أنت تقرأ

انت الهوى ، كل الهوى برد ولهيب🤎

Romance

- للكاتبة : ريم الاوطان🇸🇦 " عندما تصبح القيُود حناناً وتمرّ السُنون مثل الثواني .. عندها ، تصبح القيود إنعتاقاً وإنطلاقاً ، إلى عزيز الأماني .." يُقال إن للجديد دائماً وقعه ، وأقول إن كل الحكايا والسنين معاكم لها وقعها ورغم كثر النوايا...

#الاوطان #بر #حب #دلال #ذياب #روايات #ريم #سعودية #شعر #قصر #قصيد

بارت ٤٢

12.7K 228 42

بواسطة rwaiahh6

بقلم rwaiahh6

'
ما عاد يحس بقلبه من الوجع ، من حضن أبوه له وإنه يقبّل راسه للآن وشدّ ذياب ذراع أبوه اللي تحاوطه يقبّلها وما قدر ينطق بكلمة ، ما قدر ينطق بحرف من حرقة جوفه ياخذ حاكم نفس من أعماقه يتدارك نفسه ، يتمالك نفسه ومسح دموعه يوقف على حيله بالقوة يشدّه وشتت ذياب نظره بهدوء لأن نطق أبوه له " كسرت ظهري " مؤلم مايدري كيف يرّده ، ولا يدري كيف يقابله : لا تخاف علي أبوي .. لا تشيل همي طيّب وماعلي خلاف
لف حاكم نظره له لثواني ، لف نظره لولده اللي أمس ، بالأمس كان عمره ٧ سنين واليوم واقف قدامه بهالشكل ، بالثلاثين من عمره بشنبه ، بكامل رجُولته من عرض أكتافه لأقدامه بآثار قسوة الزمان ، وقسوته هو بوجهه يشتت ذياب نظره لبعيد : نروّح البيت ، ترتاح
هز حاكم راسه بإيه ينزل الدرج ، لكن بيد ذياب اللي تسند ذراعه وشتت نظره تكتمه عبرته مباشرة : يوم إنك ولد السبع سنين ، تجلس معي لين تشرق الشمس ولا تروّح وكلٍ يقول ياحاكم الولد عنده مدرسة ليه تصحيّه الفجر
سكت ذياب ، وشتت حاكم نظره : كنت أقول لهم الصلاة حق الله عليه ، لكن جلسته معي مالي بها كنت أبيك تروّح البيت بعد الصلاة وترجع تنام لين وقت مدرستك ، لكنّك تعنّد وبقعد معك لين تشرق الشمس ما أروح بدونك
إبتسم ذياب فقط ، وشاب قلب حاكم يتأمل ساحة المسجد الخارجية بكتمة : يوم رسلتك ، قلت هاك الفلوس روّح قل للعمال يحمّلون مويا للمسجد وإنتبه
هز ذياب راسه بإيه يشتت نظره : يومها جاء واحد ، مدّ لي بيده شيء قال وصّله لأبوك
ضحك حاكم لأن قلبه يوجعه ، قلبه يحرقه بهاللحظة : قلتله من إنت ، قال وصّله لأبوك وغلطان ، أشهد بالله غلطان يوم فكّر يتجبر عليك يقولك وصّله
ضحك ذياب لأنه يتذكر ، يتذكر سخريته منه : قلتله تبيه وصّله بنفسك ، من يكون يتأمر علي ؟
ضحك حاكم وسط حرقة قلبه اللامتناهية ، وسط ناره الغير طبيعية وسكت ذياب يشتت نظره لبعيد : كنت أدري لا شفته ما بتخلّيه وجيت له ، جيت هديّت له حيله من تكون تلمس ولدي ، وبأي حق تلمسه ، صارت بين الكبار وأنا ما كبرت ألوي ذراعه بنفسي بدل لا تلويها له
لف حاكم نظره لولده ، وهز ذياب راسه بإيه يشتت نظره لبعيد : كنت أدري أبوي من ، وأعرف من يكون أبوي وأشهد له قبل كل الناس وما ودي ، ما ودي يقولون ذياب ولد حاكم ما ربّاه حاكم ياخذ حقه بيمينه ..
_
« بيـت حـاكـم »
