كان لك معايا .

بدايه جديده ٥٨.

( الفصل الثامن والخمسون )

عدي على موت ياسمين اسبوع .. اسبوع عمو بدر قاعد فى الشقه الى قدامنا وما زال قاعد بس مبيفتحش الباب لى حد حتى لى خالتو لؤه .... خالتو لؤه الى هتموت وتعرف لغاية دلوقتى اشمعنا خالتو ياسمين نادت على اسم عمو بدر وبس .. مر اسبوع على موت خالتو ياسمين وفارس مش راضى يطلع من اوضتها وشايف ان هو السبب فى موتها .. موت ياسمين اخر كل حاجه بالنسبه لى جوازه من حور .. مر اسبوع ماما قاعده مش عارفه تعمل ايه من غير ياسمين .. مر اسبوع وانا كخالد بستوعب ازاى حياتنا هتمشي من غير خالتو ياسمين الى كانت فاهمه كل واحد فينا وهي الى بتمشي البيت .. ده غير عمو عمار الى قال لى ماما ان هو هياخد البيت النهارده بالليل .. قطع تفكيرى رن الجرس .. قمت فتحت الباب لقيته عمو حسن
قلت
" امم .. الأيجار اخيرا "
قال
" اه يا ابنى "
قلت
" طيب يا عمو حسن انزل انت وانا هلم الأيجار من العماره كُلَها واديهالك "
قال
" ماشي "
قلت
" بقولك ايه يا عمو حسن .. الأيجار مش اذداد ولا حاجه .. يعني مبقاش مثلا بخمسين جنيه "
قال
" لأ "
قلت
" طيب .. شكرا يا عمو عمار .. انزل انت وانا هجيب الفلوس من العماره وهنزلهملك "
قال وهو نازل
" ماشى يا ابنى اخلص "
دخلت لى ماما وقلت
" الأيجار اذدااد يا ماما "
قالت
" خد الفلوس وسيبنى فى حالى يا خالد "
اخدت خمسين جنيه وعنت عشرين
ورحت خبط على عمو بدر .. واخيرا فتح الباب وقال
" هاااا عاوز ايه "
قلت
" الأيجار .. ومبقاش زى كل شهر .. هو اذداد "
عدل شعره وقال
" اذداد "
ابتسمت وقلت
" اه .. بس لو مش معاك فلوس دلوقتى هبقى ادفعهملك انا "
قال
" امم .. اذداد اد ايه .. هو مش كان ثلاثين "
ضحكت وقلت
" هو بقى في حاجه بثلاثين .. ده تلاقي صاحب العماره عايش من ايام ارسطو هو فى حاجه بثلاثين .. الأيجار اذداد .. بقى الشقق الى على الشارع بخمسين جنيه والشقق القبلى  اربعين جنيه .. وانت بحرى زينا فهتدفع خمسين "
قال
" هو فين عمو حسن "
قلت
" تعبان فقلت هلم انا الأيجار "
قال
" طيب .. هات الخمسين جنيه "
قلت
" ليه "
قال
" هديلك ١٠٠ "
طلعت الخمسين واديتهالو اخدها وقال
" انا صاحب العماره الى من ايام ارسطو "
ابتسمت وقلت
" ده من امتى "
قال
" من النهارده .. انا اشتريت العماره النهارده "
وقال
" وملكش دعوه بالأيجار بعد كده يا خالد .. وادخل الشقه يا بابا .. ده انت فاضي "
قلت
" طيب .. هات العشرين .. انت واخد خمسين "
دخل وقفل باب الشقه وانا واقف
دخلت الشقه بتاعتنا وقلت لى ماما
" تخيلى مين صاحب العماره "
قالت
" خالد ممكن تسكت "
قلت
" انا داخل لى خالتو لؤه "
ودخلت لى خالتو لؤه وقلت
" خالتو لؤه .. عليكى مين صاحب العماره "
قالت
" مين ياسمين "
قلت
" لأ جوزك .. عمو بدر "
سابت الأطباق وقالت
" وانت مين قالك "
قلت
" هو .. رحت انصب تليه فى عشرين جنيه لقيته بيقولى ان هو صاحب العماره .. وانتِ ايه ولا كنتى تعرفى ولا حاجه "
قالت
" لأ عارفه .. هو قالى "
قلت
" ماشى هحاول اصدقك "
طلعتنى من المطبخ وقالت
" روح حضر هدومك علشان خاطر هنمشي اخلص "
دخلت الأوضه حضرت هدومى وهدوم فارس ودخلت على فارس لقيته قاعد على سرير ياسمين
