( الفصل الواحد والخمسون )
بصيتلى ليل وقالت
" مش راضيه تفوق يا فارس "
كنت هدخل على المطبخ اجيب مايه لقيت خالد جاب وجاب المايه فى وشها
واخيرا فاقت حور
فضل واقف قدامها خالد .. بس انا خفت لتعرف ان هو الى خبطها ومسكته من ايده وجبته جنبى
بص عليا وقال
" طلعت مين دى "
قلت بصوت واطى
" دى اختها يا خالد "
بص ليا بأندهاش وقال
" القمر دى تبقى اخت ليل "
قلت
" قمر .. "
ابتسم وقال
" هوقعهالك فى يومين .. لأ مش يومين ده يوم ونص "
قلت
" لأ علشان خاطرى يا خالد سيبها فى حالها "
قطع كلامنا ليل لما قالت
" انت ازاى رابطها يا يا متهور يا مستهتر "
قال خالد
" انا اسف حقك عليا "
رحت افك رجليها وليل كانت بتفك ايديها
خلصت و وقفت ووقفت حور وفضلت باصه عليا
ابتسمت لكن هي بصت على خالد وبعد كده على اختها وقالت
" مين ده .. وازاى دخل هنا .. وانتِ كنتى فين "
قالت ليل
" ده زميلى .. هبقى احكيلك بعدين يا حور .. المهم انتِ بخير "
قالت حور
" ايوا انا بخير "
بصت ليل على دماغ حور من ورا وقالت
" ايه الى جرالك "
بصت عليا حور وبعد كده على خالد وقالت
" مافيش .. انا عاوزه امشي "
قالت
" تمشى تروحى فين "
قالت حور
" اطلع الأوضه "
ابتسم خالد وراح شال الشنطه بتاعتها وقال
" اتفضلى شرفتى البيت .. ده البيت نور "
قالت حور
" سيب الشنطه "
سابها خالد وقال
" هي اصلا كانت ثقيله "
قلت
" بس يا ابنى اسكت "
قالت حور لى ليل
" هما ليه هنا "
قالت ليل
" هقولك يلا اطلعى الأوضه وانا هحكيلك كل حاجه فوق "
رحت اخدت الشنطه بتاعتها وقلت
" هسبق انا لي فوق "
طلعت على السلم ولقيت خالد بيقول
" يعني اشمعنا هو ميسيبش الشنطه "
قالت ليل
" غسلت المواعين "
قال
" لأ "
قالت
" ادخل اغسلها "
سبت الشنطه وبصيت على ليل وقلت
" يلا .. فين الأوضه "
قالت ليل
" انا طالعه "
طلعت ليل ووراها حور
وراحت وقفت قدام الاوضه اخدت الشنطه حور وقالت
" شكرا "
قلت
" العفو .. بعد اذنكم "
وسبتهم ونزلت بسرعه عند خالد وقلت
" اسمع متتكلمش مع حور كتير ولا كأنها موجوده .. "
قطع كلامى وقال
" اسمع .. ده احنا لو وقعنا حور ليل هتبقى مِلك ايدينا"
ياربى
قلت بنرفزه
" لأ .. مش مع دى مينفعش انت متعرفش الى فيها .. ده ممكن ليل تموتك "
قال
" خلاص يا فارس حقك عليا .. انا هدخل اغسل المواعين "
قلت
" خد هنا اصبر "
وقف وقال
" ايه هتغسل المواعين بدالى "
قلت
" لأ .. فين الجواب .. انا مش قلت لك تحطه .."