وقفت ملاذ على الشباك تنتظر ، تنتظر وتحس قلبها " يغلي " لأن حاكم طول الليل ما رفّ له جفن ، طول الوقت ساكت وساكن بشكل يتعبه هو تعرف هالشيء ورغم عديد محاولاتها فيه لكن ما منه تجاوب ، ما يطلع منه شيء كأنه بعالم آخر غير عالمهم تماماً وخرجت من الغرفة تسمع الهدوء ، والصمت الطويل تلف نظرها تجاه غرفة ذياب : وما أدري عن حالكم ، الله يهدي بالي
أخذت نفس من أعماق قلبها يسكن داخلها بلحظة من لمحت مجيء حاكم وذياب اللي يمشي بجنبه ، من لمحت السكون بخطوتهم تشوف إن ذياب وقف على العتبة الخارجية ويده خلف ظهر أبوه الواضح إنه ما بيدخل البيت لكن إلتفات حاكم له " ما تصدقه " ..
-
هز ذياب راسه بإيه يشد ظهر أبوه يحاول يطمّنه : باخذ كم شيء من البيت وأعوّد ، ماني مطول
ناظره حاكم وداخله ينهش نفسه من القلق ، من السخط الغير طبيعي وده يدخله قدامه وما يبعده عن عينه لحظة ونطق ذياب بتأكيد : ماني مطول .. البيت قريّب
هز حاكم راسه بالنفي : ماهو قريّب ، لا تسرع يا ذياب
أشّر على خشمه فقط يناظره حاكم لثواني وللآن ، لهاللحظة ما فهم هو ليه قفّل الباب على قصيد : قصيد
نطق ذياب بهدوء يمسح على أنفه : نايمة
هز حاكم راسه بإيه : إيه نايمة ، وراك قفلت عليها الباب ؟
سكت لثواني يشتت نظره بهدوء وهو قفّله لأسباب كثيرة ، لأنها نايمة أولها ، ولأنها بترتاح لو الباب مقّفل ما بتقلق بعدم وجوده ، ولأن حالها ووضعها ما يسمح لأي أحد يدخل قاصد أو غلطان ولأنه ما تعوّد يكونون عند أحد نهائياً وفهم حاكم يهز راسه بإيه : لا تطول
هز ذياب راسه بإيه يركب سيارته ، يلف نظره لأبوه الواقف على الباب للآن يضرب البوري - بخفة - لمجرد إنه يطلبه يروح للبيت ويرتاح وإنتبهت ملاذ على هالحركة ومن رفع حاكم يده له ، من بقى بوقوفه لين ما غابت سيارة ذياب عن نظره تشوف إنه لف يدخل للداخل ونزلت مباشرة : حاكم
دخل ينزع شماغه بتعب ، بإرهاق شديد ياخذ نفس : مانمتي
هزت ملاذ راسها بالنفي تمشي له ، تمد يدها لصدره مباشرة : وين أنام وما لقيتك ، وين راح ذياب حاكم ؟
حاكـم : بيته ، راح ياخذ أغراض ويرجع ماهو مطول
إبتسمت لأنه مرتاح تحس هالشيء ، وجلس على أقرب كنبة ياخذ نفس من أعماق قلبه : أمي ما صحت ؟
جلست ملاذ بجنبه تمد يدها ليده : صحت ، أمي عندها لا تشيل هم صلّت ورجعت نامت على طول
هز راسه بإيه يتأمل ساعته تنطق ملاذ : توه راح ياحاكم
_
_
« قصـر ذيـاب »
بمجرد دخوله إرتخت أكتافه مباشرة ، إرتخت ولا فيه وقت للإنهيار يمسح على أنفه يركض للأعلى ولا ودّه يطول أكثر ، ما وده يستوعب حتى بيته يفتح دولابهم ، ملابسها بهمس : وش المناسب تلبسينه لهم
مدّ يده يتأمل فساتينها لوهلة ، كلها تلبسها " له " فقط وشتت نظره يطلع جواله من جيبه يشوف إنها ما رسلت له شيء يحتار ، بين كل ملابسها يحتار وما وده يتصل عليها وتصحى : تزهينها إنتِ ، ما يهم وش أجيب لك أنا
حاول يقنع نفسه من طلع لها جينز ، وتيشيرت أبيض يفكّر هي تلبسهم مع بعض أو لا : لا ، ما تحبينها
رجع يطلع بنطلون أسود ، وتيشيرت رمادي يتأمل لثواني وعضّ شفايفه : وش تلبسين حبيبتي ، وش تلبسين؟
