كان لك معايا .

صديق اليوم عدو الغد ٤

( الفصل الرابع )
قلت
" جبت ليه المضرب .. انا اصلا مش هعرف العب التنس ده تانى "
قال
" مش مهم انا هبقى اعلمك .. فاضيه دلوقتى "
قلت
" لأ للأسف ممكن وقت تانى "
ابتسم وقال
" وقت ما تحبى انا هكون مستنيكى .. انتِ محتاجه حاجه "
قلت
" لأ شكراً يا بدر "
قال
" سلام "
قفلت الباب ولقيت نورا شدت منى المضرب وقعدت تبص عليه وتقول
" حلو ايه الحلاوه دى "
وفتح الباب عمو عمار وقالت نورا
" بص يا عمو عمار .. شوف بدر جابلها ايه "
ابتسم وقال
" ده هنبيعه بكام "
قالت نورا
" يعمله حوالى .. "
قطعت كلامها وقلت
" مش هيتباع "
واخدته منها ودخلت الأوضه
لقيت لؤه بتنظم هدومها فى الدولاب
وبصت عليا وقالت
" واو .. ايه ده انتِ بلتعبى تنس "
قلت
" اه .. لسه هلعب "
قالت
" كويس .. تعملى اي فايده "
قلت
" شكراً يا ست لؤه "
قالت
" انا هقعد شهرين بس او ممكن كمان شهر واحد "
قلت
" طيب جايه على نفسك ليه .. ما تروحى بكره "
قالت
" لأ .. علشان انتِ وحشانى "
ابتسمت وقلت
" ماشى يا ست لؤه "
قالت
" طيب هتعملى اكل ايه "
قلت
" تحبى تكلى ايه "
لسه كانت هتتكلم بس دخل علينا عمو عمار وقال
" متجيبى ابيع المضرب وناخد فلوسه ندفع بيها الأيجار"
ابتسمت وقلت
" انا دفعته "
قال
" طيب نبيعه ونجيب لينا اكله حلوه "
قلت
" لأ .. خلاص بقى "
بص على لؤه وقال
" مين دى "
قالت لؤه
" انتَ ايه الى جايبك هنا "
قال
" دى شقتى "
قالت لؤه
" شقتك منين .. هي مش ماما ماتت .. خلاص تمشى "
قال
" امشى ليه .. "
قطعت كلامه وقلت
" خلاااص بقى .. عرفنا ان دى شقتك .. انا هحوش ونجيب لينا شقه "
قالت لؤه
" ليه اصلا .. هو الى يروح يمشى ويجيب شقه "
قال عمو عمار
" لييه ان شاء الله .. انتو الى تشوفو شقه .. انتِ شكلك كده بنت عنيده "
وسابنا وطلع
بصيتلى لؤه وقالت
" ايه ده .. انتو ازاى مش بتعرفو تتحكمو فيه "
قلت
" يا لؤه خلاص "
جت وقفت قدامى نورا وقالت
" قومى شوفى الغسيل "
قلت لى لؤه
" شوفى هدومك وروحى اطبخى "
قالت لؤه
" من اولها كده "
ابتسمت وطلعت علشان اعمل الغسيل لقيت بدر قاعد
فى البلكونه وبيقرأ كتاب
حاولت اقرأ عنوان الكتاب لكن مكنتش شيفاه
لقيته نزل الكتاب وقال
" بتحاولى تشوفى العنوان ولا ايه "
قلت
" لأ .. اه اقصد عادى "
وقف وقال
" واقفه بتعملى ايه فى البلكونه "
قلت
" هكون بعمل ايه يا بدر .. هعمل الغسيل "
قال
" امم ... طب تحبى تقرأيه "
قلت
" انتَ بتحب تقرأ الروايات "
قال
" اكيد .. بحب اقرأ روايات .. بتودينى لعالم تانى خالص .. وانتِ "
قلت
" اه اكيد بحب اقرأ "
قال
" قرأتى رواية ايه "
قرأت رواية ايه .. انا معرفش روايات اصلاً
قال
" ياسمين .. هو انا بسألك سؤال مسأله رياضيه "
قلت
" قرأت رواية .. "
قال
" ايه .. انهى روايه .. طيب مين كان الكاتب "
قلت
" مش فاكره "
ابتسم وقال
" طيب خلاص مش مهم .. خدى الكتاب ده اقرأيه هيعجبك "
قلت
" ده هاخده ازاى "
قال
" هسيبهولك قدام باب الشقه "
قلت
" الروايه بتتكلم عن ايه "
ابتسم وقال
" مبعرفش احرق احداث الروايه "
قلت
" شكرا يا بدر انك فضلت تتكلم معايا لغاية ما خلصت"
ضحك وقال
" تعرفى ان انا حبيت القاعده هنا اوى "
قلت
" ليه هو انت رحت فين تاني غير هنا "
قال
" سافرت دبى وباريس والسويد ... لكن انا اصلاً قاعد فى لندن "
قلت
" لمدن .. هو انتَ كنت فى لمدن برضو "
ضحك وقال
" لندن يا ياسمين .. لندن "
قلت
" ما انا بقول لمدن يا بدر "
قال
" يا ياسمين لندن بالنون .. بالنون يا ياسمين "
قلت
" لندن يا بدر كده صح "
ابتسم وقال
" شاطره "
وسكت لمدة ثوانى وقال
" انتِ بتشتغلى يا ياسمين "
قلت
" لأ "
قال
" طيب لو اشتغلتى محاسبه فى شركه "
قلت
" ومين قالك ان انا هتقبل "
قال
" انا هقدملك فى شغل .. وهقف جنبك وتتقبلى ان شاء الله "
قلت
" طيب يا بدر بس انا مش بفهم فى اي حاجه غير القراءه والكتابه بس .. وفى الحساب مش اوى "
قال
" طيب بقولك انا هقف جنبك يا ياسمين "
قلت
" ماشى "
قال
" طيب يلا .. روحى البسى وانا هلبس ونروح الشركه "
وسابنى ودخل
وانا دخلت البلكونه وفضلت امشى فى الصاله راحه جايه هل هتقبل فى الشغل ده ولا لأ .. وهلبس ايه انا دلوقتى ..