كان لك معايا .

صديق اليوم عدو الغد ٣١.

( الفصل الواحد والثلاثون )

" اتفضلو كل واحد ياخد عصيره "
وحطيت الكرتونه الى فيها العصاير
بصيتلى لؤه وقالت
" احنا ثلاثه على فكره "
ابتسمت وقلت
" ايه ده بجد .. معلش افتكرت نورا موجوده "
اخدت عصير البطيخ بتاعها وقالت
" طيب شكرا .. وانت ليه مش جايبلنا كلنا بطيخ يا استاذ بدر "
قلت
" مش عارف .. انا بحب القصب يا لؤه "
قالت
" طيب وياسمين .. انت بتجيب اي عصير وخلاص "
قالت ياسمين
" لأ انا بشرب عصير قصب عادى "
واخدت كوباية العصير بتاعتها
قالت لؤه
" انا مش فاهمه انتو ازاى بتشربو القصب "
قلت
" لؤه ده قصب بالصوبيا حاجه كده خرافه .. و مش مهم تفهمى "
قالت
" طيب والعصير ده عقبال ما نروح البيت هيكون .."
قلت
" بيت ايه .. الى عاوز يشربه دلوقتى يشربه "
وبصيت لى ياسمين وقلت
" ده قصب باليمون .. لو محدش عاوزه ممكن نرميه بقى وخلاص "
قالت ياسمين
" لأ .. هشربه انا "
ابتسمت وقلت
" ماشى اتفضلى "
واديتهولها .. بصيتلى لؤه بأستغراب وقالت
" انا مش فاهمه ازاى قصب بالصوبيا وقصب باليمون وايه ده "
قلت
" عجبك البطيخ "
قالت
" اه "
وفضلنا ساكنين لغاية ما سمعت حد مشغل اغنيه لى ام كلثوم بتقول [يا ما عيون شَغلُونى .. لكن ولا شَغلونى الا عيونك انت دول بس الى خدونى .. وبحبك امرونى ]
ابتسمت وقلت
" انا سمعت الأغنيه دى قبل كده "
قالت لؤه
" دى ام كلثوم .. انت بتسمعها يا بدر "
قلت
" اه .. كنت بحبلها اغانى يعنى "
وفضلت افتكر انا سمعت الأغنيه دى انا متأكد
بصيت لى ياسمين وقلت
" دى اغنية ايه .. انا متأكد ان انا اعرفها او سمعتها قبل كده "
ابتسمت ياسمين وقالت
" سيرة الحب يا بدر "
ابتسمت وقلت
" اهاا افتكرتها .. دى الأغنيه الى بتقول لا انا اد الشووق"
قالت ياسمين
" اه .. هي "
ضحكت وقلت
" مش بقولك ان انتِ قاموس اغانى زمان "
قالت
" اسكت يا بدر "
قلت
" حاضر "
بصيت على لؤه الى كنت ناسي ان هي معانا اصلا ولقيتها بتقول
" هو انا فرحانه ان اخيرا ياسمين بدأت تتكلم معاك وتتقبلك .. انتو بجد شبه بعض اوى .. انا هاروح اجيب موبايلى من العربيه "
بصيت لى ياسمين لقيتها بتبصلى وقلت ولقيتها هي كمان بتقول
" ممكن تبقى عرفت حاجه "
قلت
" متهيألى لأ .. بس اختك لؤه اى كلمه فى قلبها بتقولها وخلاص "
قالت
" ماشى .. متتكلمش معايا تانى "
قلت
" هنخاصم بعض "
قالت
" هو ايه الى هنخاصم بعض وهو احنا فى الحضانه ..اقصد متتكلمش معايا فى حاجه تانيه غير موضوع الخطوبه الفرح .. وبس "
قلت
" حاضر يا ياسمين .. اسف "
قالت
" طيب اسكت خلاص .. واخلص فى الخطوبه والفرح وامشى .. وياريت متنزلش تانى "