هو لف نظره لملابسها لوهلة يحاول يركّز لأنه يعرف دقتها بموضوع الملابس وإنهم حالياً ببيت أهله مو منطقي تلبس شيء ما تبيه : إذا ماعجبك ، أرجع آخذ لك غيره
طلع شنطتها يترك لها الملابس اللي طلعها ، وأخذ تيشيرت من تيشيرتاته لها في حال ماودها تلبس أي واحد منها ونزل نظره لباقي الأمور اللي ممكن تحتاجها ياخذ لها ، كل تفصيل ماغفل عنه يسكّر الشنطة بعد ما دخل لنفسه معاها ملابس ، ومد يده ياخذ ثوب من ثيابه وشماغ لكن سكنت ملامحه من لمح عباياتها جنب ثيابه : أكيد ما تبين عباية غير اللي معك ؟
هو سكت يفكر فعلياً ، وجدياً يفكر لكنه شتت نظره بذهول : بترجع تاخذ لها ، بترجع لا تفكر الحين عوّد ..
نزل الدرج بأسرع ما يمكن يركب سيارته ، ياخذ نفس من أعماق قلبه ويحمد ربه على إنشغاله بهاللحظة وماوده تجيه لحظات الإدراك بأي موضوع غير وقت يختلي ، وقت يصير لحاله وبس وحرّك مايحس الخط إلا بوصوله أمام بيت أبوه ياخذ الشنطة بيده ، وثوبه بيده ينزل على أقل من مهله للداخل وفتحت له ملاذ قبل يدق الباب تسكن ملامحه : أمي
أشّرت له بالسكون يدخل خلفها وسكنت ملامحه ، فعلاً سكنت من لمح أبوه " نايم " بجلوسه تهمس : عجز ينام ، أقول له تعال الغرفة ترتاح يقول ما جاء ذياب للحين
سكت يترك ثوبه على الكنب والشنطة ، وتوجه لأبوه ينحني قدامه بهمس : أبـوي
فز حاكم مباشرة يستوعب مكانه ، وشد ذياب على ركبة أبوه : تروّح ترتاح ؟ ما نمت من البارح أبوي
ناظره حاكم لثواني ، وإبتسمت ملاذ : جاء ذياب ، كنت تنتظره وجاء تقدر تنام وترتاح مابينك وبينه إلا كم جدار
سكت لأنه صار " مفضوح " بضعيف الحال تجاه ذياب اللي هز راسه بإيه فقط : ولاني مروح لين ترتاح ، ماعليك
إبتسمت ملاذ يوقف حاكم اللي ضرب على كتف ذياب فقط ، وطلع معاها للأعلى ياخذ ذياب ثوبه ، وشنطة ملابسهم يصعد للأعلى يسمع صوت باب أمه وأبوه اللي تقفل يطلع المفتاح من جيبه لكنه سمع أصوات قريبة منه ينطق مباشرة : يـابنـت
سكتت جود مباشرة توقف توق ، وفتح باب الغرفة يدخل وقفّل مباشرة خلفه تكشّر توق : ما نتكلم يعني صح ؟ ومقّفل والمفتاح معه يعني مدري وش أقول صراحة
ضحكت جود : مو متعود ، خايف نطلع بوجهه بالغلط
كشّرت توق تشد الجلال عليها : لأننا نتمشى بدون جلالات طبعاً
ناظرتها درة لثواني : ممكن تقولين لي وش يدريه عنا ووش نتمشى فيه ؟ سمع أصواتنا قال يابنت عشان ننتبه
ناظرتها توق بذهول : طيب وش فيكم علي الحين مافهمت ؟ وش النظرات ذي وش التبرير هذا يعني ؟
ضحكت جود بذهول : محد كلمك روحي نامي بس روحي
-
« غرفـة ذيـاب »
قلق ، كل نومتها كانت قلق بشكل ما يتصّوره أحد لدرجة إنها فزّت وقت نطق " يابنت " كأنه ينطقها لها : ذياب
سكّر الباب خلفه يقفله ، يعلّق ثوبه ولف نظره لها : أبوي
ناظرته لثواني تاخذ نفس ، تجلس : مين يابنت ؟
توجه يغسّل يديه : درب عشان ما يطلع أحد ومايدري بي
قصيـد : بس قلتها قريب هنا ، كأنك تقولها لي
لف نظره لها لأنها " دايخة " تماماً ، ونفض يديه يمشي لها : هنا سمعت صوت ، صحّيتك يوم قلتها ؟
