كان لك معايا .

صديق اليوم عدو الغد ٣٠ .

قالت لؤه
" ايه طيب عارف الشقه ولا ايه "
وقفت بصيتلها وقلت
" لأ مش عارفها كنت هخمن "
طلعت ياسمين قدامى وقالت
" هي دى الشقه "
وطلعت المفتاح من الشنطه وقالت
" هتعجبك يا لؤه "
بصت لؤه على المفتاح و اخدته بسرعه من ايد ياسمين وقالت
" واو .. مين الى جابلك الماديليه دى "
ابتسمت ومش عارف ليه كنت هموت من الفرحه ممكن بسبب ان ياسمين مش هتعرف ترد
فضلت ياسمين ساكته وقالت لؤه
" ياسمين .. بتحبى مين بحرف ال B .. قولى مش هقول لى نورا "
بصيتلى ياسمين وبعد كده بصت على لؤه وقالت
" وليه يبقى ولد .. دى صحبتى عادى "
ضحكت وقلت
" والله صحبتك .. ويا ترى اسمها ايه .. بدريه "
ابتسمت ياسمين وقالت
" ايه ده شاطر مين قالك "
قالت لؤه
" بجد عمرى ما شفت صحبتك بدريه دى "
قالت ياسمين
" مش مهم تشوفيها .. اصلا هي مبقتش موجوده "
قالت لؤه
" ماتت "
قلت
" هو ايه الى ماتت وايه الى مبقتش موجوده .. وبعدين احنا مالنا ببدريه دى "
وبصيت لى ياسمين وقلت
" افتحى الباب يلا "
قالت ياسمين
" هاتى المفاتيح "
اديتلها لؤه المفتاح وقالت
" خدى .. بس هبقى اخد منك الماديليا "
بصيت لى لؤه بأستغراب وقلت
" ليه يا لؤه .. طب ده حرف ال y و B .. وانتِ ال L"
قالت ياسمين
" ثوانى ومين اصلا قالك ان انا هديهالك "
اخدت المفاتيح من ياسمين وفتحت الشقه علشان اغير الموضوع وقلت لى لؤه
" ادخلى "
ودخلت وفتحت الأنورا
بصت لؤه على الصاله وقالت
" هي حلوه جدا .. بس هو انتِ ازاى قدرتى تعملى كل ده "
فضلت ياسمين ساكته فقلت انا
" هي يا بنتى مش قالت ان هي بتشتغل مديرة قسم "
قالت ياسمين
" لؤه مش لازم تسألى على كل حاجه .. ادخلى شوفى الشقه "
قالت لؤه
" طيب .. يلا يا بدر "
قلت
" حاضر "
دخلت مع لؤه المطبخ ووريتهولها وقالت
" المطبخ تحفه .. وشكله يهبل "
ابتسمت وقلت
" اه ما انا عارف "
وافتكرت ياسمين لما كانت بتسأل على البتوجاز سبت لؤه فى المطبخ وطلعت ابص على ياسمين لقيتها قاعده فى الصاله وباصه على الأرض
رحت وقفت قدامها وقلت
" قاعده ليه .. مش المفروض حضرتك الى تورينا الشقه"
بصيتلى وقالت
" عرفها انت على الشقه "
قلت
" مدايقه يا ياسمين "
قالت
" لأ مبسوطه "
ابتسمت وقلت
" وانا كمان .. مش مبسوط لأ انا فرحان ان انا اتعرفت على واحده زى لؤه .. "
قطعت كلامى وقالت
" على فكره لؤه جوا .. وممكن تسمعك "
ابتسمت وقلت
" انا مش هقعد فى الشقه دى .. وبعدين انتِ ازاى بتقدرى بالسهوله دى تستغنى عن اى حاجه كده "
وقفت وقالت
" انا هدخل لى لؤه "
وسابتنى ودخلت
رحت معاهم ولقيت لؤه بتقول
" الشقه مش بطاله .. كويسه "
بصيتلها ياسمين بأستغراب وقالت
" مش ايه يا لؤه .. دى الشقه دى قصر "
قالت لؤه
" انتِ بس علشان مسافرتيش وشفتى الأماكن الحلوه بجد "
قالت ياسمين
" ماشى .. مش هرد عليكى "
وسابتنا واقفين فى الأوضه وطلعت برا
قالت لؤه
" متهيالى مافيش اى حاجه حلوه فى الشقه غير البلكونه بس .. بس مش مهم هنقعد فيها الشهر وخلاص "
قلت
" لؤه انا عاوز اقولك على حاجه .. مينفعش كل شويه تقولى كلام لى اختك يجرح .. وعاوز اقولك برضو ان انتِ لازم تعدلى اسلوبك معاهم شويه .. يعنى ياسمين عمرها ما دايقتك وعمرها ما اتكلمت عليكى وحش .. اما انتِ واحنا مسافرين كنتى بتتكلمى عليهم وحش .."
