(الفصل الثالث)
ادورت وبصيت عليه وابتسمت وقلت
" ايه ده ... بدر بتعمل ايه هنا "
قال
" انا ساكن هنا … دى شقتى "
ابتسمت وقلت
" بجد … ودى الشقه بتاعتى برضو "
لقيت باب الشقه بتاعتى اتفتح
وعمو عمار الى هو جوز ماما
قال
" كنتى فين يا استاذه ياسمين … وبعدين هو ايه الى شقتك … دى شقتى انا "
بصيت لى بدر الى كان واقف حسيته بيستوعب الموضوع
قلت
" معلش انا اسفه انا لازم ادخل "
ابتسم وقال
" اتفضلى "
دخلت الشقه وقفلت الباب
وقالت نورا
" صدقينى انا وقفته بس هو مفهمش اي حاجه "
قال
" افهم ايه يا نصابين … بتقولى ان دي شقتك "
قالت نورا بصوت واطى
" هو فى ايه ليه مش راضى تفهم ان احنا خلاص هناخد فلوس الولد الى ياسمين كانت واقفه معاه … وكنت هتاخد فلوس وكمان هنديلك شقه "
فضل سرحان وبعدها جه شدنى من ايدى وقال
" انتِ تروحيلو دلوقتى وتفهميه كل حاجه براحه … وشاطره ياياسمين اول مره يجى من وراكِ فكره هايله "
وشدنى على الباب وفتحه وطلعنى وقال
" يلا روحى "
وقفل الباب
فضلت واقفه باصه على باب شقه بدر … انازهقت من الى انا عيشاه بس خايفه انا هعمل ايه مع بدر … وهما ايه الى خلاهم متأكدين ان هو هيحبنى
لقيت باب بدر اتفتح وبيبص عليا وقال
" تعالى ادخلى "
رحت ودخلت شقته
ولقيت صاحبه احمد معاه
قال
" اقعدى يا بنتى"
قعدت انا وبدر فوقف احمد وقال
" هعمل انا عصير … تحبى يبقى ايه "
قلت
" عادى اي حاجه "
ابتسم وقال
" ثلاثه موز "
قال بدر
" لأ … بلاش موز بيجيلى حساسيه منه "
قال
" طيب يا عم بدر … اتنين موز وواحد فراوله عندك مانع "
ابتسم بدر وقال
" لأ … اخلص بقى وادخل "
دخل احمد للمطبخ
وقال بدر بصوت واطى
" مين ده "
قلت
" دا احمد "
ابتسم وقال
" بقصد الى زعقلك "
قلت
" اه … دا عمو عمار جوز ماما "
قال
" وهو بيعاملك كده ليه … وفين مامتك اصلاً "
قلت
" ماما ماتت يا بدر …وعايشه انا واخواتى وهو فى البيت "
قال بنرفزه
" ايوا برضو بيزعقلك ليه … طلعيه من الشقه "
قلت
" هو انتَ فاكر الموضوع سهل … ما خو بيقول ان الشقه دى بتاعته … مشاكل يا بدروهي كده ليهاوقت وبتتحل "
قال
" طيب ما تروحو انتو لى شقه تانيه "
قلت
" يووه … انتَ ليه مش فاهم حاجه … مش هقدر اسيب الشقه يا بدر وبعدين انا مش عارفه اكل ولا اكل ياسمين هاروح فى شقه تانيه "
قال
" برضو متخلهوش يزعقلك يا ياسمين "
قلت
" وانتَ مدايق من ايه … هو كده على طول "
قال
" على فكره انا بابا كان دايما بيزعقلى وحاسس بيكى والمشكله الى دايق ان انتِ مش هتقدرى تردى عليه … بس انا يا ياسمين علشان خاطر ده كان والدى لكن ده جوز مامتك "
قلت
" انتَ بتقول حاجه مستحيل انا اعرف اعملها يا بدر "
جه احمد وقال
" خلاص وقت الدكاتره النفسيين انتهى "
ابتسم بدر وقال
" دكاترة ايه يا ابنى احنا اصحاب عادى وكنت بعرفها حاجه "
وادالى العصير بتاعى وقال
" طيب انتِ هتعملى ايه دلوقتى"
قلت
" هاروح البيت "
قال
" مش هتاخدى اي موقف "
قمت وقفت وقلت
" انتَ مش فاهم حاجه يا بدر "
وسبت العصير وفتحت باب الشقه وطلعت ..
