( الفصل السادس )
فضلت اقرأ وخلصت كتاب وبدأت فى التانى
وهو قاعد جنبى بيشرب عصير ليمون
بصيت عليه وهو بيشرب فحط كوبايه قدامى وقال
" خدى اشربى "
قلت
" لأ يا بدر واسكت بقى "
فضل يضحك وقال
" طيب .. كملى يلا "
قفلت الكتاب وقلت
" لأ مش هكمل كفايا "
قال
" لأ هتكملى يا ياسمين .. النهارده كتابين وبكرا كتابين"
قمت وقفت وقلت
" لأ انا تعبت على فكره "
اخد الكتاب وقال
" هقرأ انا يا ياسمين "
وفضل هو يكمل قراءه ويشرحلى
وبعد ما خلص الكتاب طلع موبايله وقال
" وهبعتلك ملخصات برضو على الواتس اب "
قلت
" واتس ايه "
وقف وقال
" صح .. واتس ايه الى انا بقول عليه .. انتِ معاكِ تليفون اصلا "
قلت
" اه .. انا ونورا مشتركين فيه "
بص على الأرض وبعد كده عليا وقال
" طبعا معندكيش تليفون ليكِ لواحدك "
قلت
" لأ "
قال
" طيب .. قومى يلا روحى على بيتك .. وانا هاروح مشوار "
طلعت برا البيت وهو اخد الهدوم الى اشتريناها وقال
" خدى يا ياسمين "
وسابنى ونزل وهو بيقول
" اشوفك بكرا "
وانا قبل ما افتح الباب
لقيت عمو عمار فتح باب الشقه وشدنى لى جوا وقال بزعيق
" يعنى هو جايب عربيه ليه .. وبيقولك تحبى اجيبلك عربيه تقولى لأ .. هو حد يكره ان يبقى معاه عربيه "
سبت الهدوم والحاجات على الأرض وقلت
" انا حره انا مش عاوزه عربيه .. وبعدين هو جاب حاجات كتيره جدا .. وانا اصلا مبعرفش اسوق "
مسك الحاجات من على الأرض وقال
" مبتعرفيش تسوقى .. عادى .. كنا نبيع العربيه وناخد فلوسها "
قلت
" هو كل حاجه نبيع وناخد فلوسها .. وبعدين مش اسمها ناخد فلوسها .. اسمها انتَ تاخد فلوسها "
قال
" خلاص .. هنبيع الهدوم دى "
قلت
" اعمل فيهم الى انتَ عايزه .. انتَ حر "
ودخلت الأوضه وقلت لى نورا ان انا اشتريتلها
هدوم
وطلعت هي اتصرفت واخدت الهدوم من عمو عمار
وجت وفضلت تشوف الهدوم وتتفرج عليها وكأنها اول مره تشوف هدوم
وقفت لؤه تبص هي كمان على الهدوم وقالت
" اشترتيهم بكام "
قلت
" بعدين هبقى اقولك .. بس انا دلوقتى عاوزه اناام "
*****
{ اليوم التالى }
" قدمتلها شغل فى شركه .. واشتريت ليها هدوم .. ونظارة شمس وموبايل .. حاسس ان فى حاجه كمان "
رد عليا احمد وهو بيضحك
" اه انا عرفت ناقص ايه .. تجهزها "
ابتسمت وقلت
" ياسمين طيبه جداً .. دى شايله كل حاجه فوق طاقتها "
قال
" هو كل حاجه تمام يا بدر .. بس انتَ اشتريت موبايل ليها .. وانا مافيش حاجه ليا "
ابتسمت وقلت
" انا اشتريتلك مضرب تنس على فكره "
قال
" بس كده جاى على نفسك اوى "
قلت
" انا كده حملت الواتس اب .. وبعتلها كل حاجه .. اديها بقى ازاى الموبايل "
قال
" هو انتو مش هتتقابلو تانى "
قلت
" لأ .. هنتقابل النهارده .... المفروض
اشوفها فى ملعب التنس "
قال
" ونفترد ان هي مجتش "
قلت
" لأ هتيجى .. هي المفروض وراها تمرين تنس .. هديها الموبايل واعرفها رقم تليفونها الجديد .. وافهمها ازاى تتعامل عليها وتكمل مذاكره "
قال
" كويس .. انتَ بقى مش ناوى تتعلم تطبخ لى نفسك "
قلت
" مش لازم .. ما انا باكل وساعات بطلب دليفري "
قال
" يا بدر انتَ بتاكل ايه .. ده عيش توست ومربى او جبنه رومى .. والدليفرى والأكل من برا كل شويه غلط"
وانا احتمال اسافر ومش هعرف ابقى معاك اعملك كل الى تطلبه "
قلت
" هتسافر امتى "
قال
" بعد يومين "
قمت وقفت واخدت المضرب بتاعى وقلت
" خلاص .. من اول النهارده وانا هتعلم الطبخ .. النت مخلاش حد ميعرفش حاجه "
وفتحت الباب وهو ورايا ومشينا رحنا الملعب
وكنا نلعب مره وابص على الساعه
هي اتأخرت النهارده .. ممكن يكون جوز مامتها ده دايقها ومخلهاش تنزل ..
أنت تقرأ
كان لك معايا .
Romansaالحب الأول يكون له مكان اخر فى القلب نتذكره كثيراً حتى اذا قلنا لن نتذكره لن ننظر الى صوره مره اخرى ولكن رغم كل ما تفعله فسيكون صعب نسيانه .. ____♡ رجعت ليكم بعمل جديد رواية / عشقتها حتى موتها . روايه بالعاميه . بقلم / ندى مجدى عبد الرازق . ( ن.م)
