كان لك معايا .

بدايه جديده ٥٣.

( الفصل الثالث والخمسون )

" والمفروض نروح نزور عمِك "
ردت حور على ليل وقالت
" لأ مش لازم .. هما مش هيشوفوكى "
ابتسمت وقلت
" انتِ عامله مصيبه من ورا عمامك ولا ايه "
ابتسمت وقالت
" لأ .. بس ابن عمى كان طالب ايدى وانا مديتلوش موافقه "
قلت
" مش مهم توافقى .. ومترحيش اصلا "
قرب منى خالد وقال
" السحليه ابتسمت يا فارس "
ابتسمت وقلت
" وبقت بتضحك والله "
قال
" وهتقولها امتى على الجوابات "
قلت
" بعدين .. والله هعرفها "
قالت حور
  " احنا البيت قريب من هنا .. روح انت لى ياسمين وبعد ما تستريح نبقى نتقابل "
قال خالد
" ليه كده .. ممكن مشوفكيش تاني "
قالت ليل
" بس ممكن تخليك فى نفسك "
ضحكت حور وقالت
  " لأ متخافش انا هبقى ازورك بس وانت فى السجن "
قال خالد
" عقبال ما انا كمان ازورك وانتِ فى المستشفى "
قلت
" ايه انتو الأتنين فى ايه .. بعد الشر عنك وعنها .. سيب حور فى حالها ده هي لسه طالعه من المستشفى اصلا "
ابتسم خالد وقال
" طيب يلا يا الى طالعه من المستشفى سلام ".
قالت حور
" سلام "
رحت قدام ليل واخدتها من ايديها ووقفنا على جنب وقلت
" هشوفك تاني ده اكيد "
قالت
" لأ مش اكيد "
قلت
" ليه "
قالت
" علشان انا عاوزه ارجع بسرعه علشان الولد بتاع الجوابات .. وعاوزه اعرف هو ازاى هيقدر يعيش من غيرى .. وايه هيبقى شعوره .. وانا مقلتلوش ان انا مسافره اصلا .. وغير كده خايفه ارجع اسمع من الناس ان فى واحد انتحر مش عارفه ساعتها .. "
" انا بحبك "
قالت
" ساعتها هعمل .. "
ووقفت كلام وقالت
" ايه .. قلت ايه "
ابتسمت وقلت
" بحبِك "
فضلت بصالى بأستغراب ومنطقتش .. وقف جنبى خالد
وقال
" ايه السحليه ماتت ".
اتغير وش ليل للعصبيه وقالت
" انا سحليه يا مستهتر "
قال خالد
" لأ مكنتش اقصد اقول ان انتِ سحليه كنت اقصد اقول انك ذُل "
وسابها وراح وقف مع حور
بصيتلى وابتسمت وقالت
" ماشى شكرا ".
قلت
" هو ايه الى شكرا .. انا بقولِك بحبِك "
قالت
" ماشى .. وانا كمان مبحبكش "
قلت
" ايه "
قالت
" اعمل ايه ما واحد تاني بيحبنى علشان روحى الطيبه والحلوه .. وانا حاسه ان المجهول طيب جدا يا فارس .. وانت بتاع مشاكل وانا مبحبش المشاكل .. وانا بحبه .. اه الصراحه اعجبت بيه "
ابتسمت وقلت
" طيب ماشى .. حلو حبي مجهول .. انا همشى انا علشان خالد .. هشوفك قريب "
ابتسمت وقالت
" امم .. اكيد .. وبعدين انا مش كرهاك يا فارس .. وممكن اكون اعجبت بيك .. لكن انت عارف ان البنت لو اتقدملها عريسين فى وقت واحد .. لازم تتنك شويه "
ابتسمت وقلت
" وانا مستني لما تخلصي تناكة حضرتك .. انا كده كده عارف مين الى هتختاريه ".
ابتسمت وقالت
" خليك عند ظنك "
ابتسمت وقلت
" سلام يا ليل "
قالت
" سلام "
رحت وقفت جنب خالد وقلت
" يلا "
قال
" نص مش قادر يواجه ياسمين .. ونص فرحان ان صاحبى مش مات."
ابتسمت حور وقالت
" ربنا معاك .. سلام "
رحت انا وخالد وجرى على بيتنا واول ما وصلت فضلت ارن الجرس جامد و ورا بعض فتحت ياسمين وفضلت باصه عليا واخدتني في حضنها .. قطع السلامات والأحضان خالد لما قال
" انا ايه .. فين امى "
بصتلو ياسمين ومسحت دموعها وقالت