هزت راسها بالنفي من جلس على طرف السرير بجنبها تأشر له يقرب ، وسكنت ملامحه لأنه بمجرد ما قرّب هي إرتكت تسند راسها بين كتفه ، وعنقه ينطق مباشرة : فيك شيء قصيد ؟ يوجعك شيء ؟
مافيها شيء ، لكنها مرهقة لدرجة تفز كل شوي لغيابه ومجيئه ومد يده لعاري ظهرها يمسكها : قصيد أبوي
أخذت نفس من أعماق قلبها : ما صلّيت للآن ، عجزت
ناظرها لثواني ولو ماكانت الصلاة " حق " كان شالها عنها ، ولفت نظرها له تعاتبه يبتسم بهدوء : آسف
إبتسمت فقط تاخذ نفس ، ترجع جسدها للخلف ووقف هو بدوره : تقومين الحين ؟
هزت راسها بإيه يفتح الشنطة ، ومد لها تيشيرته تبتسم بهدوء : جاي ومعاك حلول يعني
إبتسم بهدوء يتأملها : ما قلتي مو عدل تسبب وماتحل ؟
حسّته غير ، أو حسته يحاول يكون غير تلبس تيشيرته وهي بالليل ، من عدم إحساسه بشيء وإن كل رغباته هي ينُولها إستغربته لكن تحوّل إستغرابها لتفهّم شديد لأنها تعرفه ونبض عنقها خجل من إنه يتأملها : وش يعني
هز راسه بالنفي : قومي ، عشان تصلين وننام
إبتسمت لثواني تهز راسها بالنفي : تتوقع بنام معاك يعني
لف نظره يتأمل الغرفة : ووين ترّوحين عني ؟
وقفت تعدل تيشيرته عليها : حدنا هالغرفة مو ببيتنا ، أروح لورد هنا وما تردّني تعرف هالشيء ؟
وقف يقابلها بهدوء : ما يمديك لا هنا ، ولا ببيتنا ماتروّحين
يعرفها ، يعرف كيف تحبّه ويعرفها بشكل يريّحه تجاه كل شيء بدون مبالغة وإبتسمت فقط تتوجه للحمام - الله يكرمكم - ياخذ نفس من أعماق قلبه ، كثير اللي بداخله ، وكثير اللي على ظهره ، وكثيرة مشاعره ما يستوعبها وما يدري ، ما يدري كيف لو ماكانت قصيد بحياته ينشغل بوجودها ، يتلهّف لرجعته لها ، يفكّر فيها كل ما شدت عليه وكل ماحُرق قلبه يتذكرّها برد للهيبه ، ما تسأله ، ما تردّه ومكانه للأبد بين أحضانها : لا تطولين
هو نطقها بعدم ادراك منه ياخذ جواله ، يجلس على طرف السرير بإنتظار لخروجها يتأمل كم المحادثات ، كم الناس اللي تعزيّه يرد ، وأخذه الوقت بالرد يرفع نظره لها من خروجها وإنها تحاوط جسدها بالمنشفة يأشر لها : جبت لك ملابس
هزت راسها بإيه يوقف : مافيه مويه ؟
لفت نظرها لثواني تدّور : لا ما أعتقد ، كانت فيه بالليل مسح على جبينه يجلس : بشوف ورد إن كانت صاحية
إبتسمت لثواني فقط : ليه قفلت المكيف طيب
رفع نظره لها وهذا " موضوع جدال " أبدي بينهم ، هي تقفل المكيف وقت يتحمم لكن ياويله ، ياويله يقفّل المكيف وقت هي تخرج من الشاور : لأن ماهو على كيفك
ما جادلته تبتسم للملابس ، تضحك وغرقت بالخجل مباشرة من إستوعبت إنه جايب كل شيء وكل التفاصيل من الخارج للداخل : ما قصرت
هز راسه بإيه يشوفها تتأمل الملابس : مدري تلبسينها وإلا ما تلبسينها إن بغيتي غيرها أجيب لك
هزت راسها بالنفي تاخذ بجامتها بإنبهار ، ورجع جسده للخلف بهدوء : كان أسهل شيء أجيبه اللي تلبسينه عندي ، ما ردت ورد للحين لكن بطلع أجيب لك
قصيـد : يمكن فيه أحد بالمطبخ طيب !
