အပိုင်း(၈၃၆)
“…”
“…”
“ဘာတုန်း...”
အားလုံးမှာ ဝူယု၏ မေးခွန်းကို နားမလည်နိုင်အောင် ဖြစ်သွားခဲ့၏။ ထိုအရာက မြေကြီး ရှန့်ထို အဆင့် တိုက်ပွဲ၏ မတော်တဆ အကျိုးဆက် တစ်ခု ဖြစ်သည်မှာ ရှင်းလင်း လှပေသည်။ ထာဝရ အစည်းအရုံးက သူတို့ပိုင် သက်တံ့ကောင်းကင်ကို အဘယ်ကြောင့် ဖျက်ဆီး ပစ်ရမည်နည်း။ ထိုစွပ်စွဲမှုက အတော်လေး ရယ်စရာ ကောင်းလှသည်။
လိမ္မော်ရောင် မျက်လုံးများနှင့် ထာဝရ သူရဲကောင်းက လေးနက်သည့် အမူအရာဖြင့် ဝူယုကို လှမ်းကြည့် လိုက်လေ၏။
ဝူယုက လှံကို တစ်ချက် ဝှေ့ကာ ကျောနောက်ဘက်သို့ ပို့လိုက်သည်။ ထို့နောက် အဝေး တစ်နေရာကို လှမ်းကြည့်လိုက်၏။
“ကျုပ်က အခုမှ မြေကြီး ရှန့်ထို အဆင့်ကို ရောက်တာ ဆိုပေမဲ့ မတော်တဆမှု မဟုတ်ဘူး ဆိုတာ အခိုင်အမာ ဆိုနိုင်တယ်... မြေကြီး ရှန့်ထို တစ်ယောက်ရဲ့ မျက်လုံးကို လှည့်စားလို့ မရဘူး... လျှို့ဝှက် ဝိညာဥ် အဆင့် တစ်ယောက်တောင် ထူးဆန်းနေတာကို သတိထားမိလိမ့်မယ်... ခင်ဗျားတို့ စဥ်းစားကြည့်ပါ... နှစ်ပေါင်းထောင်ချီ အတွေ့အကြုံ ရှိတဲ့ မြေကြီး ရှန့်ထို တစ်ယောက်က ထိန်းချုပ်မှု ကင်းလွတ်သွားတယ် ဆိုတာ ဖြစ်နိုင်ပါ့မလား... ခင်ဗျားတို့ ကိုယ်တိုင်လည်း အဲဒီလို မျက်ကန်း ယုံကြည်လိမ့်မယ်လို့ ကျုပ် မထင်ဘူး”
ဝူယုက လှံကို မြှောက်လိုက်၏။ ထက်ရှသော အလင်းတစ်ခုက သူ့ မျက်လုံးများထဲတွင် ပေါက်ဖွားလာသည်။ ထို့နောက် လျှပ်တစ်ပြက် အတွင်းမှာပင် အရပ် မျက်နှာ တစ်ခုကို ဦးတည်ကာ ပစ်လွှတ်လိုက်လေ၏။ ၎င်းက အလွန် လျှင်မြန်သည့် အရှိန်ဖြင့် ပျံသန်း သွားလေရာ မရေမတွက်နိုင်သည့် ကျင့်ကြံသူများမှာ ဆွံ့အ သွားကြလေသည်။
ဝှစ်...
မိုင်ပေါင်း သုံးသောင်းခန့် ပျံသန်းပြီးနောက် လှံက ရုတ်တရက် ရပ်တန့်သွား၏။ လှံ၏ အသွားထိပ် ဆံချည် တစ်မျှင်စာမျှ အကွာတွင်တော့ မျက်နှာ တစ်ခုလုံး ဖြူရော်နေသည့် မိန်းကလေး ကျင့်ကြံသူ တစ်ယောက် ရှိနေခဲ့သည်။ သူမက လျှို့ဝှက် ဝိညာဥ် အဆင့် ကျင့်ကြံသူ တစ်ယောက် ဖြစ်ကာ မရေမတွက်နိုင်သည့် လေ့လာသူများထဲမှ တစ်ယောက်လည်း ဖြစ်သည်။
YOU ARE READING
အမွေခံအပြစ်သား ( Ongoing မှီ )
Adventureအမည် - အမွေခံအပြစ်သား (paragon of sin) မူရင်းစာရေးဆရာ - KevinAscending ဘာသာပြန် - NTRL (ရိုးရာ) နိဒါန်း... ကောင်းကင်တာအိုသည် တည်ရှိနေ၏။ ၎င်းသည် မည်သည်က မှား၍ မည်သည်က မှန်သည်ကို ဆုံးဖြတ်ပေးသည်။ ကောင်းကင် တာအိုအား ဆန့်ကျင်သူမှာ အပြစ်သား မိစ္ဆာ ဖြစ...
