( الفصل الثامن عشر )
قال
" وانا بدر "
قلت
" اه ما انا عارفه .. هتقدملى ايه بما انى فى بيتك "
وقعدت على الكنبه
قام وقف وقال
" تحبى تشربى ايه "
قلت
" اي حاجه .. انا بشرب اى حاجه .. ولو في اكل كمان مش هقول لأ "
بص ليا ببرود وقال
" كان نفسي والله اعملك حاجه تاكليها لكن مش بعرف اعمل اكل "
وقفت وقلت
" هعمل انا عادى "
قال
" بتعرفى تعملى اكل ولا هانروح احنا الأتنين على المستشفى "
قلت
" لأ متقلقش .. اكيد هانروح المستشفى .. المطبخ منين"
قال
" تعالى .. انا مش فاهم انتِ بتجيلى منين .. وبعدين انتِ وصلتى عند الدكتور ومدخلتلوش "
رحت وراه وقلت
" مش مهم دكتور على فكره مشكلتى مكنتش مستهله دكتور "
قال
" هو ده المطبخ .. عند كل حاجه شوفى هتعملى ايه "
قلت
" هو انت فاكرني بوراك ولا الشربينى .. هو انا هعملك مكرونه بقطع الدجاج وخلاص "
بص بأستغراب وقال
" انا عارف الشيف بوراك .. بس مين الشيف الشربينى"
قلت
" ده واحد كانت اختى بتقعد قدام التلفزيون الساعه اثنين تتفرج عليه علشان تعملنا الأكل من بعد وفاة ماما
بس برضو كان الأكل مبيطلعش حلو "
قال
" طيب اتفضلى المكرونه .. وده الدجاج .. ابهرينى "
قلت
" لو طلعت حلوه هخليك تتذوق بس وهاخد انا الباقى"
ابتسم وقال
" موافق بس انتِ اخلصى علشان انتِ شكلك بتحبى الكلام الكتير "
قالت
" لأ ابداً "
وبدأت اعمل فى الأكل وهو واقف بيبص عليا وانا بعمله ... بعد كده لقيته بيقول
" رحتى ليه لى الدكتور "
قلت
" لاااا .. ولا حاجه كنت براقب واحد وخلاص كده "
قال
" الواحد ده الى هو انا "
قلت
" اه .. بس انت اعمل نفسك مش عارف "
ابتسم وقال
" انتِ غريبه اوى على فكره "
قالت
" وانت اغرب .. مفيش حد بقابلو اول مره بيحكي هو اسمه ايه وابوه وامه منين "
قال
" لأ عادى فى ناس برتحلهم وبحب احكي معاهم بعرفهم من اول نظره .. بس كنت بعرفهم .. "
ابتسمت وقطعت كلامه وقلت
" كنت تعرفهم .. امم معنى كلامك ده ان انت اتخدعت يا بدر "
قال
" اتخدعت .. انا متخدعتش بس .. انا كنت عايش جوا فيلم وعالم تمثيل وكلو كذب فى كذب .. "
قطعت كلامه وقلت
" بنت من قرايبك ولا بعيده "
قال
" لأ مش من قرايبى .. "
قطعت كلامه وقلت
" يبقى بعيده "
قال
" هو انتِ ليه مبتسبنيش اكمل كلامى "
قلت
" انا اسفه .. كمل "
قال
" هي بعيده جداً .. دى حتى مش من هنا .."
قطعت كلامه وقلت
" يلا ناكل .. ده انت طلعت بتحب الكلام الكتير "
ومسكت الأطباق ووديتها على السفره قعد وبص عليا وانا كنت باصه عليه
قال
" ايه .. ابدأى اكل "
قلت
" متاكل انتَ الأول "
لسه كان جاى يبدأ اكل مسكت ايده وقلت
" اصبر .. مش مهم تاكل .. احنا ممكن نطلب اكل وخلاص "
ابتسم وقال
" والفراخ والمكرونه "
قلت
" اسمها مكرونه بالدجاج "
قال
" مش هتفرق .. هتعملى ايه فيهم "
قمت وقلت
" هرميهم "
راح مسك التليفون وطلب اكل
وانا رحت قعد على الكنبه لقيته بيقول
" طيب .. بما انك اخدتى على المطبخ قومى اعملى عصير "
قلت
" على فكره ده بيتك برضو .. خد راحتك فيه "
ابتسم وقال
" اه ما انا عارف .. شكرا على التذكير "
وقام وراح هو يعمل العصير
وبعد شويه لقيت الباب بيخبط
قمت فتحت الباب ولقيت بنت ماسكه فى ايديها كياس
اخدت الكياس منها وقلت
" الحساب كام "
قالت
" ايه "
قلت
" ندفع كام "
قالت
" تدفعى انا ما بعرف انتِ شو تقصدى "
قلت