ميّل شفايفه وهو أكيد فيه أحد : وش يعني تطلعين إنتِ؟
هزت راسها بإيه لكن كان منه النفي مباشرة : لا
قصيد بتعجب : مافي بالبيت إلا نهيّان وأكيد ما بيخرج الحين ، أخرج أنا آخذ لي ولك وبلبس عبايتي تمام ؟
ما وافق نهائياً ، وتوجهت تبعد عن عينه تلبس بجامتها اللي جابها لها شورت وقميص دايماً ما تسكر أزراره وتركت مبلول شعرها على حريته تلبس عبايتها : ذياب
هز راسه بالنفي يوقف بهدوء : نروّح سوا
قصيد : لأن المويا ثقيلة ما يقدر واحد فينا يشيلها لوحده
ما رد عليها لأنها تطقطق عليه ، وما حطت الطرحة على راسها لأنه طلع قبلها يتنحنح وما رد الصُوت عليه أحد تمشي قصيد قبله للمطبخ : شفت إن مافي أحد ؟
دخل خلفها يوقف على طرف الباب ، وتوجهت تاخذ لنفسها وله مويا لكنه نطق : ما ودك تفطرين ؟ ما أكلتي
قصيـد: لأنك أكلت بدوني ، صح
رفع حاجبه لثواني : ليه تكلميني كذا ؟ من الغرفة وجاي
ميّلت شفايفها تمشي بإتجاهه : لأنك ما تفكر بنفسك ، تفكر بقصيد وبس لازم العدل
هي تكلّمت بعادية تخطف قلبه لأن نظرها له ينطق بهدوء : وإنتِ أعدل الناس بي يعني ، تقولينها ؟
إبتسمت فقط لأنها تعرف أحواله ، تحفظه عن ظهر غيب ورجعت للغرفة معاه تصلي على ما بدّل هو يتمدد ، وتوجهت لجنبه بعد ما إنتهت من صلاتها تدخل بحضنه وأخذ نفس من أعماق قلبه يقبّل راسها ، ياخذ ريحتها لأعماقه وهمست لثواني : ما بتقول لي شيء؟
كان منه هادي النفي ترفع نظرها لها ، تشوف إن الإرهاق صار واضح على ملامحه ما يقاومه ولا يقاوم النعاس نهائياً وللأبد ، تحب هالحال منه ما يعترف بإرهاقه ، وتعبه ، وهلاكه إلا لو تمدد بحضنها أو هي بحضنه " بالهدوء " وبهالحال فقط يبيّن عليه تنزل نظرها ليده اللي تحاوط خصرها وهي تحس بالنعاس أكثر منه وما طالت صحوتها تغفى هي معاه بعد ما سكّرت خافت النور اللي جنبهم ..
_
« الظهـر »
وسط ضجيج آل سليمان ، وصحوة الأغلب وتجهيزات الغداء ما كان الشعور ثقيل مثل ما كان بالأمس بعد الفجعة وإن الكل تلقّى الخبر لوحده أو ما حوله كثير وهذا اللي يقوّي عزمهم ، إنهم مجتمعين ودائماً مجتمعين بالأفراح والأحزان ولفت ملاذ نظرها للبنات : يلا يابنات يجون الرجال من الصلاة والغداء جاهز ، ورد
سكّرت ورد جوالها تشوف نصار اللي صوّر لها بالمسجد معاهم : جاهز المقلط وكل شيء جاهز روحي إرتاحي
دخلت قصيد للمطبخ تدخل جوالها بجيبها : أساعدكم؟
إبتسمت ورد تهز راسها بالنفي : أمي علياء كيفها ؟
لأن نظراتهم كلهم لفّت لقصيد ملهوفة هي هزت راسها بإيه : أحسن الحمدلله ، قالت وين القهوة
رفضت ملاذ مباشرة : ما أكلت شيء قولي لها الغداء جاهز بعدين القهوة يا أمي ، من أمس ما أكلت شيء على القهوة والتمر ما يصلح لها
هزت قصيد راسها بإيه : قلت لها عمتي ، قالت سوي لي
ورد : لا ماعليك بعد الغداء نقهويها ، ذياب معاهم قصيد
لفت ملاذ نظرها تنتظر الجواب ، وهزت قصيد راسها بإيه بإستغراب : ذياب من قبل الظهر مع عمي ليه ؟
