كان لك معايا .

صديق اليوم عدو الغد ١٠

( الفصل العاشر )
" سؤال يا ياسمين .. احنا هنفضل لغاية امتى ماشيين"
ابتسمت وقالت
" لغاية ما نوصل لى الهرم  "
قلت
" وانا افتكرت ان الثلاث اهرامات جنب بعض "
ضحكت وقالت
" اسكت بالله عليك بقى "
قعدت وقلت
" احنا ممكن نستريح شويه على فكره .. الجو حر جدا"
قالت وهي بتقعد
" كده حر يا بدر .. ده درجة الحراره حلوه النهارده "
قلت
" كده حلوه .. ده الواحد محتاج دلوقتى عصير قصب"
قالت وهي بتضحك
" اي خدمه يا بدر "
وفضلنا ساكتين لغاية ما قالت
" فى لندن الجو كده برضو "
قلت
" لأ .. هناك الجو حلو او بالنسبالك سقعه .. مش عارف"
قالت وهي بتبص على الأجانب
" انتَ عمرك ما جيت هنا "
قلت
" لأ .. انا اصلا مكنتش بنزل .. وكان عمو حسن بياخد الأجيار ويحطو فى البنك "
بصيت على الأجانب الى كانو ماشيين وافتكرت ياسمين وهي بتقول علي بشرتهم صفره
ضربتنى فى كتفى وقالت
" بتبص ليه على السايحه .. عجباك "
بصيتلها وقلت
" الأيه .. سايحه "
قالت
" اه .. "
قطعت كلامها قبل ما تكمل وقلت
" خلينى انا اخمن .. سايحه دى الى هي المفروض سائحه .. صح كده "
قالت
" وهو فى فرق "
قلت
" اه يا ياسمين فى فرق .. وعلى كده انتِ بتقولى على السائح سايح .. ايه ذنب الراجل يسيح .. هو الجو ناقص "
ابتسمت وقالت
" ماشى خلاص .. سائح و سائحه "
قالت
" طيب يلا بدر قوم .. عاوزه اتصور عند الهرم بتليفونى الجديد "
قلت
" طيب شويه يا ياسمين .. مش قادر اقوم حرفيا .. ممكن نركب على الحصان "
قالت
" لأ .. هنمشيها "
جت وقفت قدام ياسمين بنتين اجانب وقالت بنت منهم
" sorry , do you know to speak english"
بصيتلى ياسمين وبعد كده قالت
" What "
ابتسمت وقمت وقفت وقلت
" Yes , do you need to help "
وقفت قدامى البنت وقالت
"Yes , do you know where the bathroom"
بصيت لى ياسمين وقلت
" الحمام .. فين "
بصيتلى بطريقه مش كويسه وقالت
" جنب البوابه الرئيسيه "
ابتسمت وبصيت لى البنت الأجنبيه وقلت
" Yes .. next to the main gate "
ابتسمت البنت وقالت
" Thank you "
ابتسمت وقلت
" for your ..welcome pardon "
ابتسمت البنت وهي ماشيه فقلت
" Welcome in Egypt "
وادورت لقيت ياسمين بصالى بنرفزه وقالت
" قمت ليهم دلوقتى والتعب مبقاش عليك "
ابتسمت ورجعت شعرى لى ورا
وقلت
" شاطره .. قلتى كلمه بالأنجليزى "
مشيت وسايتنى وانا رحت وراها لقيتها بتقول
" على فكره انا فهمت هي كانت بتقول ايه .. دى كانت بتسأل عن الحمام "
ابتسمت وقلت
" شاطره .. ممتازه "
وقفت وبصيتلى وقالت
" كنتو بتقولو ايه يا بدر "
بصيتلها بأستغراب وقلت
" ما انتِ قلتى اهو .. كانت بتسأل على تليفونى .. اقصد الحمام "
قالت
" ماشى يا بدر "
قلت
" طيب يلا هاتى تليفونك اصورك "
قالت
" لأ .. انت قفلت نفسى "
ابتسمت وقلت
" يا ستى هي كانت بتقول .. هي سألتك بتعرفى تتكلمى انجليزى وانتِ قلتيلها ايه .."
قطعت كلامى وقالت
" هي كلمة what معناها 'ايه' مش ماذا "
ابتسمت وقلت
" اه .. الأتنين واحد "
قالت
" طيب اتفضل كمل "
قلت
" بس .. سألتنى على الحمام فسألتك .. وقالت شكرا قلت العفو على الرحب "
قالت
" بدر .. ولما هي باصتلك وهي ماشى انتَ قلت ايه ليها"
ابتسمت وقلت
" اهلا بيكِ فى مصر "
قالت
" اه .. ماشى صدقتك "
وقالت
" خد التليفون "
قلت
" انتِ متصورتيش خالص "
قالت
" اه .. معنديش ولا صوره على الأستوديو "
ووقفت جنبى وقالت
" هتصورنى ولا اتصور انا "
بصيتلها وقلت
" سيلفى .. بتعرفى "
قالت
" ايه .. يعنى ايه سيلفى "
عملت الكاميرا على السيلفى وقلت
" كده يعنى سلفى "
قالت
" حلو .. يلا نتصور "
قلت
" امسكِ التليفون "
قالت
" انتَ اطول .. ومتنساش تدخل ابو الهول معانا فى الصوره .. عقبال ما نروح للأهرامات "
مسكت الموبايل واتصورنا انا وياسمين و ابو الهول
واتصورنا كتير جداً وهي اتصورت
برضو
واصرت ان احنا نروح عند الأهرامات وتتصور
وصورتنى كمان .. اليوم بيبقى حلو مع ياسمين
" عربيتى .. اخيراً وصلنا لى عربيتى حبيببتى "
فضلت تضحك وتقول
" يا ابنى ده انت رجل رياضى "
ركبت العربيه وهي كمان ركبت العربيه
وقالت
" ده من اجمل الأيام الى قضيتها "
قلت
" وانا كمان "
ابتسمت وقالت
" شكراً يا بدر "
ابتسمت انا كمان وقلت
" بس يا حبيببتى اسكتِ شكراً على ايه "
وفضلت اسوق وانا مشغل اغنيتها المفضله
(انا لك على طول )
لغاية ما وقفت قدام محل رياضى
ونزلت وقلت
" انزلى "
نزْلت وقالت
" ايه .. انت بتلعب رياضه تانيه غير التنس ولا ايه "
ابتسمت وقلت
" امم .. عاوز اخد رأيك فى مضرب "
ومسكتها من ايديها ودخلنا المحل
وقلت للراجل
"عاوز مضرب تنس لوسمحت "
بص على ياسمين وابتسم وقال
" وهو لازم كنتى تاخدى رأي خطيبك "