" امك عند حماتها .. بس تعالا خد حضن منى انا "
راح خالد فى حضنها وقال
" انا عرفت قيمتك بجد يا خالتو والله .. عرفت ان انتِ بتطبخى احلى اكل وغسيل المواعين وترويق الشقه ..انتِ بتتعبى اوى .. وقال انا كنت بقولك لأ علشان خاطر بتطلبى منى اشيل طبق واحد .. اسف"
ابتسمت وقالت
" مسمحاك يا عبيط محدش بيزعل من حبايبو "
وبص عليها وقال
" وانا بحبك .. كنت متوقع ان انتِ هتموتينى "
ضربته على دماغه براحه وعلى دراعه وقالت
" هو حسابك معايا بعدين .. مش دلوقتى "
عدل شعره لى ورا وقال
" هدخل انام بقى علشان السحليه كانت بتعذبنى "
ودخل على الاوضه
بصيتلى ياسمين وقالت
" انت قبلت حور تاني "
ابتسمت وقلت
" لأ .. اه .. قابلتها هي واختها .. قابلت اختها الأول وبعد كده حور .. اختها بارده وتِنكه فى الاول لكن هي اصلا قلبها ابيض وانتِ هتحبيها اوى هتشوفيها انا كلمتها علشان تتقابلو سوا .. "
قطعت كلامى وقالت
" وايه الى دخل حور فى الموضوع .. خي مش حور كانت هنا  "
قلت 
" اه .. حور هنا .. سافرت لى اختها .. اختها اسمها ليل
ليل بقي انا حبيتها واعترفتلها بأن انا بحبها .. وخلاص هنخلص من مشكلة خالد واتجوزها قبل ما بابا يعرفنى على كنوز "
ابتسمت وقالت
" سيبك من باباك .. لو انت بتحبها بجد قوله وهو هيتفهم الأمر .. الدور والباقى على مامتك "
قلت
" هي عرفت حاجه عن خالد "
قالت
" لأ .. بس رنت عليا علشان هي وابوك اتخانقو ".
ابتسمت وقلت
" هي مبتعبرناش غير فى المصايب "
قالت
" عيب دى امك .. وغير انها مامتك فهى اختى .. وانا مبستحملش حد يقول عليها كلمه وحشه "
قلت
" طيب .. حقك عليا .. انا هدخل استحمي واغير هدومى .. واروح مع خالد علشان نشوف موضوع صاحبه .. واه .. انا رحت جبت الخط بتاعى من تاني من الشركه .. واشتريت موبايل جديد ليا انا وخالد"
قالت
" ده من فلوس البنت ليلى "
قلت
" ليل .. اسمها ليل من غير الياء ".
قالت
" ماشى .. المهم بفلوسها ".
قلت
" لأ طبعا .. اول ما نزلت هنا اشتريته .. واه .. اتفضلى
ده منها ".
اديتلها المضرب وقلت
" هى كتبالك جوا رساله .. متفتحهاش غير وانا جنبك"
فتحت الهديه واخدت الورقه وقالت
" انا هقرأه دلوقتى اصبر "
رحت وقفت جنبها علشان اقرأ وكانت كاتبه
من ليل الى طيبة القلب زى ما قال وحكى عنك فارس .. متحمسه ان انا اقابلك اوى .. ومنتظره مقابلتك .. فارس طيب جدا وتربيت حضرتك حلوه .. اول مره اشوف ولد امين زيه .. لكن الا حاجه واحده ناقصه فيه .. الكذب .. علميه ميكذبش تاني على حد عاشان عيب .. وقولى لى ان هو هيلاقى الجوابات فى جيب الجاكيت الى هو لبسه .. وقوليلو ان انا فرحانه ان جت من عندك واعترفت بحبك .. وان انا اه طيبه زى ما انت قلت فى الجواب لكن انا ممثله برضو .. ومش هقول وداع لأن ان ده مش الوداع وسلميلى عليه وقوليلو ان انا متحمسه اشوفه من بعد ما اتصدم ان انا عرفت ..
بصيتلى ياسمين وقالت
" جواب ايه يا كذاب "
ابتسمت وقلت
" حور كان عندها حق "
قالت
" حور ايه .."
قلت
" ده انا كنت بكلمها على اساس ان انا ببعتلها جوابات متقلقيش يا ماما وسيبك منها ... انا داخل ".
اه يا ممثله يا ليل .. انا غلطان ان كذبت حور وصدقت مشاعرك ..