" ايه لهجتك دى يا حبيببتى "
بصت بأستغراب وقالت
" مين انتِ "
قلت
" انتِ الى مين "
اخدت الكياس منى وقالت
" انا اسفه كتير حبيببتى شكلى اتلغبط فى العنوان "
قلت
" هي دى مش كياس الأكل .. "
بصت ورايا وقالت
" بدر .. حبيببى "
وزقتنى ودخلت لى بدر وحضنته وبعد كده شاورت عليا وقالت
" مين دى .. هي دى الخدامه "
بص ليا بدر وابتسم وقال
" لأ .. دى صديقتى لؤه "
قفلت الباب ورحت وقفت قدامها فقالت بصوت هادى وحنَين
" اسفه حبيببتى ما كنت بعرف "
بصيت لى بدر وقلت
" هي القمر منين "
ابتسم وقال
" من دبى .. هي بنت خالتى .. كنزى "
ابتسمت بنت خالتو وقالت
" وانتِ يا عسوله منين "
قلت
" انا من مصر .. بس سؤال هما الى من دبى بيتقلمو كده "
قالت وهي بتعدل فى شعرها
" حبيببتى انا اتكلم كل اللغات .. انجليزى .. فرنسي ..صينى .. لبنانى .. حتى لغتكم اعرف اتكلم بيها .. انا حتى اتعلمت اللغه الفارسيه حبيببتى "
ابتسمت وقلت
" ليه كل ده .. حد قالك ان انتِ لو اتعلمتى اللغات دى كلها هتاخدى جايزه "
ابتسمت وقالت
" لأ .. بس اتعلمتهم علشان لما اسافر اي دوله اقدر اتكلم براحتى مش بالقاموس "
قال بدر
" شاطره يا كنزى "
رن الجرس الباب فقال بدر
" افتحى .. وخدى حاسبي "
بصيتلو كنزى وقالت
" لأ يا بدر .. هدفع انا "
وراحت هي فتحت الباب بص ليا بدر وقال بصوت واطى
" استحمليها معلش "
قلت
" طب هي قريبتك انت تستحملها .. لكن انا استحملها ليه "
ابتسم وقال
" يا بنتى انا معرفش لغاية دلوقتى انتِ هنا ليه اصلا "
بصيتلو بخبث وقلت
" انت بتتردنى من بيتك بس بالذوق "
ابتسم وقال
" لا والله انا حابب انك تكونى هنا .."
قطعت كلامه وقلت
" ايه .. بتقول ايه ..حبيتنى خلاص وهتحكيلى على كل حاجه "
ابتسم وقال
" مش اسمها حبيتك .. اسمها استريحتلك "
قلت
" مش هتغرق يا بدر "
قال
" لأ هتفرق يا لؤه "
قلت
" المهم تحكي "
قال
" حاضر .. بعدين .. علشان خاطر كنزي اول ما بتعرف حاجه لازم الكل يعرفها "
ابتسمت وقلت
" عامله زى اختى برضو .. نفس الحكايه "
وقفت قدامنا كنزى وقالت
" ايه سمعتكم تتكلمون عليا .. فى حاجه "
ابتسمت وقلت
" يا تتكلمى عربى يا لغتك التانيه دى الى محدش عارفلها "
ابتسمت وقالت
" حاضر حبيببتى "
ابتسم بدر واخد الأكل منها وقال
" اقعدو انتو وانا هحضر الأكل "
قعدت كنزى وقعدت انا كمان لغاية ما حط بدر الأطباق وكانت كنزى لسه هتاكل لقينا الجرس بيرن
قام بدر وكان هيروح يفتح الباب قمت انا وقلت
" هاروح انا .. قعد انت مع قريبتك "
وقمت فتحت الباب وكان ولد وكان على وشو ابتسامه كبيره اوى
بس اتغيرت ابتسامته وقال
" انتِ مين "
ايه اليوم ده انا مش هعرف اخد من بدر كلمه
" انا لؤه .. انت مين "
ضحك وقال
" بدر موجود "
قلت
" اه "
سابنى ودخل وانا قفلت الباب ودخلت ولقيت الأبتسامه رجعت تانى على وشه وقال
" بدر .. وحشنى مع انهم كام يوم "
ولقيت كنزى وقفت وقالت
" احمد "
بص عليها الى اسمه اجمد وقال
" كنزى "
بص بدر عليهم هما الأتنين وفضل يضحك ..
أنت تقرأ
كان لك معايا .
Romantizmالحب الأول يكون له مكان اخر فى القلب نتذكره كثيراً حتى اذا قلنا لن نتذكره لن ننظر الى صوره مره اخرى ولكن رغم كل ما تفعله فسيكون صعب نسيانه .. ____♡ رجعت ليكم بعمل جديد رواية / عشقتها حتى موتها . روايه بالعاميه . بقلم / ندى مجدى عبد الرازق . ( ن.م)
