بذهول : شنو ؟ من فيه بالغرفة ذياب ؟ من طيبة ومافيها شيء شلون بعهدتك أهلك كلهم هناك من ذي قصيـ
نطق ذياب بشبه حدة : فهـد !
عدل أسامة أكتافه يلبس الجمود بملامحه فقط ، يرتعب فهد من شدّة يد ذياب على مقبض الباب وعلى ملامح أسامة اللي كانت مرعوبة ، وتحوّلت للجمود ومن سمع صوت شيء يطيح بالغرفة هو لعبت به أفكاره بذهول : والله ، والله لو اللي ببالي صح إنّ
نطق ذياب ببرود : وش ما كان ببالك ، مالك بها يافهد روّح المجلس وعيّن من الله خير
هو توجه قدام ذياب يبعد يده ، بالقوة يبعد يدّه لين دف صدره بغضب يبعده : أنا اللي لي بها والله ، وخر
ضحك أسامة فقط من دف فهد الباب بكل قوته يفتحه ، ويطاوعه ذياب المبتسم فقط من بردت ملامح فهد يرجع يسكّر الباب بنفس اللحظة : شنو هذا ؟
هز ذياب راسه بالنفي فقط : إنت مدّيت يدك علي فهد ؟
ناظره فهد لثواني ، وهز أسامة راسه بإيه : وراح عقله بعيد ، والله بعيد طال عمرك عليك إنت تخيّل
هز ذياب راسه بإيه يناظر فهد اللي للآن مصدوم وأشّر بيده : لحظة بس
رجع يفتح باب الغرفة من جديد يتأكد إنها مجرد غزلان ، وضحك ذياب بذهول يرجّعه للخلف : فهـد !
ناظره فهد لثواني ينطق بالصراحة : خفت تخون قصيد
تنحنح أسامة اللي مسح على أنفه : قريب أنا
وضحك ذياب بإستغراب : شايفني ردي فهد ؟
هز راسه بالنفي بذهول : لا ! محشوم ! شلون فكرت أنا أصلاً بس ذياب ، شنو يعني غزلان ؟ حقيقية هي ؟
جاء نهيان اللي يدخل جواله بجيبه مع نصّار : ذياب ، أبوي يناديك يقول تعال بيسلم على زوجتك يبارك لها
هز راسه بإيه يلف نظره لفهد اللي نطق مباشرة يخبّي الموضوع بهمس : خلّها عندي بشيّك إذا هي صجية ، روح آسف ذياب
ضحك لأن روعة فهد " رهيبة " ومد يده يبعثر شعره فقط ينطق نصّار بذهول : والله كثروا علي
-
إبتسمت تعدل عباية تخرجها عليها وملامحها تصرخ بالخجل للآن لأن الكل يتغزّل بإسمها بالوشاح " قصيـد تركي آل نائـل " والطرف الآخر " مرتبة الشرف الأولى " ، لأن ملامحها تشعّ سرور وخجل للآن من الهدايا ، والورود ، وكثير التهاني تستوعب إن الكل كان يدري بإن اليوم بيحتفلون فيها بتخرّجها إلا هي وبهاللحظة هي توقف بحديقة قصرهم المُشعة بالفرح ، بالهدوء بعد دخول البقية للداخل ورفض حتى ملاذ وورد إنهم يبقون رغم إصرار قصيد
'
" أبوي والباقيين ما بيجون والله ، بعدين يجون إنتم مرة وحدة تشوفون ذياب هنا ومعي " لكن ملاذ فضّلت العكس وإن يجون كلهم وبهاللحظة فعلاً صار وقت مجيء عمها حاكم وذياب ، وأخوانها وأبوها وبقيّتهم ، صار وقت الذيب اللي يبتسم لها بشكل ترك داخلها يخفق مباشرة من توجّه لها : أهليـن
توجه جنبها يشدّ يده على ظهرها : عساك ما تعبتي ؟ هزت راسها بالنفي تأشّر له على أكوام الورود ، والهدايا وهمست : ما تعبت بس أموت خجل ،كلهم مكلّفين على نفسهم مره ذياب ! قلت لأمك وورد خليّكم بيجي عمي حاكم مع ذياب قلت عشان نقولهم مع بعض ورفضت مامتك ، قالت لا خلّوا الرجال أول
إبتسم وهو يتأملها ما يسمع شيء وتفكيره بإنه وترك هديته " عهدة " عند فهد اللي قال إنه بيضيف لمسته الخاصة عليها ووافق ذياب ، وإبتسمت لثواني : سمعتني ؟
هز راسه بإيه : مو مشكلة ، تستحي أمي أكيد تبيك تعيشين اليوم مع أبوك وأهلك أكثر شيء بس ماعليه نقول لأبوي ولهم أول ، ثم نبشّر أم ذياب
إبتسمت تناظره لثواني ، وردّت الإبتسامة عنه لعمها حاكم اللي كان يمشي أولهم بإبتسامة على ملامحه تنطق بالخجل : يا أهلاً
ضحك حاكم بإعجاب ، بإنبهار : ماشاءالله تبارك الرحمن ، يا هلا بك يا أبوك كيف حالك عساك طيبة !
هو مدّ يده يصافحها ، وتصافحه على عين ذياب اللي يده خلف ظهرها ومُبتسم تماماً ، مُبتسم لأنه لمس فرحة أبوه اللي إبتسم : ماشاءالله قدّها وقدود بنت المحامي ، مبروك وعقبال أعلى المناصب إن شاء الله !
إبتسمت تشدّ يده : يبارك فيك ويخليك ياعمي ، آمين
ضحك حاكم يلف نظره نظرات تركي " مستحيلة " لها : فخور تركي
ضحك تركي يهز راسه بإيه وهو من باب فخور ، ومن باب آخر يفيض شعوره لأنه يدري : ما تشوف عيوني حاكم !
إبتسمت وللآن ما يدري بحملها أحد ، ما يدري إلا أهلها وذياب فقط وتتخيّل كيف بيكون شعور عمها حاكم ، شعور عذبي ، شعور أخوانها عذبي تركي وفهد والكل ما تتخيّل وما تتوقع تتحمّل تتخيل ولمحت نظرات فهد المُبتسم لذياب ، وذياب اللي يبتسم له بالمثل ..