رحت قعدت جنبه وقلت
" انا حضرت هدومك "
قال
" شكرا "
قلت
" بص بما انى اخوك فعاوز اقولك حاجه .. انت ممكن تقف تاني من اول وجديد يا فارس .. شوف حياتك .. اكيد ياسمين لو كانت عايشه كانت هتزعقلك وهتزعل منك اكتر "
قال
" حاضر .. انا كده كده بقيت بخير خلاص "
رحت وقفت قدام مكتب ياسمين وقلت
" شوفت المضرب مضرب اصلى "
قال
" يلا يا خالد نطلع ناكل علشان نمشي "
وطلعنا برا الأوضه ورحنا اكلنا وبعد كده جهزنا الشنط وقالت لؤه لى ماما
" انا مش فاهمه يعنى بدر هيفضل قاعد هنا كتير .. مش راضي يفتح الباب ليا ولا يرد عليا .. مع انه فتح الباب لى ابنك "
قالت ماما
" يا ستى تلاقيه تعبان شويه .. سيبيه براحته هو مش صغير "
رن جرس الباب فقامت لؤه فتحت بسرعه علشان افتكرته عمو بدر لكن طلع عمو عمار .. دخل الشقه وقال
" انتو ايه مش هتمشو "
قال فارس
" لسه ناقص حاجات ياسمين "
قال عمو عمار بزعيق
" اخلصو .. انا مش هفضل طول اليوم برا علشان سيادتكم .. انا فضلت السنين الى فاتت بدفع ايجار كتير وانتو هنا عايشين فى الشهر على ثلاثين جنيه .. اخلصو هاا "
قال فارس بنرفزه
" ايوا يعني نعمل لى حضرتك ايه دلوقتى .. ما قلنا اصبر شويه .. مش هتصبر هنعملك ايه "
بصت خالتو لؤه لى فارس وقالت
" انت بتتكلم كده ليه .. ايه الأسلوب ده يا فارس "
قال فارس
" وانتِ عوزانى اكلمه ازاى .. ده راجل مستفذ "
قال عمو عمار
" انا مستفذ .. طب اطلع برا دلوقتى
انا حُر بقى دى شقتى  .. وعلى حاجة ست ياسمين هبقى ابعتهالكو وخلاص .. ثلاث دقايق والاقيكو برا "
وادور وكان طالع بس اتخض لما شاف عمو بدر واقف قدامه وبيقول
" انا مش عارف انام .. يعني ايه سبب الزعيق .. وسمعت سيرة ست ياسمين .. مالها ايه حاجتها مدايقاك فى ايه "
ابتسم عمو عمار وقال
" هيطلعو برا الشقه النهارده .. و لسه مطلعوش حاجت الأستاذه ياسمين "
قال بدر
" طيب هنقول الكلام تاني .. دى مش شقتك دى شقة ياسمين وانت .. "
قطع كلامه عمو عمار وابتسم وقال
" وياسمين ماتت "
سكت عمو بدر وفضل باصص على عمو عمار
ابتسم عمو عمار من تاني وقال
" برا "
قالت ماما
" فارس روح حضر حاجت ياسمين "
كان داخل فارس اوضة ياسمين لكن وقفه ضربة عمو بدر لى عمو عمار وقال بدر
" حاجت ياسمين مش هتطلع برا البيت .. والى هيطلع برا البيت حضرتك .. وانا صاحب العماره واظن انت عارف كده كويس .. واطلع برا انت .. وهقولهالك لى اخر مره لو لقيتك هنا تاني واقسم بالله ما هرحمك.. اطلع برا "
قال عمو عمار
" ماشي يا بدر .. تمام اوى بس انت كمان هتشوف "
قال بدر
" ايوا .. انا نفسي اشوف اليوم ده .. مع السلامه بقى"
طلع عمو عمار وقفل عمو بدر الباب وراه وبص لى فارس وقال
" ايه عادى كنت رايح تشيل حاجت ياسمين عادى "
قالت لؤه
" كده كده حاجتها هتتشال فى صندوق .. "
قال عمو بدر
" لأ .. هتتاخد زي ما هي عندى فى الشقه "
قالت لؤه
" انهي شقه .. وبعدين هو احنا هنقعد هنا على طول وبعدين ليه عاوز تاخد حاجت ياسمين .. "
ثطع كلامها فارس وقال
" اصلا يا بابا مش هتاخد حاجه انت متعرفش هما ايه ولا هي قايلالى ايه عليهم .. هاخدهم انا فى الأوضه بتاعتى لما نسافر لندن .."
