كان لك معايا .

بدايه جديده ٥٤.

( الفصل الرابع والخمسون )

" سبتيه يتحبس بسهوله .. فضلتى تقولى هتحافظى عليه "
قلت
" يا لؤه استهدى بالله .. اختك تعبانه اصلا "
قالت
" نورا .. مش وقتك ومتدخليش انتِ "
قلت
" لأ انا اختك الكبيره ولازم ادخل طبعاً "
قالت ياسمين
" بس انتِ وهي خلاص انا مبحبش المشاكل ".
بصيتلها لؤه وقالت
" ايه يا ياسمين .. بتتكلمى دلوقتى .. مكنتيش عارفه تقولى كده لى ابن نورا .. مقلتيش ليه ان انتِ مبتحبيش المشاكل "
قلت
" بقولك ايه .. انا ابنى ليه اسم .. واسمه خالد .. وبعدين هما كلمتين وملهمش ثالث .. انتِ مبتسأليش على اسمك ودلوقتى زعلانه انه اتسجن "
قالت ياسمين
" متقوليش اتسجن يا نورا .. هو معملش حاجه "
قالت لؤه
" اعملى حسابك انه اول ما يطلع انا هاخده ونسافر "
وراحت فتحت الباب ومشيت

                            ****
( بعد مرور اشهر )

" قوم من هنا وروح قعد هناك "
بصيت لى خالد واخدته وقمت ورحنا قعدنا بعيد
وفضلت باصص على الأرض لغاية ما قال خالد
" الجو حر "
قلت
" لأ .. متهيألك "
قال
" هموت خلاص "
قلت
" لأ .. لسه بادرى عليك "
قال
" شايف الراجل ده "
قلت
" مش عاوز اشوفه .. قول ماله وخلاص مش لازم نبص وهو يقول بتبص على ايه انت وهو "
قال
" طيب ماشى .. انا بخاف منه "
قلت
" انت لازم تخاف .. خاف من كل الى هنا يا حبيببى "
نام على كتفى وقال
" قال مش عارف لو كنت لواحدى كنت هعمل ايه "
قلت
" مكنتش هتعمل حاجه .. كنت هتبقى كل يوم فى خناقه .. وانا مكنتش هسيبك وكنت كل يوم هبقى عندك "
قال
" لأ مكنتش هتخانق انا مش قادر اقوم من مكانى "
قلت
" طب اسكت بقى كفايه رغي "
قال
" طيب .. هنام شويه "
قلت
" نام يا حبيببى أُمال هتعمل ايه "
سكت وبعد كده قال
" تعرف انا فى الأول كنت مدايق ان انا بشيل طبق الأكل بتاعى واحنا عند خالتو ياسمين .. ولما رحنا عند ليل كنت مدايق من غسيل المواعين وتنظيم وترويق الشقه .. دلوقتى انا مستعد اروق شقة ليل واروح اشيل الطبق بتاع الأكل "
قلت
" تعرف لو مكنتش عملت الى عملته .. كنت هتفضل مدلع يا خالد .. فرحان من الى حصلك .. وزعلان عليا
انا كنت بذاكر علشان اروح اقدم على شغل .. باظ كل ده باظ .. بس مبسوط برضو .. لولا الى انت عملته مكنتش شوفت ليل ولا .. "
قطع كلمنا العسكرى لما دخل وقال
" فارس بدر .. وخالد .. "
قطع كلامه خالد وقال
" احنا .. نعم افراج "
قال
" افراج ايه .. قوم زياره "
قام وقال
" يلا تلاقيها خالتو ياسمين الى افتكرتنا "
قلت
" لأ يارب متبقاش هي .. مش هقدر اشوفها ولا اصلا ابص فى عينيها "
قال
" قوم اخلص "
قمت وراه ورحت لقيتها خالتو نورا وحور
رحت قعدت جنبهم وقلت لى خالتو نورا
" ياسمين بخير .. مجتش ليه "
قالت
" بخير الحمد لله .. تعبت وطلبنا الدكتور كام مره وخلاص "
قلت
" طيب ودلوقتى "
قالت
" بقت بخير "
قلت
" ومجتش ليه "
قالت
" وانا ايه الى هيعرفنى .. هي قالت انا مش هاروح .. "