تنحنح فهد المتحمّس ونطق : خلاص ذياب ؟
هز راسه بإيه تنطق قصيد مباشرة : متّفقين على شيء إنتم أشوف الإبتسامات من أول ، ممكن نعرف وش ؟
ضحك ذياب يهز راسه بالنفي ، وركض فهد بعيد : لمساتي الخاصة واضحة المهم لا تحسّبينها من ذياب بس !
لفت نظرها لذياب بإستغراب ، ونزّل نظره لها بهمس : الكل جاي محمّل بالهدايا ، توقعتي إني ما بهديك شيء ونوقّف عند غزيّل بس ؟
ما إستوعبت لكنها شهقت بذهول من دخلت غزالتين يلفون كلّهم لصوت فهد قبل الغزلان ، صغيرة بحجمها تتعالى ضحكاتهم وضحك تركي أبوها بذهول : قصيـد !
'
غرقت عيونها بالدموع مباشرة من دخلت الثالثة ، ثلاث غزلان وحدة منهم تتزيّن " بشرائط " بالوردي يربطها عليها تعرف إنها لمسة فهد لكنها ما تمالكت دموعها ، ما تمالكت نفسها وضحك حاكم من نظرتها لذياب المُبتسم لها ، ضحك لأنها رفعت نفسها تضمّه مباشرة بذهول : ما أصدقك ذياب ما أصدقك !
ضحك يضمّها فقط : تستاهلين الدنيا قصيد ، تستاهلين الدنيا والليّ على بالك ، على خشمي دايم ما قلتيها ؟
بعّدت عنه جزئياً تستوعب إنها بينهم لكن مع ذلك هي ما قدرت تنزّل عينها عن عينه وإبتسم بهدوء لأن عينه تنطق بإن الغزالة اللي ودّه يجيبها منها إستقّرت بداخلها فعلاً ، أو الصقر مثل ما تقول هي وجاب لها الغزال اللي تبيه يصرخ داخلها مباشرة من ضحك أبوها يشوف ركض الغزال : هذا الغزال الفازع إي بالله !
لف حاكم نظره يشوف إن الكل نظراته للغزال ، إلا ذياب نظراته لقصيد المذهولة عليهم وإبتسم بهدوء يهمس له : الله يحفظها لك يابوك ، ويحفظك لها يا ذياب
إبتسم ذياب بهدوء يمدّ يده ليد أبوه اللي مُدت تشد على ذراعه وسط همسه : يحفظهم لي ، ويحفظك لنا أبوذياب
إبتسم حاكم يلف نظره للغزلان اللي " تتخايل " أمامهم وما إستوعب الكلمة يلتفت له من جديد : يحفظهم ؟
إبتسم ذياب بهدوء فقط ، وضحك حاكم بذهول مباشر ترجع خطوته ، ونظرته عن الغزلان لولده : صادق ؟
هز ذياب راسه بإيه يضحك ، وضحك حاكم بذهول " يضمّه فعلاً " تغرق قصيد بالدموع مباشرة لأنها صارت تعرف ، وتتوقع الخبر بهاللحظة لأبوه خصوصاً وإبتسم ذياب بهدوء لكن داخل حاكم " ينهار " فعلياً من وقع الخبر عليه ، من إن ذياب قاله له بهالطريقة وشدّ ذياب على كتف أبوه " بقوة " لأنه حس سكونه ، وحسّ نبرته اللي تبدّلت لين تكونتّ جملة وحيدة " مبروك ياذياب " بالقوة طلعت من لسانه يهمس هو : الله يبارك فيك ، ويخليّك .. أفرح بي أبوي ، وأفرح لي الأمور طيبة ، وحنّا حيين ، وإنت تاج راسي بكل وقت الله يحفظك ويخليك
تزعزع داخل حاكم كلّه ، ولو ما كانت ضحكات آل نائل منقذة يمكن هلّ شعور حاكم كله اللي إلتفت لقصيد : مبروك يابوك ، عسى الله يتمّ عليكم ويقومك بالسلامة
إبتسمت يخجل قلبها ، يضجّ قلبها : الله يبارك فيك ويخليك ، آمين يارب
تعالت الضحكات الصادحة من إنحنى تركي يتأمل الغزال اللي جاء عنده ، يتأمله ونطق عذبي جونيور بحماس : وين الشعر شاعرنا ، جاء عندك يدري فيك راعي غزل عطيه
هز تركي راسه بالنفي يضحك عذبي الكبير : تزاحمت الأشعار بعقله ، عطه فرصة الحين يسكّتك
نطق تركي اللي مدّ يده يمسح على الغزال ، يبتسم له : إنت عشقة حياتي ياغزال البراري .. أتفاول بوجهك سعد من صرت فاله !
'
غرقت سلاف بدموعها لأنهم فاتحين الستائر كلها يشوفونهم من الجهة المخفية ، ما يشوفونهم قصيد والرجال لكن للنساء وجلستهم واضحين تماماً تضحك ملاذ : ياقلب قلبي ياسلاف ما بقيّتي دموع اليوم !
هزت سلاف راسها بإيه : ما أنلام والله العظيم !
شهقت ورد من لمحت الغزلان تستوعب : أشوف غزلان؟
ضحكت وسن بذهول تتعالى الشهقات ، والضحكات وبكت سلاف أكثر من لمحت حضن قصيد لذياب تضحك ملاذ اللي غرقت بدموعها بالمثل : سلاف خلّصتي الدموع علينا اليوم مو معقول هذا كله فرحة تخرج بس خلاص !