قطعت كلامى وقالت
" وانت مين قالك .. هي بتتكلم عليا مع نورا .. ياسمين تبانلك ان هي ام البراءه لكن هي ليها وش تانى مبتبينوش لى حد "
قلت
" ايه ده وانتِ مين قالك عمرها قالتلك لأ على حاجه .. دايما انتِ الى بتأذيها بالكلام .. وفين الوش التانى يا لؤه هي بتتصرف على طبيعتها خالص .."
قطعت كلامى وقالت
" ثوانى وانت اصلا كنت بدافع عنها كده ليه "
قلت
" عادى .. علشان ده الى المفروض يحصل عيزانى اعمل ايه اكرهك فيها مثلا "
قالت
" طيب ماشى يا بدر انا اسفه "
وسابتنى وطلعت وانا رحت وراها
قالت لؤه لى ياسمين
" انا اسفه .. متزعليش الشقه حلوه وشكرا ان انتِ هتسيبينا نقعد فيها "
قالت ياسمين
" العفو .. وانا مزعلتش منك عادى "
قلت
" طيب .. انا مش عاجبنى الشقه انا كمان وممكن نبقى نعيش فى اي شقه تانيه غير دى "
قالت لؤه
" ليه يا بدر .. ما هو شهر وخلاص "
قالت ياسمين
" لأ خلاص .. مش مهم تقعدو هنا شهر .. ممكن تعملو الفرح وتمشو "
قالت لؤه
" بجد .. يعنى هيبقى احلى بجد يا ياسمين شكرا "
وبعد كده قالت لؤه
" هاتى المادليه بقى "
قلت
" لؤه .. هو فى ايه .. عاوزه المادليه ليه يا حبيببتى "
قالت
" عجبتنى يا بدر .. وعاوزه اديها لى يمنى صحبتى لأنها هتتجوز باسم "
قلت
" بجد .. هتاخدى من اختك ماديليه علشان خاطر صحبتك .. انا هبقى اعملهم واحده او هبقى اشتريها "
قالت لؤه
" يا بدر وانت مدايق ليه هي بتاعتك ولا بتاعت ياسمين "
بصيت لى ياسمين
وقلت
" هتديها المادليه "
قالت
" لأ .. انا عاوزاها .. ومينفعش اديهالك يا لؤه .. اسفه "
ابتسمت وقلت
" لؤه .. هبقى اعملك واحده .. يلا بقى ننزل من الشقه دى .. وتحبى تشربى عصير ايه "
" عصير بطيخ او فراوله "
ومسكت ايد لؤه ونزلت وسبت ياسمين هي تقفل الشقه
ركبت العربيه ولؤه جنبى ونزلت بعدينا ياسمين وركبت ورا وقالت
" هعمل نفسى مش واخده بالى يا لؤه "
ابتسمت لؤه وقالت
" مره واحده يا ياسمين .. مش هركب تانى "
ضحكت وقلت
" عرفتى اواى يا لؤه ان دى العربيه "
قالت لؤه
" ياسمين عرفتها .. بتقول ان هي شافتك وانت فى العربيه "
بصيت لى ياسمين فى المرايه وقلت
" ماشاء الله نظرك حلو "
" اسكت يا بدر "
ابتسمت وقلت
" تعرفى يا لؤه العربيه دى فيها ذكرايات اد ايه "
قالت لؤه بنرفزه
" ذكرايات مع مين يا بدر ان شاء الله "
قلت
" هيكون مع مين يعنى .. اكيد احمد "
ادورت لؤه وبصت لى ياسمين وقالت
" احمد ده ولد خرافه .. هيليق عليكى اوى يا ياسمين "
وقفت العربيه فجئه وبصيت لى لؤه وقلت
" احمد يليق على ياسمين .. مينفعش طبعا .. وبعدين انتِ مالك بياسمين سيبيها براحتها "