قطع كلامى وقال
" حطيته .. ولو مش مصدقنى اطلع شوفه "
قلت
" خلاص .. اسكت .. اكيد حور شافته "
قال
" انت عرفت منين ان دى اختها "
قلت
" صدفه .. جت معايا كده "
قال
" انا داخل اغسل المواعين "
ودخل على المطبخ وانا رحت قعدت على الكنبه وفضلت افكر فى حور وليل وهل حور هتقول الحقيقه لى ليل .. وهل اصلا حور شافت الى خطفها
" فارس "
بصيت على ليل ووقفت وقلت
" امم .. نعم فى حاجه "
قالت
" كنت سرحان فى ايه "
قلت
" مافيش عادى "
قعدت جنبى وقالت
" مبغتش جواب "
قلت
" هو مين ده "
قالت
" الولد المجهول "
لقيت حور واقفه قدامها وقالت
" لأ بعت "
واديتلها الورقه وقالت
" متعلقيش نفسك بحد انتِ متعرفهوش "
قالت ليل
" وانتِ فتحتيها "
قالت
" همم فتحتها "
وقفت ليل وقالت
" وليه اصلا .. انا عمرى ادخلت فى حياتك "
قالت حور
" وانا ايه الى كان هيعرفنى ان هو ليكى اصلا "
طلع خالد من المطبخ وفى ايده صابون وقال
" يا بنات استهدو بالله مش كده "
قالت ليل وحور فى تفس الوقت
" اسكت انت "
قال خالد
" حاضر "
ودخل المطبخ تاني
قالت حور
" هتاخديه ولا لأ "
قالت ليل
" انتِ مش هتتغيرى "
قالت حور
" ماشى .. انتِ عندك حق انا مش هتغير "
اخدت ليل الورقه منها فجئه وقالت
" اهو "
ورفعت ايديها لى فوق
قالت حور
" انا كده كده كنت مستنياكى انتِ الى تحكيلى .. وعلى فكره انا مقرأتش اي حاجه غير اول سطر بس "
قالت ليل
" ماشى ورينى هتاخديه ازاى بقى يا قصيره "
اخدته من ليل وقلت
" اييييه .. ايه كل ده علشان ورقه .. وبعدين حور مش قصيره انتِ الى طويله ".
كانت لسه هتتكلم ليل لكن سبقتها وقلت
" انتِ قلتى ان انتِ اتغيرتى بسببه .. بس انتِ زعلتى اختك بسببه "
قالت ليل
" انا مزعلتش حد ده هي .. "
قالت حور
" انا مقلتش حاجه .. انا كنت بنصحك .. عايزه تتقبلى النصيحه اتقبليها مش عايزه انتِ حره "
قالت ليل
" انتِ ايه الى جابك يا حور "
قالت
" بيت بابا وماما على فكره .. مش بيتك هو ".
قلت
" خلاص انتو الأتين "
وبصيت لى ليل وقلت
" بما ان الكل عرف بأمر الجواب فشاركيه معانا "
قالت
" لأ "
قلت
" يبقى خلاص اتفضلى "
واديتلها الجواب وهي اخدته وطلعت على السلم بس وقفت اول ما قالت حور
" من مجهول الى طيبة القلب ليل
مش عارف اقول ليل ولا قمر الصراحه .. مبسوط ان انا بكتبلك اول مره اكون فرحان بسبب بنت
بس عاوز اقولك حاجه مش هتفرق معايا انتِ معجبه بيا ولا لأ مش مهم بس انا مبسوط بوجودك فى الحياه وان انا بشوفك .. بس كان عندى سؤال امبارح وانتِ فى الشارع فى ولد دخلك ده اخوكى .. وبرضو مش هقول وداع يا اجمل ليل "
بصيتلها ليل وقالت
" كل ده اول سطر "
ضحكت وقلت
" حافظه "
ابتسمت حور وقالت
" خلى المجهول ينفعك "
قالت ليل
" ماشى يا حور "
ابتسمت حور وقالت
" بحبك "
قالت ليل
" وانا بكرهك "
وطلعت لى الأوضه
قعدت حور وبصيتلى وقالت
" حلوه ".
قلت
" ده سؤال "
قالت
" لأ "
قلت
" ايه دى الى حلوه "
قالت
" كتابتك .. بتفهم و بتعرف تتكلم "
قلت
" كتابه انا مكتبتش .."
قطعت كلانى وبصيتلى باصه غريبه وكأنها بتقرأ افكارى وقالت
" فارس .. هي كتابتك "
ابتسمت وقلت
" مين قالك "
قالت
" انا عرفت ان انت .. وهي كمان تلاقيها عارفه "
قلت
" لأ متعرفش "
قالت
" بتحبها "
قلت
" مش عارف لسه "
غمزت وقالت
" هي معجبه "
طلع خالد وقال
" وانا خلصت المواعين اخيرا ".