هفّت على عيونها بالمنديل تاخذ نفس ، تحاول توقّف دموعها وضحكت ورد : كرييتف ذياب ما يجي عالبال حتى ، أمس يقول الناقة غزيّل هدية قصيد واليوم غزلان
ضحكت وسن : ثروة ، ماشاءالله تبارك الرحمن البدوي حتى هداياه غير
إبتسمت سلاف تاخذ نفس من أعماق قلبها وضحكت ودّ تمسح على ظهرها : هلكتي نفسك والله يكفي
ضحكت سلاف تهز راسها بإيه ، ونطقت علياء بهدوء : تبكين شيء ثاني إنت
ناظرتها سلاف لثواني ، وهزت علياء راسها بإيه : بيجي للذيب ولد ، صح ؟
لأن سلاف سكتت تغرق عيونها بالدموع تعالت أصواتهم بلحظة ، تعالت ضحكاتهم بلحظة بالسرور من هزت سلاف راسها بإيه تنطق : بإذن الله ، الحمدلله
تعالت أصوات التهاني ، التباريك ، الصرخات بالسرور والدموع من ملاذ وورد هذا الأكيد لأن الفرحة تدبّلت ، الفرحة زادت كثير وإبتسمت ديم لسعود : ننتظر بشوق ؟
ضحكت ملاذ بذهول : يا حبيبتي يا قصيد !
ما تمالكت دموعها من لمحت حضن حاكم لذياب تستوعب إنه حتى هو عرف بالخبر من لهفته الواضحة لذياب : الله يتمم على خير يارب !
-
إبتسم تركي اللي يتأمل مشي الغزلان على عينه ، يدندن بالهمس لكل خطوة على مسمع ذياب ، وقصيد : فيك من طبع الظبي ليمن مشى .. فيك من طبعه
إبتسمت قصيد يدندن تركي بإعجاب : لين عاود والتفت ثم استراب .. فيك من طبعه .. ياتبارك الرحمن أحسن الخالقين ماشاءالله
نطقها يوقف من إنحناءه عن الأرض ولمح عذبي اللي يدندن ، عذبي اللي غرق بالدندنة تماماً يكمل الأغنية بالإبتسام الشديد بمقطعها الأخير :
مايفوز الحاسد الليّ بك وشى .. ما يفوز الحاسد
فيك عذّال الهوى ياكل تراب !
ضحكت قصيد بذهول يبتسم ذياب لكن تركي كشر : عذبي كم سنة صار لك ملازمني ؟ كم سنة وإنت تسمعني للحين ما عرفت شلون تجيب البيت على المشهد ؟
هز عذبي راسه بالنفي ، وقرّبت الغزالة لقصيد مع فهد تبتسم قصيد بحب : وش نسميّك ؟
هي إنحنت لها ، وإنحنى ذياب لأنها ما بتمد يدّها لحالها كأول مرة وإبتسمت قصيد : تبارك الرحمن !
هز تركي راسه بالنفي : شيليها قصيد ، يمديك تشيلينها ؟
'
ضحكت تهز راسها بالنفي : أخاف الحين ، ذياب يشيلها
كشّر عذبي الكبير مباشرة : الله يخلي لك ذياب طيب
ضحك تركي ولده : غيرة وإلا شنو ؟
ضحك حاكم ، ومد ذياب يديه ياخذ الغزالة بحضنه من وقفت قصيد ، يوقف بجنبها ورفع عذبي أخوها جواله مباشرة يفتح تصوير لأبوه اللي إبتسم مباشرة من الكمال أمامه : يستاهل الظبي من شاله ياذياب
ضحكت قصيد ترفع يدها لملامحها ، ولمعت عيون حاكم يشدّ على عيونه ، ونظرته لأن خفّاق قلبه بهاللحظة ما يكنّ من المنظر قدامه وإبتسمت قصيد تضحك ، تشعّ ملامحها خجل لأن الظاهر قصد أبوها الغزال اللي بحضن ذياب ، والخافي قصده بالجنين بداخلها وضحك تركي يعلنها للجميع : سبع شهور ، وحفيدي بحضنك يا ذياب إن شاء الله محلّ الغزال
رفع فهد راسه بذهول من تعالت ضحكات قصيد اللي غرقت بالخجل تتوارى خلف كتف ذياب ، من لمح يدها اللي إستقرت على بطنها بذهول : شنو ؟
ضحك عذبي أبوها يستوعب : شكو ؟ شنو سبع شهور ؟
ضحك تركي أخوها لثواني بذهول يناظرها ، وغرقت عيونها بالدموع لأن كلهم نفس التساؤل بعقلهم مستحيل تكون هي حامل لكنها كذلك ، وضحك عذبي أخوها يلمح صدمات تركي وفهد اللي يناظرونها وفهد اللي رفع يده : دقيقة ، شنو يعني ؟ حامل يعني إنتِ
ضحك تركي أخوها بذهول يصرخ فهد بالذهول " يعني بصير خـال ! " وتنحنح عذبي أخوها : أنا خال عيالها قبلك
ضحكت قصيد لأنهم مصدومين لكن رقّ قلبها كله من لمحت عيون عذبي أبوها اللي يحاول يعقّد حواجبه بالغضب ، يحاول يستدرك نفسه وضحك تركي أبوها يضرب كتفه : ها يا عذبي ؟
