كان لك معايا .

صديق اليوم عدو الغد ٢٧.

( الفصل السابع والعشرون )

قمت وقفت وبصيتلها وقلت
" وافقتى "
وقفت لؤه وحضنتنى وانا فضلت باصص على ياسمين
قالت ياسمين
" لؤه .. انا مقلتش يلا الخطوبه دلوقتى "
بعدت لؤه وراحت حضنت ياسمين وقالت
" شكرا .. شكرا يا ياسمين "
قعدت ياسمين وقالت
" مبروك يا لؤه "
قعدت لؤه جنبها وقالت
" الله يبارك فيكى  "
بصيتلى ياسمين وقالت
" اقعد يا بدر "
قعدت .. فقالت ياسمين
" مبروك يا بدر "
قلت
" الله يبارك فيكى "
بصيتلى لؤه وقالت
" كلم احمد بقى يحجز القاعه بتاعت الخطوبه و .. "
قطعت كلامها ياسمين وقالت
" اصبرى يا قلبى .. احمد مش هيحجز حاجه .. انتو هتقعدو هنا "
بصيتلى لؤه و بعد كده بصت على ياسمين وقالت
" ليه .. هناك احلى "
بصيتلى ياسمين وقالت
" هتقعدو هنا لمدة شهر من بعد الخطوبه والجواز "
قالت لؤه
" ليه يا ياسمين .. الفرح هناك هيبقى احلى وبعدين انا مش عاوزه اكلف بدر هنا وهناك .. يعنى هناك عنده الفيلا بتاعت بابه ومامته .. وهيبقى هنا كمان "
قالت
" هو مش عنده شقه هنا فى العماره اقعدو فيها "
قالت لؤه
" لأ .. اكيد لأ .. مش عاوزه اكون فى العماره هنا .. وبعدين شغلى هناك يا ياسمين .. وهو مش هيوافق اصلا "
بصيتلى ياسمين وقالت
" متتكلم "
قعدت وقلت
" لو هتكونى انتِ مرتاحه لو احنا هنقعد هنا .. فأنا موافق يا ياسمين "
قالت لؤه
" ليه اصلا .. يعنى عيلتك كلها هتيجى هنا علشان خاطر شهر .. ليه كل ده "
قالت ياسمين
" علشان اشوف .. اشوف بدر هيعاملك ازاى وعلشان اثق فيه "
بصيت لى ياسمين بأستغراب وقلت
" هو انتِ مش واثقه فيا .. امال ازاى كنت معايا كل الفتره دى "
قالت ياسمين
" فترة ايه .. ده هما يومين .. انت لسه نازل امبارح "
قالت لؤه
" ياسمين والله بدر كويس جدا .. وباباه ومامته ناس محترمين و .. "
قطعت كلامها وقلت
" خلاص يا لؤه .. انا موافق  .. هنقعد هنا لمدة شهر .. بس انا كمان عندى شرط "
قالت ياسمين
" قول "
قلت
" الخطوبه تبقى بادرى .. علشان خاطر اعرف اخرج مع لؤه براحتى واستمتع بجو مصر وحلاوته "
قالت لؤه
" هنخرج هنا .. ونتوه سوا "
قلت
" لأ متخافيش هانروح الأهرامات .. هتعجبك جدا "
بصت لؤه لى ياسمين وقالت
" تيجى معانا .. انتِ بتحبي الأهرامات "
قالت
" لأ .. مش هاروح "
وبصيتلى وقالت
" شوف انت عاوز الخطوبه تبقى امتى "
قلت
" حددى انتِ .. اكون انا كلمت العيله بتاعتى "
قالت لؤه
" طب والشقه "
قلت
" متقلقيش .. هجيبلك احلى شقه "
قالت لؤه
" لأ مش مهم يا بدر خلاص ممكن نقعد فى الشقه الى فى العماره هنا وخلاص مش كتر مصاريف "
ابتسمت وقلت
" ماشى  .. هيبقى لسه بادرى على الفرح "
قالت لؤه
" طيب وخاتم الخطوبه "
قالت ياسمين
" تبقى تروحى انتِ وهو ونورا تجيبو الخاتم "
قالت لؤه
" لأ .. طب انا عيزاكى معايا "
قلت
" خليها براحتها ممكن تبقى تعبانه ومش عاوزه تروح "
قالت لؤه
" يا ياسمين علشان خاطرى نروح بكرا بعد الشغل "
قالت ياسمين
" خلينى افكر لغاية بكرا "
قلت
" طيب .. انا هاروح بقى الشقه بتاعتى علشان انا عاوز ارتاح .. سلام يا لؤه "
وبصيت لى ياسمين وقلت
" سلام يا ياسمين "
ابتسمت وقالت
" سلام "
رحت فتحت باب الشقه ومشيت
رحت الشقه بتاعتى وقعدت على السرير وانا مش عارف افهم ازاى هي وافقت .. وافقت بالسهوله دى
دى بنى ادمه بارده .. انا بكرهك يا ياسمين قمت وفضلت اكسر فى الأوضه ومسكت مضرب التنس بتاعى وفضلت اكسره وارميه على الأرض ..