( الفصل الثالث عشر )
" وبعد ما شربنا العصير "
قلت
" هوديكِ فى حته ونرجع على طول "
" ايه هي الحته دى .. متقول يا بدر "
ابتسمت ووقفت العربيه وقلت
" انزلى "
نزلت من العربيه وانا نزلت وراها
فضلت تبص حواليها وتقول
" الله حلو المكان ده "
وبعد كده اتغيرت ملامح وشها وقالت
" هاا .. بعد كده "
بصيتلها بأستغراب وقلت
" هو انتِ كنتى بتتريقى فى الأول "
قالت
" اه يا بدر .. المكان جميل ومش بطال .. احنا هنا ليه بقى "
قلت وانا داخل عماره
" تعالى ورايا "
وفضلت اطلع على السلالم لغاية ما وصلت لى شقه ووقفت
بصيت عليها من السلالم لقيتها لسه تحت
" يا ياسمين .. يلا كل ده "
قالت
" انا بحاول اتعود على الكعب "
يووه
" اخلعيه يا ياسمين "
بصيتلى وقالت
" بجد "
" اه .. يلا تبقى تتعودى عليه بعدين "
خلعته وعدى خمس ثوانى لقيتها وصلت عندى وقالت
" الله باب الشقه حلو .. هنعمل ايه بقى دلوقتى "
ابتسمت وطلعت مفتاح من جيبى وفتحت الشقه وبصيت على ياسمين لقيتها بتبص بأنبهار
ودخلت الشقه وهي ورايا وقالت
" ده ايه الشقه دى كلها يا بدر .. دى الصاله كده بس
دى واسعه جدا ده الحصان يفضل يجرى فيها براحته "
ابتسمت وقلت
" لسه .. جوا "
مسكت ايديها وخلتها جوا وقلت
" ده المطبخ "
وقفت فى نص المطبخ وقالت
" دى شقه متجهزه .. يعنى البُتُجاز فيها وبرضو واسعه"
وبصيتلى وقالت
" ممكن يكونو حطو الثلاجه وحاجات المطبخ فى اوضة نوم "
ابتسمت وقلت
" لأ يا ياسمين هو ده المطبخ "
فضلت باصه عليه وتشوف الأطباق .. وقالت
" هي ليه الثلاجه كده ولا هي بايظه .. وبعدين ليه الفرن فى الحيطه"
ضحكت وقلت
" الثلاجه سليمه متخافيش دى تاتش والباب شفاف .. والفرن هو كده .. وسيبى المطبخ وتعالى يلا شوفى بقيت الشقه "
ومسكت ايديها ودخلتها الأوضه وفضلت برضو تبص عليها بأستغراب وتقول
" دى اوضه ولا نص الصاله .. والى لازق فالسقف ده تكييف صح .. انا شفته فى الشركه عندى "
ضحكت وقلت
" اه .. شاطره "
طلعت ياسمين ودخلت الأوضه الى فى وشها وقالت
" يعنى ليه فى كل اوضه سرير وتكييف مش حرام "
وطلعت الأوضه ودخلت الثالثه وقالت برضو ده الأوضه شبه بعضها .. وبعدين ايه لازمة ان يبقى في حمام جوا الأوض انا مش فاهمه "
ابتسمت وقلت
" علشان ده الحمام الى خاص بصاحب الاوضه "
قالت وهي بتطلع من الأوضه
" اسكت انت يا بدر "
ابتسمت وطلعت وراها وقلت
" حاضر "
دخلت الأوضه الرابعه
وفتحت البلكونه ووقفت تبص على المنظر
دخلت وراها وقلت
" شايفه الى هناك ده "
قالت
" امم .. اكيد النيل "
قلت
" شاطره .. فكرينى اعملك شهادة تقدير "
وفضلت تغمض عينيها وتقول
" شايف الهواء وحلاوته "
ابتسمت وقلت
" اه شايف .. بِيطَير شعر حرير اهو "
وفضلت ساكته لمدة خمس دقايق وبعد كده قالت فجئه
" بدر .. هو فين حمام الشقه دى "
اخدتها وودخلتها الحمام وقلت
" اهو يا ستى "
بصت على الدُش وقالت
" هو ليه فى باب لى الدش .. هو فى حراميه ولا ايه .. وبعدين ايه الى فى السقف ده .. شفاط "
ابتسمت وقلت
" اه ده شفاط .. شاطره جداً "
طلعت ياسمين وراحت قعدت على انتريه الصاله
وقالت
" سرقة الشقه دى منين "
وغمزتلى وقالت
" ولا دى شقتك الجديده يا عم "
ابتسمت وقلت
" دى شقتك انتِ "
قامت وقفت وقالت
" شقتى انا ..ازاى .. وليه اصلا .. انت عبيط "
بصيتلها بأستغراب وقلت
" عبيط .. ليه يا ياسمين دى شقتك انا اشترتها وجهزتها وكتبتها بأسمك ليكِ .. علشان خاطر لما الى اسمه عمار ده يدايقك تقدرى تيجى هنا وتستريحى .. فهمتى "
قالت
" بس الشقه دى كبيره اوى عليا يا بدر .. وبعدين انت بتعمل كل ده ليه "
ابتسمت وقلت
" هقولك بعمل كده ليه فى الوقت المناسب "
قالت
" اسكت انت يا بدر خالص "
وفتحت باب الشقه ونزلت
نزلت وراها وقفلت باب الشقه
ولقيتها سانده على العربيه وبتلبس الجزمه
رحت فتحت العربيه وركبت وهي كمان ركبت وفضلت ساكته حاولت افتح الكلام معاها بس معرفتش
لكن مش هفضل طول الوقت ساكت
" ياسمين .. الشقه عجباكِ ليه متوافقيش "
قالت
" كده يا بدر .. مش لى درجة انك تجيبلى شقه زى القصر .. ده انا اخاف قعد فيها لواحدى "
قلت
" طيب علشان خاطرى المره دى "
قالت
" لأ "
قلت
" علشان خاطرى بقى يا ياسمين .. وغلاوة العصير القصب باليمون "
ابتسمت وقالت
" اسكت بقى يا بدر "
طلعت المفتاح من جيبى وقلت
" قولى لى ايه رأيك فى المَدِليه "
مسكت المفتاح وبصت على المادليه وفضلت تبص عليها والمادليه كانت عباره عن حرف ال B ولو قلبتيها تلاقى حرف y
بصيتلها لقيتها بتقول
" شكرا يا بدر "
ابتسمت وقلت
" اسكتى انتِ خالص يا ياسمين "
أنت تقرأ
كان لك معايا .
Romanceالحب الأول يكون له مكان اخر فى القلب نتذكره كثيراً حتى اذا قلنا لن نتذكره لن ننظر الى صوره مره اخرى ولكن رغم كل ما تفعله فسيكون صعب نسيانه .. ____♡ رجعت ليكم بعمل جديد رواية / عشقتها حتى موتها . روايه بالعاميه . بقلم / ندى مجدى عبد الرازق . ( ن.م)