ضحكت ورد لأن ملامح قصيد خطفت : أكيد معاه ، لأن نصار توه صوّر لي شفت نهيان بس ما شفت ذياب
دخلت ديم تشيل الصينية ، ومدّت قصيد يدها تاخذ عنها لأنها بتتركها : ديم تعبتي مرة روحي إجلسي
تنهّدت ملاذ تشتت نظرها : ديم عنيدة ديم ، ماشاءالله البيت مليان يا أمي روحي إجلسي وإرتاحي ليه ما تجلسين
جلست على الكرسي تاخذ نفس ويدها على بطنها : أتوتر إذا جلست ما أعرف ، عالأقل أغيّر جو لا تحركت
دخلت درة : عمي حاكم معصّب عليك ، سمعنا وإحنا نهاوش نقولك لا تشيلين قال جلّسوها وإلا جيتها أنا
إبتسمت ورد : تعرفين وش يعني جيتها أنا صح ؟
ناظرت ديم أختها لثواني : أصلاً جاني النوم بروح أنام
دخلت شدن تركض لقصيد بذهول : حتى إنتِ عندنا !
إبتسمت قصيد تهز راسها بإيه : حتى أنا
ناظرتها شدن بإعجاب ، بإنبهار تبتسم درّة بشبه حزن : ليتني بزر زيك ياشدن
لأن ملاذ فهمت هي نطقت مباشرة بهدوء : درة !
عضّت درة شفايفها لثواني من مشيت شدن : صدق والله أتمنى ، يعني عالأقل هي الحين تفكر هالإجتماع واللمة لأننا مبسوطين والدنيا وردية ما تدري
_
« عنـد الرجـال »
جلس ذيـاب بجنب أبوه بالمجلس اللي يضج برجال آل سليمان وعيالهم وأحفادهم ، بأصحابهم المقربين اللي كلهم لاقوهم بالمسجد وعزّموا عليهم إلا يرجعون للغداء معاهم وبالفعل ، يضج بالرجال ، بالثياب ، الأحاديث عن كل المواضيع لأن الكل وده يخفف وقع الموت ولا يدرون كيف وجاء أعز أصحاب أبوه لأقدامه : أبوذياب
إستوعب إنه بوسط مجموعة رجال بمجلس بيته مو لوحده ينزل نظره لصاحبه : هذام ، تعال يمي تعال
ما تكلّم ذياب اللي يراقب تصرفات أبوه فقط ، يشوف إنه يغيب عن عالمهم وقت طويل وما يستوعب شيء ووقت يرجع يستوعب ، يكون ساكن تماماً ووقف هو يفز داخل حاكم مباشرة : وين
إنحنى يقبل راس أبوه بهدوء : نقّلطهم للغداء ، استريح
هز راسه بإيه فقط ينتبه له صاحبه ، ينتبه له هذام اللي نطق : حاكم وش جاك ؟ وش فيك علّمني
لف نظره له لثواني ، ونطق هذام يهمس : قل لا إله إلا الله ما نعرفك كذا ياحاكم !
-
وقف على عتبة باب المجلس ينطق نهيّان بقلق : ذياب ، وضع أبوي مو مريّحني ذياب قالك شيء ؟ كلّمك ؟
هز راسه بالنفي يلف نظره لأبوه فقط ، وطلع فزّاع من المجلس بالمثل يتوجه لذياب : ذياب ، قلّط الرجال وخذ أبوك ودّه يمشي وإلا طلّعه يرتاح وإلا سو شيء ياذياب
لف نصّار نظره لذياب اللي عينه على أبوه أساساً : ذياب
هز راسه بالنفي يضغط على عيونه : نصّار تأكد من المقلط ، تعال معي نهيّان وروّح ارتاح ياعمي ، روّح ارتاح أبوي طيب ماعليه خلاف لا تكلّمونه
ناظره فزاع بذهول : وش طيّب تشوف اللي نشوفه ياذياب
طلع عناد من المجلس لأنه كان الأقرب بذهول : فزّاع ؟
رفع فزّاع أكتافه بقلق ، بعدم معرفة : عناد تشوف حاكم طبيعي ؟ البارح كان حاكم اليوم ما أعرفه هذا من ياعناد
سكت نهيّان أخوه يحس بالضغط ، يحس بالرعب لأن عمه مرعوب وأكثر من نطق يوجه نُطقه لذياب : روح كلّمه ياذياب أنا ماني متعوّد يكون هذا حال أخوي