بصيتلى حور وقالت
" بتعملو ايه هنا .. زى ما ليل قالت "
قلت
" هي قالت لك ايه "
قالت
" ان ابن خالتك عمل مشاكل والمفروض هربان ".
قال خالد
" ده انا الى عامل مشاكل "
قالت حور
" وانت "
قلت
" انا ماليش .. انا كنت معاه وبس "
قعد خالد جنبها وقال
" سلامتك .. ده من ايه "
قامت من جنبه وقالت
" حادثه "
قال خالد
" ده ازاى "
قلت
" مش مهم تفاصيل "
قالت حور
" كان فى موتسيكل هيخبطنى فرجعت ورا عربيه خبطتنى "
بص ليا خالد بأندهاش وقال
" دى بتقول موتسيكل وعربيه وخبطتنى .. نفس يعينى البنت الى .. "
قطعت كلامه وقلت
" اه يا حبيببى "
بصيتلى حور وقالت
" صدفه حلوه .. فرحانه ان انا شوفتك "
ابتسمت وقلت
" وانا .. فرحان جدا ان انتِ بخير "
نزلت ليل وقالت
" كفايه كلام واطلعى نامي .. رغايه بتموتى فى الرغى"
قالت حور
" حاضر يا حياتى .. هطلع انام "
وقفت حور وطلعت على الأوضه وليل راحت تحط الجواب وطلعت وانا رحت فتحت باب الشقه واخدته
وفتحته ولقيتها كاتبه فيه من ليل الى مجهول .. مش هعرف اكتب كلام حلو زى ما انت بتكتب لكن لو على الولد الى انت شوفته ده فارس .. صديق ومحتاج مساعده
ضحك خالد وقال
" محتاج مساعده .. يا عينى .. محتاج مساعده هموت من الضحك "
قلت بنرفزه
" بس يا حبيببى "
وكملت قراءه
محتاج مساعده وانا بساعده وهو صديق وبس .. ومبقتش شايفه ان انت ممكن تبعت الجوابات كده وان انت تتكلم معايا هيفرق معاك .. وبعدين انا اختى رجعت البيت هي اه الصغيره وكل حاجه لكن هي عندها حق ومبنفعش اترب من واحد انا معرفهوش..
طلعت جبت ورقه وكتبت
من مجهول الى ليل
انا هيهمنى ان انا اتكلم معاكى لأن ده هيفرحنى وغير انه هيسعدنى وكل حاجه لكن هبقى اعرفك اكتر .. انا فى الأول حكمت عليكى وانا معرفش الى جواكى لكن لما عرفت انتِ اد ايه طيبه ندمت على معاملتى الوحشه ليكى ..
قطع كتابتى خالد وقال
" فارس .. فوق يا حبيببى هتفضح نفسك .. هو ايه الى معاملتى الوحشه ليكى "
قطعت الورقه وكتبت فى ورقه تانيه
بس انا اتعلقت بيكى ومينفعش تبعدى بالسهوله دى
وان انتِ وافقتى من الأول واختك هيجى الى يحبها ويفهمها وتفهمه ... لكن انا ببقى سعيد وانا بكتبلك ..
قال خالد
" فارس .. الجواب ده من قلبك "
ابتسمت وقلت
" صدقنى ليل طيبه وعسل اوى بس انت تفهمها "
قال
" اه هي فعلا عامله زى الليل .. قلبها اسود ليل ووشها زى ابيض زى القمر ووقت با بتيجى تقلب وتتعصب بيهب البرق والرعد "
ضحكت وقلت
" اسكت علشان مش اكلم ياسمين "
قال
" لأ لأ الا خالتو ياسمين "
قلت
" لأ انا هكلمها بكرا على فكره "
ونزلت حطيت الجواب وطلعت الأوضه ونمت ..
أنت تقرأ
كان لك معايا .
Storie d'amoreالحب الأول يكون له مكان اخر فى القلب نتذكره كثيراً حتى اذا قلنا لن نتذكره لن ننظر الى صوره مره اخرى ولكن رغم كل ما تفعله فسيكون صعب نسيانه .. ____♡ رجعت ليكم بعمل جديد رواية / عشقتها حتى موتها . روايه بالعاميه . بقلم / ندى مجدى عبد الرازق . ( ن.م)