ضحك عمو بدر وقال
" حاجاتها مش هتتنقل من هنا يا فارس .. وهاخدهم انا يا حبيببى وانت تبقى ممكن تبص عليهم مره او اتنين "
قال فارس
" لأ .. وبعدين انت متعرفش ياسمين علشان خاطر .. "
ضحكت وقلت
" بسسس .. خلاص احنا هنشوف مين اكتر واحد يعرف ياسمين وهو الى هياخد الحاجه يا عمو بدر يا اما انت يا فارس "
قال فارس
" ماشى انا موافق "
وقال عمو بدر
" انا مش موافق .. انا مش فاضي للكلام ده .. "
قال فارس
" ماشي .. هدخل اخد حاجتها "
ودخل فارس اوضة ياسمين رحت وراه لقيته ماسك صورتها وبيقول
" بابا مش طلعنا من البيت يا ياسمين وكأنك موجوده بالظبط "
دخل عمو بدر وقال
" هات الصوره .. وقوم تعالا .. بس لو خسرت مطعيتش
وبطل كل شويه تبص عليها علشان غلط يا حبيببى هاا"
ضحكت وقلت
" ليه يا عمو بدر .. ياسمين فى الصوره دى كان عندها برد وخايف على فارس منها ولا ايه "
بص عليا ببرود وقال
" بس يا خالد يا حبيببى "
قلت
" ماشى .. انا هبقى الحكم .. وهنجيب خالتو لؤه وماما .. "
قطع كلامى عمو بدر وقال
" لؤه لأ .. لؤه اصلا متعرفش ياسمين علشان مكنتش عايشه معاها كتير "
قلت
" طيب اتفضلو برا وانا جاي انا وماما "
عدل عمو بدر شعره وقال
" بص يا فارس .. لو كسبت هاخد الحاجه وهحكي معاك فى موضوع وهتتقبله وهتنفذ غصبن عنك "
واخد فارس وقال
" يلا .. المسابقه هتبقى فى الشقه عندى .. وبعدين انا حاسس ان انا كنت نايم كتير اوى .. بس انا فقتلك يا عسل خلاص "
وفتح باب الشقه وراح شقته وأخد فارس معاه
اهو كده عمو بدر اتحسن
ورحت عند ماما وقلت
" يلا يا ماما عمو بدر وافق "
قالت لؤه
" انا مش هاروح فى حته .. انا مش فاهمه ايه الى انتو بتعملوه ده وكأنهم بتتخانقو على حاجة الملكه "
ابتسمت وقلت
" طيب .. هستأذن انا وهاروح للمسابقه ده انا الحكم "
وشديت ماما وقلت لى خالتو لؤه
" نظمى انتِ الشقه بقى "
ورحت على الشقه ولقيت عمو بدر بيقول لى فارس
" بس وقالت لى خلي بالك من لؤه .. وانا قلت لها حاضر .. وقالت ان هي مسمحاك لو كنت قلت لها حاجه وحشه .. هتكون عوزاني فى ايه يعنى "
قلت
" احم .. كفايه كلام "
وقلت
" الى هيجاوب الأول هيكون كسبان "
وبصيت لى ماما وقلت
" وانتِ يا ماما شوفى صح ولا غلط "
وقلت
" خلينا نبدأ .. ايه اكتر حاجه خالتو ياسمين .. "
مكملتش وقال عمو بدر
" عصير القصب والقصب بالصوبيا واللمون .. غيره "
بص ليه فارس وقال
" طيب ماشي بس استني لما خالد يخلص "
بصيت لى ماما وقلت
" هو جاوب صح "
قالت
" اه صح .. انا هفضل ساكته ولو جاوبو غلط هقول "
قلت
" طيب .. ايه هي الهوايه .. "
مكملتش وقال فارس
" القراءه "
ضربه عمو بدر على دراعه براحه وقال
" التنس الأرضي "
بصيت لى ماما فقالت
" هي مكنتش بتحب الأتنين .. بس حبت التنس الأرضى اكتر .. ماشي بدر صح "
ضحك عمو بدر وقال
" انسحب يا فارس وخلينى اخد الحاجات "
قلت
" خلفية موبايل خالتو ياسمين .."