سكت ذياب لثواني يشتت نظره ، يحاول يبتر لسانه لكنه يعجز تماماً من نطق بهدوء : ماهو ولد متعب ياعمي؟
رجف صدر نهيّان مباشرة يصد بنظره ،وسكت نصّار لأنها الحقيقة كافية من ذياب حتى حاكم ، ذات حاكم فقد أبوه كيف يبونه يتعامل بعادية وأمور طبيعية ويشيلهم فوق ظهره ومحد يدري بجروحه ، محد يدري عن حرقة قلبه الحقيقة إلا ذياب نفسه اللي أشّر لنصار يروح ، وأشر لنهيّان يتبعه فقط وشتت نهيّان نظره : ذياب
بينفجر قلبه من الضيِّق لأن الكل يعاتبه من وقت الصلاة للآن كأنه ما يدري بنفسه عن حال أبوه ، كأنه " يشوفه عادي " وهو يتقّطع أكثر منهم كلهم يمد يده لراس أخوه يبعثر شعره : الأمور طيبة ، وأبوي طيّب يانهيان ما به شيء waiah99_
1402
'
-
'
أخذ نهيّان نفس من أعماقه من حارق الشمس يشيل مع أخوه صحون الغداء اللي تفوح حرارتها وعلى ما يشوف من أخوه ، هو ما يحسّها نهائياً ودخل للمقلط يشوف ورد الواقفة مع نصّار واللي بخاطرها سؤال لكن الواضح نصّار رده ينفض ذياب يديه بإستغراب من ملامحها : ورد
غرقت عيونها بالدموع مباشرة لأنها سمعت عمّها ، وسمعت نهيّان وسمعتهم كلهم يهز راسه بالنفي برجاء : لا تبكين مابه شيء ، والله ياخوك طيّب وبحيله ومابه شيء
هز نصار راسه بإيه من نبرة اليأس بصوت ذياب يلف نظره لورد : خلاص ورد ، ما قلتلك ؟
ناظرت نهيان تشوف قلق عينه مثلها ، وأخذت نفس من أعماق قلبها تهز راسها بإيه فقط بإنها بتتراجع وتمشي لأنها حتى هي لمست نبرة ذياب وقبل تخرج ، قبل تخطي هو نطق يخضّع نبرته مباشرة : تعالي
شتت نظرها مباشرة لأنها بتبكي ، وخطى لها هو ياخذ نصّار نفس من أعماق قلبه من وقف قدام ورد ياخذ بدقنها مثل حركته المعتادة مع نصّار ذاته وإن ورد ضمّته مباشرة تعتذر بهمس : آسفه
هز راسه بالنفي يقبّل راسها ، يمسح دموعها بطرف يده وإبتسم لها بهدوء : روّحي
توجهت للخارج تاخذ نفس من أعماق قلبها ، ولف ذياب نظره لنهيّان : قل لهم يقلطون
توجه نهيّان لمجلس الرجال يخرج ذياب مع نصار اللي وقف بجنب صاحبه على عتبة الباب الخارجي : مثل هالأوقات تتمنى إنك تدخن ، صح ؟
لف ذياب نظره له ، وهز نصار راسه بإيه : أو تتمنى تضرب أحد وهذا أنا بعد ما جبت طاري الدخان ، سم كيف تبي
ما تكلم كان يناظره ، وتنحنح نصار : أو شدّت وتبي تدفن أحد وهذا أنا بعد ، أنا نصار زوج أختك ورد وأبوعيالها مستقبلاً
كانت نظرته تقول " الحمدلله والشكر " فعلياً ، وضحك نصار ياخذ نفس من أعماقه : ياخي ذياب ، أخوي حبيبي
هز ذياب راسه بالنفي يضرب على كتفه : طيبين ، طيبين الحمدلله والأمور طيبة إنت علومك ، عساك طيب ؟
هز نصار راسه بالنفي مباشرة : تعرف شلون أصير طيب ؟
ناظره ذياب لثواني ، وضحك من فتح نصار ذراعه يبي " حضن " فعلياً يضمه ذياب وشدّ نصار على كتفه مباشرة يهمس : شايل حمل الجبال أشوفك بس أنا موجود ذياب ، أنا موجود ياخوك عطني تكفى
ضرب ذياب على كتف صاحبه يبتسم بهدوء : أخو دنيا

انت الهوى ، كل الهوى برد ولهيب🤎

بارت ٤٢

قصص مُروَّجة

قد يعجبك أيضاً