قالت لؤه
" هو انت وقفت العربيه بالطريقه دى علشان تقول الجمله دى "
قلت
" اه .. احمد مش لايق على ياسمين خالص "
قالت لؤه
" فى ايه يا بدر .. خلاص مش لايق عليها فعلا ياسمين مكتئبه وهو فرفوش ذياده عن اللزوم "
قلت
" ياسمين مش مكتئبه ولا حاجه .. بس احمد اصلا بيحب بنت تانيه "
قالت ياسمين
" على فكره انا مش عاوزه اتعرف على حد .. وممكن يا بدر تكمل سواقه "
كملت سواقه وبعد كده لقيت موبايلى بيرن فقلت
" موبايلى عندك يا لؤه هاتيه "
قالت لؤه
" يعنى ايه الأغنيه القديمه الى انت حاطتها نغمه دى "
قلت
" طلعى الموبايل يا .. "
لقيت الى كان بيرن فصل
وبعدها لقيت ياسمين بتقول
" الو يا محمد .. انا بخير وانت.. لأ مش هقدر .. اه عادى .. تمام .. سلام .. اشوفك بعد بكرا سلام "
بصيتلها لؤه وقالت
" هو كان تليفونك الى بيرن "
قالت ياسمين
" اه "
بصيتلى لؤه وقالت
" هو انتو الأتنين عاملين نفس نغمة الموبايل .. ليه هي الأغنيه حلوه للدرجه دى .. انا شايفاها عاديه .. طب ياسمين تعملها ماشى .. انت يا استاذ بدر عاوز تطمن على مين "
ابتسمت وقلت
" مش فاهم "
قالت
" الأغنيه مش عارفه بتقول طمنى عليك حبيببى او اخبارك ايه حبيببى مش عارفه .. حضرتك عاوز تطمن على مين "
قلت
" لأ عادى كنت عاملها عادى عجبتنى الكلام بتاع الأغنيه وبعدين يا لؤه الأغنيه بتقول اخبارك ايه حبيببى الأول انتِ عكستى "
بصت لى ياسمين وقالت
" طيب وحضرِتك عملاها ليه "
قالت ياسمين
" انتِ ممكن يا لؤه تفكرى فى مستقبلك وبس "
قالت لؤه
" ماشى "
وغمزتلها وقالت
" مين محمد ده يا ستى "
بصيت على ياسمين من المرايا لقيتها باصه على الأرض ومتكلمتش
قالت لؤه
" طيب .. بتقولو السكوت علامة الرضا .. ايه لو هيتقدملك بقى هيتقدملك من مين عمو عمار "
قلت
" لؤه .. يلا انزلى هنقعد شويه هنا قدام النهر .. شكلو بيبقى جميل اوى فى الوقت ده "
ووقفت العربيه ونزلت ونزلت لؤه
بصيت لى ياسمين الى كانت قاعده فى العربيه وقلت
" انزلى "
قالت
" لأ "
فتحت باب العربيه وقلت
" ماشى يلا .. كان الباب مش راضى يفتح .. انا فتحتهولك "
قالت وهي بتنزل من العربيه
" انا مش عارفه انت امتى هتبطل اسلوبك ده "
قلت
" انا اسف يا ستى "
وراحت قعدت جنب لؤه وانا قعدت برضو وقالت لؤه
" عمو بيبيع حمص شام صح "
قالت ياسمين
" ده للشتاء .. لو جبتيه دلوقتى هتولعى وهنجيب المطافى "
بصيتلى لؤه وقالت
" طيب قوم نجيب عصير فراوله "
قلت
" لأ مش هنجيب .. هاروح انا اجيب .. وانتِ خليكى مع ياسمين .. وسبتهم ورحت اجيب العصير ..