ضغط على عيونه لأنه بيبكي لامحالة ، وشتت نظره لثواني : توّنا يوم شلناها باللفة تركي ، يوم قلتلك الله ما عطاني البنت أنا أنتظر ولد ، أنتظر فهيدان ووشلون تصير لك بنت ما أشوفها أنا ؟ شلون بتحمل ما أشوفها
ضحك تركي يضمّ عذبي الكبير لأنه " تأثّر " ، تأثر لدرجة إنه تنحنح يشرح وضحك : أمس تطلعين على ذراعي أشيلك ياقصيد ، الحين يطلع ولدك ، وإلا بنتك ؟
تعالت ضحكاتهم تغرق ملامح قصيد بالدموع تمسح عيونها بطرف كفها ، وشدّ ذياب على وجودها تحت جناحه يبتسم حاكم : ما فكّرت تزوجها لتركي يا عذبي ؟
ناظر ذياب أبوه ، وضحك حاكم يضرب على كتفه يبتسم تركي : نصيبها مع الذيب ، سَعد من صرتِ فاله ياقصيد
-
« الـداخـل »
تكّـت درة على الشباك قدام جود وتوق اللي يتأملون وهمست جود : ماشاءالله ، ماشاءالله بس من الآن أقول لكم لو قصيد حامل بولد أنا بزوّجه بنتي بدون أي شك
ضحكت توق بسخرية فقط ، وهزت درة راسها بالنفي : بيشبه أبوه يعني ؟ ولو حامل ببنت طيب ؟
'
هزت جود راسها بإيه : من شابه أباه فما ظلم ، أبي لبنتي الخير دامه راح علي ، ديم إذا قصيد حامل ببنت سوي اللي وراك ودونك وقدامك وكل شيء زوجيها لسعود
ضحكت ديم تبتسم لسعود اللي مكشّر بحضنها : البنت لولد عمها أصلاً ما بنسوي شيء
هزت توق راسها بالنفي بسخرية : وتعطيكم قصيد يعني ؟
درة بتعديل : ذياب ، ووش فيه ما يعطي ولد أخوه يعني ؟
إبتسمت توق : لأن ذياب حبيبتي شوره بشورها ، وهي مايحتاج نقول واضح قدامك كل شيء أصلاً مو شايفه أحد
ضحكت جود تهز راسها بالنفي ، وميّلت درة شفايفها لثواني : توق ما عقلتي للحين ؟ صدق
ناظرتها توق لثواني فقط ، ورجعت تسأل درة من جديد : صدق والله وش يعني إنتِ مشكلتك مع قصيد نفسها ؟ وإلا مع ذياب ؟ وإلا تبين ذياب كان ببالك وما صار وإلا بس كذا الإثنين على بعضهم ما يعجبونك وإلا كيف ؟
ناظرتها توق بسخرية : كلهم على بعضهم ما يعجبوني
نطقت بهدوء : ليه جاية بيتهم إذا ما يعجبونك ؟
إبتسمت توق بسخرية : أشوف الإستعراض ، بس
رفعت أسيل حاجبها لثواني : والإستعراض ؟
ميّلت توق شفايفها لثواني تسكت لكن أسيل نطقت : كملي ، إستعراض وش بنشوف وش عندك
هزت درة راسها بالنفي بهدوء : ما قالت شيء أسيل
ناظرتها أسيل بهدوء : لا قالت ، وقالت أشياء بعد لكن تدرين وش ؟ بجيب لك عبايتك الحين تاخذين نفسك وتمشين لأن قلة الأدب ذي ما تمشي عندنا
إبتسمت توق بهدوء : تطردين مين ومن بيت مين ؟ ركزي شوي تراه لـنهيّان آل سليمان بالنهاية وهذا ياترى يصير مين ؟ يصير جدي أنا إذا فيه أحد يُطرد منه فهو إنتم
ضحكت أسيل بذهول ، وتوجهت ودّ بجنبها تمسكها : شفيك ؟ صاير شيء ؟
هزت أسيل راسها بالنفي : لا ، تخيلي الأخت توق مو عاجبتها قصيد ، مو عاجبها ذياب ، وجاية عشان الإستعراض تقول لك وفوق هذا ، تقولك هي تطردنا من هنا مو إحنا نطردها لأن هذا البيت كله يرجع لجدها
جات سلاف المستغربة من تجمّع البنات ، ومن وقوف ودّ وأسيل اللي واضح إندفاعها على ملامحها : بنات ؟
إبتسمت ودّ بهدوء : نسولف ، يتراهنون على الغزلان بس
إبتسمت تتوجه بعيد عنهم ، ولفّت ود نظرها بهدوء لتوق : بما إنك فبيت ناس يحشّمون أبوك ، حشّميهم وإلا الباب تدلينه حبيبي
هي نطقت هالجملة تسحب أسيل معاها فقط ، وتوتّر الدم بعروق توق مباشرة تسحب ود : نعم ؟
ناظرتها ودّ لثواني بهدوء : يعني ، الكل هنا يدري بالليّ صار بزواج ورد ، وكلنا ندري بأخلاقك الكريمة ولو ما كان طلب قصيد ، وإن ذياب يكلّم أبوك ويصرّ عليه ما كان دخلتي هذا البيت حتى بأحلامك ، بس
'
سكتت درّة بذهول ، وسكتتّ حتى جود اللي مدت يدها تسحب يد توق عن ودّ اللي مشيت عنها للبعيد وجات ورد اللي تسولف مع وسن بالذهول : تخيلي ! بموت من تأنيب الضمير وعلى بالي خوف بس طلعت حامل وما تدري الحمدلله ما صار للبيبي شيء !