ووقفت كلام وقالت لى بصوت واطى
" اسمها حور هي الى جابت الزياره والكلام ده "
قلت
" امم .. طيب خالتو ياسمين مدايقه .. يعنى ممكن متكلمنيش تاني "
قالت
" لأ هي مش هتشوفك تاني اصلا .. لؤه نزلت واتخانقت وقالت ان انت اول ما تطلع هتاخدك وتمشى"
قلت
" انا مش هاروح فى حته معاها .. انا هقعد مع خالتو هي اصلا مين الى قالها "
قالت
" بتقول انها عرفت من الصحافه .. انت ناسي ان ابوك رجل اعمال .. "
قلت
" ده فى لندن ".
قالت
" ما هو كلو بيكتب عن كلو .. وانت اصلا امك صحفيه يعنى كده كده كانت هتعرف والموضوع كان هيبان .. ده الصحافه مسبتش بدر "
قلت
" طيب خلاص اسكتى .. روحي نكدى على ابنك شويه".
بصيت على خالد وحور الى كانو بيكلمو بعض ولقيت حور ابتسمت على كلام خالد وقال خالد
" عمرو دياب بيقول .. ضحكت يعنى قلبها مال "
قالت
" وعندى انا بيقول ضحكت يعنى دمك خفيف وخلاص"
قلت
" قوم يا خالد روح كلم مامتك "
قال
" اه يعنى عاوز تكلم حور ".
قلت
" قوم اخلص "
قام وراح جنب خالتو نورا وانا قعدت جنب حور وقلت
" ايه الى جابك "
قالت
" جيت علشان اشوفك دى اول حاجه .. وتاني حاجه علشان انا قلت لى خالد ان انا هزوره فى السجن "
قلت
" طيب متجيش تاني .. "
قطعت كلامى وقالت
" ليه .. متخافش عليا "
قلت
" مش لازم تدخلى .. وهخاف مخفش ليه انا مبحبش كده .. وبعدين ايه الى هيجرلانا متخافيش .. متجيش تاني "
قالت
" حاضر "
قلت
" ليل عامله ايه "
سكتت شويه وبعد كده قالت
" هي بخير .. كويسه وقابلت ياسمين زى ما انت كنت عاوز وقعدت معاها .. بس اكيد المقابله مكنتش زى ما انت عاوز لأنها كانت بتصبر فى ماما ياسمين "
قلت
" ودلوقتى سافرت ".
قالت
" لأ .. قعدت هنا وراحت تزور عمها "
قلت
" وابن عمها الى كان متقدملها "
قالت
" ما انا بقى كنت عاوزه اعرفك حاجه .. هو اتقدملها تاني .. وعمي فضل يقولها وافقى واقعدى هنا .. "
قلت
" وافقت "
قالت
" لأ لسه "
قلت
" الكلام ده من امتى "
قالت
" من اول امبارح "
قلت
" وافردى وافقت "
قالت
" متخافش اكيد مش هتوافق .. هي بتحبك .. هي قالت ليا "
قلت
" لأ هتوافق ... وهي هتسنانى سنتين "
قالت
" معرفش يا فارس .. لما تبقى تخرج نبقى نشوف "
وقفت وقلت
" طيب يلا امشى "
وبصيت لى خالتو نورا وقلت
" خلى بالك من ياسمين "
وقف خالد وقال
" سلام يا ماما .. خلى بالك من نفسك يا حور "
ودخلنا من تاني .. ويارتني مخرجت اشوف الزياره
قعدت وقعد خالد جنبى وقال
" رجعنا تاني لى وش زعيم العصابه "
قلت
" اسكت يا خالد "
وقف قدامنا راجل وقال
" قوم من هنا انت وهو "
وقف خالد وقال
" اسفين .. يلا يا فارس "
قلت
" لأ انا مش هقوم .. مش مكتوب هو بأسمك "
قال الراجل
" لأ اسمى مكتوب عليه "
قلت
" طب انا مش هقوم "
وشديت خالد وقعدته جنبى مسكنى الراجل من هدومى وقال
" انا قلت قوم يعني قوم "
قمت وضربته بونيه فى وشه وهو بدأ يضربنى وبقيت المساجين بدأت تحجز ما بينا ....