بصيتلها بأستغراب وقلت
" لأ هاجى عادى .. ببقى عاوز اطمن على العماره بتاعتى "
قالت
" ماشى انت حُر .. ساعتها هيبقى معاك لؤه .. وطفل او طفله ومش هتبقى بتتصرف بأسلوبك ده وهتبقى عاقل "
قلت
" افندم .. هو انا دلوقتى ايه "
ابتسمت وقالت
" عاقل برضو .. واسكت علشان لؤه جايه "
جت لؤه وقالت
" كنتو بتتكلمو فى ايه "
قلت
" كنا بنحدد معاد الخطوبه "
بصت لؤه لى ياسمين وقالت
" هتبقى امتى "
قلت
" حددنا ان هي هتبقى بكرا "
قالت لؤه
" بكرا .. لأ انا مجهزتش ولا عملت اي حاجه .. بكرا لأ ايه ده مقلتش ليه من بادرى يا بدر .. لازم نروح البيت بسرعه .. والخاتم .. والفستان .. "
قطعت كلامها ياسمين وقالت
" اييه .. اسكتى شويه انا هكلملك صحبتى تجيبلك الفستان .. ودلوقتى تجيبى الخاتم .. وخلاص "
قلت
" طيب يلا .. علشان نجيب الخاتم "
راحت لؤه للعربيه وقالت
" يلا انتو لسه واقفين مكانكو "
وركبت لؤه العربيه
ضربتنى ياسمين ضربه خفيفه وقالت
" ايه يا بدر الى بكرا .. هو يا كده يا كده .. انا قلت اخلص فى الخطوبه بس مش بكرا "
قلت
" معلش انا اسف بعد كده هشوف الى يعجبك "
قالت
" ده انت تسكت خالص "
قلت
" حاضر يا ياسمين "
وراحت على العربيه وانا رحت وراها
ركبت وبدأت اسوق ورنيت على احمد اعرفو معاد الخطوبه ورنيت على كنزى وقلتلها تيجى مع احمد لو هي عاوزه تيجى وقالت ان هي مش هتروح مع احمد وهتنزل هي بالطياره بتاعتها ولما توصل القاهره هترن عليا ..
وياسمين رنت على واحده صحبتها تأجر الفستان وتبعته على البيت
لغاية ما وصلنا ودخلنا للراجل نشترى الخاتم وكنت فاكر ان الموضوع هيخلص بسرعه لكن لؤه حبيببة قلبى
" حاسه ان الخاتم ده مش حلو على ايدى .. او مش لايق على الأسوره "
قالت ياسمين
" طيب الخاتم ده حلو جدا .. "
قطعت كلامها لؤه وقالت
" مش لايق على الدبله يا ياسمين "
قالت ياسمين
" طيب ده تحفه .. حلو جدا "
قالت لؤه
" انتِ ذوقك ماشاء الله يا ياسمين "
وبصيتلى وقالت
" بدر اختار معايا "
اخترت معاها الخاتم الى اختارته ياسمين فى الأول فقالت
" حلو اوى "
ضحكت ياسمين وقالت
" يا سبحان الله .. ده نفس الخاتم الى انا قلت عليه وانتِ قلتى عليه مش لايق على الدبله "
قالت
" ما هو عجب بدر خلاص "
قالت ياسمين
" انا مش قادره .. انا هستناكو فى العربيه "
ابتسمت وقلت
" خدى المفاتيح "
اخدتها منى وقالت
" اخلصو "
وطِلعت برا وسابتنى مع لؤه .. اخيرا خلصت لؤه وانا دفعت وطلعنا قالت لؤه واحنا بنركب العربيه
" حلو يا بدر "
ابتسمت وقلت
" طبعا يا قلبى تحفه "
ورحت ركبت انا كمان العربيه لقيت ياسمين بتتكلم فى الموبايل مع استاذ محمد .. لسه كانت بتتكلم معاه الصبح