هزت وسن راسها بإيه : الحمدلله على سلامتهم
لفت ورد نظرها لديم : تخيلي ديم بالخيام مو أصرّيت على قصيد تركب الناقة معي وركبت ؟
ديم بإستغراب : إيه ؟
ورد : تخيلي إنها حامل وماتدري وما عرفت إلا وقت رجعوا تقول سلاف جاها نزيف الحمدلله ما صار لها ولا للبيبي شيء
ناظرتها ديم : يالله ! الحمدلله على سلامتهم بس ما أحس الناقة السبب لأن بالنهاية ما نزلت هي ، نزّلها ذياب ؟
طُرق الباب تلف ورد نظرها ، ودخلت قصيد تبتسم لأمها اللي فزّت لها : ماما بطلع أغيّر فستاني ، ذياب بيطلع معي شوفي الدرب
سلاف : يابنات ذياب بيدخل
دخلت قصيد ، ودخل ذياب خلفها تتوجه للأعلى معاه تبدّل فستانها لفستان آخر أبيض بالمثل لأن مزاجها صار يناسب الأبيض ، لكن يختلف تصميمه وبأكمام طويلة لأنها تبرد ، ولأن صار وقت نزُولهم لعلياء وملاذ وعمة ذياب وورد اللي إبتسمت تغرق عيونها من نزولهم : ترى عرفت الخبر
إبتسمت قصيد تضمّها ، ورفع ذياب حاجبه تكمّل ورد : ماما سألت ، قالت متى عرفت وقالت لها سلاف أمس وتكلّمت أنا قلت بعد الخيام ؟ وحاولت أمك تضيّع الموضوع لكن ماما أصرّت عليها لين قالت لنا صار كذا وكذا وكذا والحمدلله على سلامتهم
ذياب : والدموع الحين على وش ورد ؟
ورد : الدموع لأن وقت إستوعبت ، أنا أصريّت تركب معي ، يعني لو صار شـ
قصيد : بس ما صار شيء الحمدلله ! وش يعني عمّتنا حنونة لهالدرجة ؟
إنهارت على كلمة قصيد بإنها بتصير عمة للمرة الثانية : بصرخ هذا الكلام الوحيد
ضحك ذياب يشدّ على ظهر قصيد ، وإبتسمت قصيد بحركة تلقائية هي مدّت يدها لبطنها من لمحت وقوف علياء ، وملاذ ، وريف اللي جايين لذياب يبتسمون له وإبتسمت ورد : إجلسي إرتاحي
أخذ ذياب راس جدّته اللي شدّت على يده تقبّلها بدموعها وإبتسم هو يقبّل يدها : الله يحفظك وش له الدموع ؟ بيجيني ولد يمه هذا ما يبكيك
ضحكت ريف اللي لمعت عيونها تنهار ملاذ : ياحظ قلبه وإنت أبوه ، وقصيد أمه يا ذياب تلقاه متشّوق للدنيا من الحين
إبتسمت قصيد تجلس وجات ورد تمد لها عصير : طوّلتي واقفة وما شربتي ولا أكلتي شيء ارتاحي
إبتسمت تاخذه من يدّ ورد تلمح سلامهم عليه ، سلام ملاذ اللي حضنت ولدها لوقت طويل الواضح همست بأذنه كلام طويل يكتفي بإنه يقبل راسها ، وكتفها رداً عليه وتوجه يجلس بجنبها يمسح على حاجبه ونزّل يده لركبة قصيد تلقائياً يرد عليهم : الله يسلمكم ويحفظكم ويخليكم ويبارك فيكم ، الحمدلله مرّت خفيفة وحنا طيبين وقصيد طيبة
هزت علياء راسها بإيه بهدوء : والذيب الصغيّر طيب
إبتسم ذياب يناظرها يخفق قلب قصيد لعلياء اللي " غريبة عليها " لكن مع ذلك ترمي كلام يلمس قلبها مباشرة ، وإبتسمت ريف : وش سرّ الغزلان ذياب ؟
إبتسم فقط تضحك ملاذ ، وجات سلاف : أبوك مروّق على الغزلان أكثر منك ما بقّى شعر لخالد الفيصل ما قاله !
إبتسمت وأبوها يعشق خالد الفيصل ، يعشق دايم السيف بكل حروفه ويعشق أسلوبه : ما ينلام أحس
إبتسمت ريف من لمحت غزالة دخلت مع الباب وتسمع صوت فهد اللي ينادي يردّ عليه ذياب : خلّها يا فهد
تركها فهد تمشي للداخل ، تستكشف وسط تعالي أصواتهم بـ" سبحان الله ، وتبارك الرحمن " وإبتسمت قصيد من قرّبت وصولاً للطاولة اللي بوسط جلستهم : كيف ماما ؟
إبتسمت سلاف تتأملها ، وهزت ريف راسها بالنفي تبتسم : وش سر الغزلان قصيد ؟
إبتسمت ترفع أكتافها ، وقرّب ذياب على أقلّ من مهله منها لأنه بيشيلها : هذي جفول ، تفز لا قرّبنا يمها
لأنه كان يقرّب على مهله ، ولأن يده مُدت لها على مهله والكل يترقّب من أخذها بحضنه ضحكت ملاذ تمسح على عيونها : هذا والله صيد الذيب ، ماشاءالله تبارك الرحمن يا أمي ماشاءالله
ضحكت ريف تهز راسها بإيه : سلّمت له نفسها أصلاً ، صادها الذيب عرفت إن مافيه مفر منه خلاص
ضحكت سلاف تهز راسها بإيه من أخذ الغزال بحضنه ، من لفت قصيد نظرها لها تمدّ يدها لها تمسح عليها ، خيالية الليلة ، وخيالي ذياب ، وكل شعورها خيالي وأكثر من نطقت ريف تشرب من فنجالها : هذا صيد الذيب يمه
هزت علياء راسها بإيه : وأول غزلانه يمه
ضحك لأنها المقصودة وفهمت ينتبه إنها خجلت لدرجة تغرق ملامحها بالكأس ودها تختفي ..
_
« عنـد الرجـال »
هز تركي راسه بإيه بإمتنان:صبر ونال الذيب الحمدلله الله يحفظهم ويصونهم جات له الأفراح مجتمعة عساها دايم بدياره
نطق حاكم يتنهّد : يارب آمين يابوعذبي
لف تركي نظره لحاكم : بك شيء اليوم وش فيك ؟
نفى وهو بجوفه أشياء كثيرة ملتمّة وإبتسم من دخل ذياب يسمع المباركات ، ويردّ عليها يرفع نصّار حاجبه وبالمثل أسامة ونهيّان : وش ؟
إبتسم ذياب يمشي لهم : فيك شدة تصير عم ؟
ناظره نهيّان بعدم فهم ، وبالمثل أسامة ونصّار لأنه قالها قاصدهم كلهم ، أخوه من أمه وأبوه ، وأخوان دنيته وإبتسم فهد يمد يده يصافح ذياب : هلا والله أنا فيهي شدة أصير خال ، معاك خال ولدك ، أو بنتك ، ما يفرق المهم أنا خالهم فهد ويقدرون ينادوني فهودي
ضحك ذياب من عبط فهد اللامتناهي يصرخ نصّار بذهول : إنت بتصير أبو !