*****
" هي ليه كل شويه تقولى انتَ مش فاهم حاجه يا بدر … على فكره انا كنت اذكى واحد فى المدرسه بتاعتى وماذلت اذكى واحد "
ضحك احمد وقال
" علشان انتَ فعلا مش فاهم حاجه يا بدر … هي عماله تقولك مش معاها فلوس ياكلو وانتَ بتقولها خدى موقف ومترجعيش البيت … انتَ بس الى مش حاسس بيها علشان هي غيرك "
قلت
" غيرى ازاى "
قال
" انتَ واحد كنت عايش فى لندن وفى دبى وسافرت العالم ده اربع خمس مرات … اما هي مسفرتش غير للسوبر ناركت الى فى الشارع الى بعد ده "
قلت
" طيب ما ممكن كل ده يتغير "
قال
" لأ … انتَ ليه مشراضى تفهم يا بدر "
اخد المضرب بتاعه وفتح الباب وقال
" انا ماشى "
******
صحيت من النوم على صوت نورا وهي بتقول
" وانا اقول الدنيا احلوة ليه مكنتش اعرف ان جيتى يا قلبى"
قمت ابص هي بتكلم مين لقيتها بتكلم 'لؤه'
بصيتلى لؤه وقالت
" ايه موحشتكيش "
اديتلها ظهرى ومشيت ودخلت المطبخ … وسمعتها وهي بتقول لى نورا
" مالها دى وانا لحقت اتخانق معاها "
قالت نورا
" بصيانا معرفش حاجه عن الموضوع ولا بشوف ولا بسمع حاجه علشان اقولك ان هي زعلانه علشان خاطر هي فضلت تتحايل عليكِ تنزلى وانتِ موفقتيش "
طلعت وقلت
" لأ … ده علشان خاطر الأستاذه لؤه قالت فى التليفون مش كل شويه ترنو عليا وتزهقونى "
قالت لؤه
" خلاص … وادينى جيت انا اسفه يا ستى "
وبعدها لقينا الباب بيخبط
كانت هاتروح لؤه تفتح لكن اخدتها نورا وقالت
" يا بنتى ادخلى استريحى انتِ"
وبصيتلى وشاورتلى على الباب
رحت فتحت الباب لقيت
عمو حسن بيقول
" اهلا يا ست ياسمين … ايجار الشقه "
قلت
" ثوانى وهجيبه "
ودخلت اجيب الفلوس ولما خرجت لقيت بدر هو الى واقف وبيبتسم
بصيتلو بأستغراب وقلت
" امم راح فين عمو حسن "
قال
" لأ ما هو انا اصلا الى مسؤل عن العماره دى … وعمو حسن اصلا كان جاى علشان انا اشوفك واقولك مين بيدفع ايجار الشقه"
قلت
" انا شهر وجوز ماما شهر … ليه"
لعب فى شعره وقال
" اصل انا رخصت الإيجار بقى عشرين جنيه للشقق القبلى والشقق البحرى ثلاثين "
ابتسمت وقلت
" ده ليه "
قال
" عادى اصل اكتشفت ان هي غاليه اوى "
وكمل وقال
" فين عمك عمار "
قلت
" فى الشغل "
قال
" كنت باعت عمو حسن علشان لو طلع جوز مامتك ميزعقش ليكِ تاني "
قلت
" ماشى … اتفضل الأيجار "
اخده منى وقال
" وانتِ اتفضلى مضربك الجديد بتاع التنس "
أنت تقرأ
كان لك معايا .
Romanceالحب الأول يكون له مكان اخر فى القلب نتذكره كثيراً حتى اذا قلنا لن نتذكره لن ننظر الى صوره مره اخرى ولكن رغم كل ما تفعله فسيكون صعب نسيانه .. ____♡ رجعت ليكم بعمل جديد رواية / عشقتها حتى موتها . روايه بالعاميه . بقلم / ندى مجدى عبد الرازق . ( ن.م)