بدأت اسوق .. وبصيتلها لؤه وقالت
" طب ايه .. هتخلصي المكالمه امتى "
قالت بس مش لى لؤه ده لى محمد
" خلاص يا محمد تمام .. لأ متنساش سلام "
وقفلت
قالت لؤه
" الحمد لله .. كويس ان انتِ خلصتى .. ايه رأيك فى الدبله والخاتم "
قالت ياسمين
"حلوين "
غمزت لؤه وقالت
" مين محمد يا ياسمين "
قالت ياسمين
" محمد .. معايا فى الشغل "
قلت
" بتكلميه كتير على فكره "
قالت
" اسكت انت يا بدر وركز فى سواقتك "
قلت
" دي لؤه هي الى بتسأل "
قالت لؤه
" انا مقلتش كده "
قلت
" ايه يا لؤه انا اقصد يعنى ان انتِ الى سألتى الأول "
قالت ياسمين
" خلاص يا لؤه اسكتى انتِ كمان "
بصيتلى لؤه وقالت
" هشغل اغاني "
قلت
" شغلى يا لؤه "
قالت
" هو في اغاني عندك "
قلت
" اه "
شغلت الكاسيت بتاع العربيه واشتغلت الأغنيه بتاعت عبد الحليم الى ياسمين بتحبها { انا لك على طول خليك ليا}
بصيت على ياسمين فى المرايا لقيتها بتقول
" بص قدامك "
ابتسمت وقلت
" بشوف فى حد ورايا ولا لأ "
قالت لؤه
" بدر .. ايه الأغاني دى "
قلت
" عبد الحليم "
قالت
" انت ازاى بتسمعه .. انت بخير يا بدر "
قلت
" اه .. عادى "
قالت
" دى الأغنيه دى من ايام بابا "
قلت
" مش هيحصل حاجه لو سمعتها يا لؤه .. حقك عليا غيريها "
غيرتها واشتغلت اغنية { انت عمرى }
بصيتلى وقالت
" ايه ده يا بدر "
قلت
" شغلى بتليفونك بلتوث "
قلت
" شغلى اغنية كان لك معايا "
قالت لؤه
" لأ .. مش هشغل اغانى زمان انا "
قلت
" لأ دى اغنيه لى امير عيد .. تحفه .. امير بيفضل يغنى وبعد كده بتيجى ام كلثوم تقول كان لك معايا .. شغليها بس هتبقى حلوه "
قالت ياسمين
" اقف يا بدر "
قلت
" لأ خلاص انا بهزر "
قالت
" اقف .. انا مش هنزل انا هنَزِل لؤه تشترى الجزمه بتاعت الفستان .. المحل هنا "
وقفت العربيه ونزلت لؤه من العربيه لقيت ياسمين بتشد شعرى وبتقول
" لو مبتلتش استفذاذ هقتلك "
قلت بخوف من الموقف
" ياسمين في ايه .. اسف اسف "
جابت حزام الأمان وكأنها بتخنقنى بيه وقالت
" اغنية كان لك معايا تبقى تسمعها فى بيتك فاهم "
قلت
" حاضر .. واقسم بالله حاضر .. حقك عليا "
قعدت ياسمين من هنا ولقيت لؤه بتفتح باب العربيه ومعاها الجزمه وبتقعد .. عدلت الحزام وعدلت شعرى وقلت
" اتأخرتى ليه "
قالت
" متأخرتش يا بدر "
وقالت لى ياسمين
" اشتريتلك جزمه "
قالت ياسمين
" انا مبعرفش البس جزمه كعب "
قلت وانا بسوق
" المفروض تبقى اتعودى بقى "
قالت ياسمين
" احم .. اسكت يا بدر "
قلت
" اه حاضر "
قالت لؤه
" طيب هتعملى ايه "
قالت ياسمين
" بكرا هبقى اشتريلى جزمه من غير كعب "