'
ضحك أسامة من هز ذياب راسه بإيه ياخذه نهيّان بالحضن مباشرة بذهول ، يتبعه نصّار ، ويتبعه أسامة يرد ذياب بالإبتسام على مباركاتهم : عقبال عندك يانصّار ، وعقبال مانزوّجك يا أسامة طوّلت علينا
إبتسم أسامة : على يدك طال عمرك ، ما أقول لك لا
ضحك ذياب بذهول يناظره لأن أسامة رافض فكرة الزواج كيف تبدّل الحال الحين وأشّر على خشمه مباشرة : تم
ضحك نصّار بذهول ، بتساؤل : بتصير أبو ذياب ؟
هز ذياب راسه بإيه يضحك نصّار : والله وكبرنا يا ذياب
ضحك نهيّان : متى كان صغير ذياب أصلا عدل كلامك ، أبو حاكم ؟ معاك أبو سعود اللي بيطيح سوقه لا جاء ولدك
كان ذياب على وشك يضحك لو ما لمح نظرات أبوه المتعلقة فيه بشكل غريب ، وإبتسم يصافح نهيّان ، يضحك له : والله والنعم يابوسعود ، ما يطيح السَعد
-
« عنـد الحـريم »
لفت قصيد نظرها بإستغراب لأسيل الحانقة ، القلقة واللي طول الوقت جنبها بشكل غريب : أسولي فيك شيء
هزت راسها بالنفي تعضّ شفايفها لثواني : تعالي شوي
تعدّلت ود بجلستها بتهديد : أسيـل
رفعت قصيد حاجبها لثواني من سحبتها أسيل من بين جلستهم للبعيد ، وتبعتهم نظرات توق تغطيّ درة ملامحها : تفشّلنا ، والله تفشلنا غبية توق غبية
وقفت توق بالمثل تتوجه بإتجاه أسيل اللي تسولف لقصيد ، تحكيّها عن الموقف بالحنق الشديد : يعني قليلة الأدب هذي أنا ما أتحملها تكون جالسة بوجهك وهي خبيثة لهالدرجة قصيد ممكن تطردينها ؟ تخيلي وش تقول تقول البيت بيت جدي أصلاً أنا اللي أطردكم من هنا
ناظرتها قصيد لثواني لأنها ما إستوعبت وش تقول : هذا توق تقوله ؟
هزت توق راسها بإيه بهدوء : إيه أنا اللي أقوله ، شوفي المحبة والقبول من الله أنا سبحان الله ما أحبك قصيد ، وما تعجبيني ومو ندمانة على ولا شيء صار قبل لكن موضوع إنك متفضّلة علي بإن حشمة لأبوي أنا هنا هذي شوي صعبة لأن بالنهاية ، أنا من آل سليمان إذا ما تعرفين
ناظرتها قصيد لثواني بهدوء : عار على آل سليمان إنت هذا اللي أعرفه ، المحبة والقبول من الله بس الإحترام غصباً عنك إما تحترميني أو تقدرين تتوكلين من هنا الآن
ضحكت توق بذهول : تطرديني يعني ؟
هي رفعت صوتها تعمداً على مرور ورد ، وناظرتها قصيد بعدم إهتمام تماماً : أطردك ، تفضلي الباب قدامك
سكتت ورد بذهول لأنها أول مرة تشوف قصيد بهالشكل ، وهزت توق راسها بإيه بهدوء :ما قلت لك شيء ! قلت ماشاءالله تبارك الرحمن البيت خيالي لأنه من جدي نهيان وش يزعّل بهالموضوع ؟ قلت ماشاءالله مرتبة الشرف الأولى وتخرجك لأن أبوك تركي .. وينك من هذا كله ؟
ناظرتها ورد بذهول : تـوق !
'
عضّت قصيد شفايفها ، وهزت توق راسها بالنفي : يعني مدري والله ما قلت لك شيء طايرة بأبوك وزوجك طيب وش المشكلة مدحتهم لـ
ما تمالكت أسيل نفسها تلف نظرها لقصيد : ممكن ما تسحبيني قصيد ؟
لفت قصيد نظرها لها ما تستوعب لكنها شهقت بذهول من مدّت أسيل يدها تسحب شعر توق بدون مقدمات تصرخ فيها : مريضة إنتِ مريضـة ؟ فيك بلاء ؟
شهقت ورد بذهول تحاول تفكّهم من مدّت أسيل يدها ، وحتى توق مدّت يدها ، وشهقت حتى قصيد تمسك ذراع أسيل تسحبها بالقوة عن توق : أسيـل !
عضّت أسيل شفايفها بقهر : والله معتلة ! معتلة مريضة ما شفت جنون أكثر من كذا يعني فوق ما إنك ..... وكل مرة تحاولين تسوين حركات زي وجهك ومع ذلك نحشّم أبوك ونقول طيش ما تتوبين ! يا وجه أستح صدق
عضّت توق شفايفها تناظرها ، تشتم بكل ما قدرت عليه كلماتها وما قدرت تمدّ حتى يدها لأن ورد ماسكتها بذهول : توق وش هذا ؟
جات ملاذ على الأصوات مفزوعة ، وسكنت ملامح سلاف اللي ركضت بالمثل من صوت الصراخ من شعر توق ، وملامح أسيل الغاضبة وسكون قصيد التام تمسك أسيل لها : وش صاير هنا ؟
عضّت قصيد شفايفها بهدوء تتأمل توق اللي صرخت بغضب بنظرات قصيد فقط : مو متفضّلة علي تقولين حشمة لأبوك وحشمة لأبوك ! ماني ميتة على الجية عشان تقولون لي حشمة لأبوك !