قال فارس
" صورتى انا وهي "
بص ليه بدر وقال
" ايه ده بجد والله "
قال فارس
" اه "
قالت ماما
" امم .. صح يا فارس "
قال عمو بدر
" طيب .. مش مهم .. اخلص يا خالد "
قلت
" حاجت ياسمين متكونه من ايه "
قال فارس
" من مضرب تنس ونظاره شمس .. وبس .. ده الى حطاه على المكتب "
قال عمو بدر
" والماديليا بتاعت الشقه والخاتم وكتب هي كانت بتذاكر فيهم .. كده انا افوز علشان خاطر قلت اكتر منك "
ابتسم فارس وقال
" ماشى "
قلت
" المادليا عباره عن ايه "
قال فارس
" انا مشفتهاش غير مره واحده كان عليها حرفين .. ده كل الى فاكره "
ابتسم عمو بدر وقال
" حرفين .. حرف ال y والحرف التاني B "
قلت
" مين حرف ال B يا فارس "
ضحك  عمو بدر وقال
" هو مش هيعرف فهقولك انا .. حد اسمه بدريه "
قال فارس
" بدريه .. وهو ده اسم "
قال عمو بدر
" انت طالعلى فى كل حاجه مأخدتش اي حاجه من امك الحمد لله "
قلت
" طيب ايه اكتر اغنيه .. "
مكملتش وقال فارس
" انت عمرى لى ام كلثوم .. وسيرة الحب واغنية كلمونى تاني عنك "
قال عمو بدر
" لأ يا عيونى هي بتحب انا لك على طول لى عبد الحليم و اخبارك ايه حبيببى "
وبص لى ماما وقال
" ولا ايه يا نورا "
قالت ماما
" انت صح يا فارس .. بس هي كانت بتحب الأغنيتين دول اكتر "
قلت
" واكتر اغنيه بتكرهها "
قال فارس
" مبتكرهش اغانى "
قال بدر بنبره حزن شويه مش بفرح زى الأول
" كان لك معايا لى ام كلثوم .. كانت بتكرهها ".
قالت ماما
" فعلا هي مكنتش بتحب تسمعها "
قال فارس
" علشان كده قفلت التلفزيون ".
قال عمو بدر وكأنه بيغير الموضوع
" هااا خلاص كده اكسب انا "
قلت
" لأ السؤال الى قبل الأخير .. خالتو ياسمين لما كان حد فينا بيبقى تعبان بتعمله مشروب غريب .. المشروب ده بيتكون ايه "
قال فارس
" ورق جوافه "
قال بدر
" وعلى ما اتذكر لمونه ومعلقة عسل ونسيبه على النار"
ابتسمت نورا وقالت
" بدر يفوز "
قلت
" لأ اخر سؤالين "
" اول حاجه مين الى جاب الخاتم الى خالتو ياسمين مكنتش بتخلعه من ايدها .. وايه هي صوة ياسمين على الأكونت .. "
قال عمو بدر
" الى جاب الخاتم لى ياسمين احمد .. وصورة البروفايل .. "
قال فارس
" وهي فى الاهرامات .. وبعدين انا مكنتش عايش ساعتها علشان اعرف مين الى جايب الخاتم ليها "
ابتسم عمو بدر وقال
" خلاص .. انا كسبان كده كده "
قلت
" يفوز عمو بدر "
نط بدر فى مكانه وقال
"  كنت عارف كده كده "
وعدل شعره وقال
" وبطل تقول عمو بدر .. قول بدر يا خالد وانا مسامحك "
قلت
" حاضر "
قال عمو بدر
" اوضة ياسمين هتفضل زي ما هي انا مش هاخد حاجه منها .. بس هقفل الأوضه علشان اضمن ان انت يا فارس  مش هتقعد فيها .. ممكن نبقى ندخلها سوا سوا "
وبص عليا وقال
" اطلع برا بقى انت ونورا علشان خاطر عاوز اكلم فارس "
قامت ماما وقالت
" يلا يا خالد "