ناظرتها سلاف بغضب : بـنت ! إحشمي نفسك وش هذا
سكنت ملامح ملاذ بذهول تنزّل نظرها لورد : وش ؟
رفعت ورد أكتافها بعدم معرفة لأنها ما تدري حتى هي ، وناظرتها قصيد لثواني تحاول تفهم وش هالكره الدفين ، وش هالغضب كله ، وش هالحقد كله وأخذت نفس من أعماق قلبها بهدوء : لأنك شخصاً ، ما تستاهلين الحشيمة ولا تستاهلين أحد يشوفك ولا يحط لك قدر ولا قيمة وتوقعي ليه ؟ لأنك بنفسك مو حاطه قيمة ولا حشيمة لنفسك ، هذا رخص ، وهذي وقاحة ، وهذي قلة أدب ما أطيق أشوفها قدامي ، فهمتي وإلا أقولها لك بالصريح ؟
ناظرت ملاذ قصيد بذهول : قصيـد ؟
هزت قصيد راسها بإيه بهدوء : لأنهم دايماً يقولون آل سليمان بيوتهم وصدورهم رحبة لبعض أنا قلت ما بحرّم عليك الجية ولا بغيّر عادة وبصرّ عشان أبوك بس ، حالة ميؤوس منها إنتِ الله يكون بعونك
ناظرتها سلاف لثواني بهدوء تبيها تسكت : قصيـد
عضّت قصيد شفايفها لأنها تغضب ، لأنها تعصب وتشوف نظرات ملاذ ونظرات سلاف اللوامة : لا تشوفك عيني مرة ثانية ، سمعتيني وإذا ودك توصّلينها للرجال مرة ثانية تدلّين ذياب وينه صح ؟
توق راسها بسخرية : إيه هذا هو ما يمديك بدون ذياب أصلاً أعظم إنجازاتك هو ، تحزنين
قصيد بهدوء : أذكر الكفّ اللي حارقك للحين كان مني بدون ذياب ، لا تشوفك عيني طوّلتيها
'
حاولت تخضّع حروفها ، وتسكت ما تتكلّم لكنها ما قدرت تنطق بهدوء : وإذا تبين كف ثاني ، تستاهلينه والله
نطقت ملاذ بذهول مباشرة : قصيـد !
هي حاولت تفك نفسها من ورد اللي دفّتها بغضب مباشرة : يكـفي ! تستهبلين توق وإلا وش !
سكتت ملاذ من لمحت إن قصيد تركت أسيل تتوجه للدرج ، تجلس على عتبته تحاول تستوعب : قصيد أمي
هي تحس داخلها كله يقلب بشكل حارق ، وركضت أسيل لها مباشرة : قصيـد ، آسفه قصيد والله بس هي استفزتني
عضّت سلاف شفايفها تلف نظرها لتوق ، تحاول تتمالك نفسها من الغضب لكن واضح إن ورد اللي نادت على ديم ، ودرة ، يجيبون عبايتها وعباية توق ما تنتظر غضب سلاف نفسها هي غاضبة بدون شيء وبالفعل هي صرخت بتوق بغضب : مجنونة إنتِ مجنونة !
مسحت قصيد على بطنها اللي تحسّه يقلب كله ، تحس صدرها أساساً يحترق لأنها من مدة ما شافت كراهية معلنة لها بهالشكل ، من مدة ما شافت أحد يتعمّد حتى بفرحها يخرّب وعلن ، يدخل العوائل ببعضها وشتت نظرها فقط : بطلع أرتاح ماما ، ذياب لا يدري بشيء
ناظرتها سلاف لثواني تمسح على جبينها فقط وهي مستحيل تعدي الموضوع سهالات لكنها هزت راسها بإيه ولمعت عيون أسيل بالدموع مباشرة : قصيد فيك شيء ؟
هزت راسها بالنفي فقط تشوف ورد اللي طلعت تدف توق قبلها ، وطلعت خلفهم درة اللي تركض بعبايتها وديم اللي مسكت سعود تتأمل قصيد فقط ووسن اللي مسحت على جبينها وتوجهت ود مباشرة تقرص أسيل : غباء هو !
مسحت أسيل دموعها تشوف صعود قصيد للأعلى ، وصعدت ودّ خلفها وبالمثل أسيل تركض لها : قصيد
هي دخلت جناحهم تحس كل كونها " يقلب " ، وشحبت ملامح ودّ مباشرة : قصيـد !
هزت راسها بالنفي تمدّ يدها ليد أسيل بجنبها واللي شدّتها مباشرة : قصيـد !
هلع قلب شدن الواقفة على الباب تركض للأسفل بدون مقدمات ، لمجلس الرجال تسحب ثوب ذياب الواقف بهلع : قصيد تهاوشت مع توق وقصيد فوق هناك تعبـ
هو نزل نظره لشدن اللي تمسك ثوبه يبعدها مباشرة يفز كله ، يفز حاكم خلفه ويفز حتى تركي اللي نطق مبـاشرة : ذيـاب !
-
دفتها قدامها بذهول تأشر لها على عقلها : وش الجنون اللي صار كله ؟ وش صاير شفيك إنت توق !
ركبت درة السيارة تشغلها ولفت نظرها لتوق : إركبي بسرعة فضحتينا تعرفين وش يعني فضحتينا ؟
بكت ، بكت تمسح دموعها مباشرة : ما أحبها ! ما أحبها جات كأنها مننا وفينا وكل شـ
ضربتها ورد مباشرة تصرخ فيها : وهي مننا وفينا مجنونة إنتِ مجنونة ! قصيد مننا من يوم الدنيا دنيا قبل لا تصير زوجة ذياب وقبل لا تشيل ولده ببطنها مجنونة إنت !
ناظرتها توق لثواني تشهق درة بذهول : غيرانة توق ؟
'
سكتت ورد تلف نظرها لذياب اللي طلع من مجالس الرجال يركض للداخل وطلع أبوه خلفه ، وعمها تركي يوقف نبض قلبها مباشرة تلفّ نظرها لتوق : والله يا توق ، والله لو يصير لقصيد وإلا للبيبي شيء أنا ما برحمك ! أنا
نزلت درة مباشرة تمسك يد ورد اللي على وشك تنهار من رعبها : لا حول ولا قوة إلا بالله ، لا حول ولا قوة إلا بالله !
مسحت توق دموعها تصدّ بنظرها عن ركض ذياب ، وحاكم للأعلى وتركي اللي عضّ شفايفه فقط من طلع أبوها من المجلس : عنـاد
ذاب عظم درة كله ، شافت زلزلة آل نائل وآل سليمان كلها بلحظة وحدة قدامها من رجع تركي بخطوته تسكن ملامح ورد من وقف تركي قدام عناد لمحت إنه بالقوة " خضّع " حروفه يضرب بيده على صدر عناد فقط بدون أي كلمة أخرى تمسك درّة بطنها من الرعب : بطني ما أقدر
هو توجه للداخل ينطق بجهورية فقط : يـابنـت
-
هو ركض ما يسمع حتى ركض ملاذ اللي تنبّه : البنات عندها ذيـاب ! حاكم البنات فـوق !
شهقت ودّ تسحب أسيل ركض للدولاب لأن صوت ذياب وقت نطق " يـابنـت " كان يزلزل من جهوريته ، من إنه بيدخل لا محالة وسكنت ملامح قصيد من إندفاعه للغرفة ، من عمها حاكم اللي دخل خلفه يمسك الباب الواضح إنه كان يركض وراه ونطق ذياب مباشرة يشوف جلوسها بداخل السرير والواضح إنها كانت متمددة ومن أصواتهم جلست : وش ! وش سوّت لك وش فيك ؟
إحتقنت ملامحها بالإحمرار مباشرة تشهق أسيل لأنه مدّ يده يتفحص يديها ، لإن إندفاعه تجاهها ماكان خوف " عادي " ودخلت ملاذ خلف حاكم الواقف على الباب تهز قصيد راسها بالنفي توقّف تفحصه لكل جزء فيها بذهول : ما سوّت شيء ذياب ، ما صار شـيء
نطق بحرقة مباشرة : وش ما صار شيء وش عيونك ذي !
غمضت عيونها تشتتها عنه لثواني فقط ، ولمح حاكم إن ذياب " ينفعل " جداً : ذيـاب
هز راسه بالنفي تعضّ ملاذ شفايفها ، وفتحت عيونها بعد ثواني بسيطة لكنه ضحك ، ضحك من حرقته يهز راسه بالنفي لأن عيونها تحترق بالإحمرار ونظرتها ، نظرتها مخطوفة : ما أدفنها أنا ؟ ما ألعن ثواها الحين ما قلتـ
بتر جملته يمسح على شفايفه فقط وهزت راسها بالنفي : ما سوّت شيء وما صار لي ولا شيء ذياب
عضّ شفايفه يحاول يهمس ، يحاول يخضّع نبرته بالقوة : قولي لي سوّت لي شيء ، قولي لي ..... ذياب لا تقول لي عينك تراها نكدّت علي يا ذياب وتبيني أسكت قصيد
نطقت ملاذ لثواني : ذياب ، روح مع أبوك تتفاهمون هناك وإترك قصيد ترتاح هنا وإحنا عندها ، نفهم الـ
هي مدّت يدها لبطنها " تلقائياً " يجنّ جنون ذياب بلحظة ولمح حاكم هالشيء بذهول من تعدّاه يطلع من الغرفة : ذيـاب !
'
سكتت ورد تلف نظرها لذياب اللي طلع من مجالس الرجال يركض للداخل وطلع أبوه خلفه ، وعمها تركي يوقف نبض قلبها مباشرة تلفّ نظرها لتوق : والله يا توق ، والله لو يصير لقصيد وإلا للبيبي شيء أنا ما برحمك ! أنا
نزلت درة مباشرة تمسك يد ورد اللي على وشك تنهار من رعبها : لا حول ولا قوة إلا بالله ، لا حول ولا قوة إلا بالله !
مسحت توق دموعها تصدّ بنظرها عن ركض ذياب ، وحاكم للأعلى وتركي اللي عضّ شفايفه فقط من طلع أبوها من المجلس : عنـاد
ذاب عظم درة كله ، شافت زلزلة آل نائل وآل سليمان كلها بلحظة وحدة قدامها من رجع تركي بخطوته تسكن ملامح ورد من وقف تركي قدام عناد لمحت إنه بالقوة " خضّع " حروفه يضرب بيده على صدر عناد فقط بدون أي كلمة أخرى تمسك درّة بطنها من الرعب : بطني ما أقدر
هو توجه للداخل ينطق بجهورية فقط : يـابنـت
-
هو ركض ما يسمع حتى ركض ملاذ اللي تنبّه : البنات عندها ذيـاب ! حاكم البنات فـوق !
شهقت ودّ تسحب أسيل ركض للدولاب لأن صوت ذياب وقت نطق " يـابنـت " كان يزلزل من جهوريته ، من إنه بيدخل لا محالة وسكنت ملامح قصيد من إندفاعه للغرفة ، من عمها حاكم اللي دخل خلفه يمسك الباب الواضح إنه كان يركض وراه ونطق ذياب مباشرة يشوف جلوسها بداخل السرير والواضح إنها كانت متمددة ومن أصواتهم جلست : وش ! وش سوّت لك وش فيك ؟
إحتقنت ملامحها بالإحمرار مباشرة تشهق أسيل لأنه مدّ يده يتفحص يديها ، لإن إندفاعه تجاهها ماكان خوف " عادي " ودخلت ملاذ خلف حاكم الواقف على الباب تهز قصيد راسها بالنفي توقّف تفحصه لكل جزء فيها بذهول : ما سوّت شيء ذياب ، ما صار شـيء
نطق بحرقة مباشرة : وش ما صار شيء وش عيونك ذي !
غمضت عيونها تشتتها عنه لثواني فقط ، ولمح حاكم إن ذياب " ينفعل " جداً : ذيـاب
هز راسه بالنفي تعضّ ملاذ شفايفها ، وفتحت عيونها بعد ثواني بسيطة لكنه ضحك ، ضحك من حرقته يهز راسه بالنفي لأن عيونها تحترق بالإحمرار ونظرتها ، نظرتها مخطوفة : ما أدفنها أنا ؟ ما ألعن ثواها الحين ما قلتـ
بتر جملته يمسح على شفايفه فقط وهزت راسها بالنفي : ما سوّت شيء وما صار لي ولا شيء ذياب
عضّ شفايفه يحاول يهمس ، يحاول يخضّع نبرته بالقوة : قولي لي سوّت لي شيء ، قولي لي ..... ذياب لا تقول لي عينك تراها نكدّت علي يا ذياب وتبيني أسكت قصيد
نطقت ملاذ لثواني : ذياب ، روح مع أبوك تتفاهمون هناك وإترك قصيد ترتاح هنا وإحنا عندها ، نفهم الـ
هي مدّت يدها لبطنها " تلقائياً " يجنّ جنون ذياب بلحظة ولمح حاكم هالشيء بذهول من تعدّاه يطلع من الغرفة : ذيـاب !