كان لك معايا .

صديق اليوم عدو الغد ٣٣

( الفصل الثالث والثلاثون )

" مبروك يا لؤه بجد فرحانه "
ابتسمت وقلت
" وانا مبسوطه يا كنزى ان انتِ معايا "
قالت
" فين الدبله "
قلت
" مع ياسمين "
قالت
" طب ايه امتى هيبقى الفرح "
قلت
" لسه بدر مقلش .. بس انا قلت لى بدر ان احنا هنعمل الفرح ونسافر على طول فى نفس اليوم "
قالت
" طيب .. هنادى اختك تدي بدر الشبكه "
رحت قعدت جنب بدر الى كان احمد عمال كل شويه يتكلم فى ودانه قعدت وقلت
" احمد .. كفايه كلام .. مش حتى فى الخطوبه "
ضحك احمد وقال
" كنت بقوله ان كنزى دايقتنى واحنا جايين الخطوبه "
قلت
" وهو ايه الجديد "
جت ياسمين وجنبها كنزى ووقفت قدام بدر .. بص عليها بدر واتغيرت ابتسامته .. ابتسمت ياسمين وقالت
" الف مبروك "
اخدها بدر منها وقال
" الله يبارك فيكِ "
وبص ليا بدر وقال
" ايدك "
مديتلو ايدى واخيرا لبسنى خاتم الخطوبه .. وبصيت على ياسمين لقيتها بتمسح دموعها ..
قال احمد
" ايه يا ياسمين بتعيطى من الفرحه "
قال بدر
" احمد .. ممكن تسكت "
قلت
" ياسمين .. شكرا .. وانا بحبك اوى "
ابتسمت ياسمين وقالت
" وانا اكتر "
قالت كنزى
" عقبال الفرح "
قلت
" ان شاء الله "
وجت نورا وقالت
" اقفو علشان تتصورو "
وقفنا ووقفت جنبى ياسمين واتصورنا
وخلصت الخطوبه واحمد اخد نورا وكنزى وياسمين جت معانا .. فضلت ساكته ةهي قاعده فى العربيه لغاية ما قلت
" عقبالك يا ياسمين .. تلاقى الى يقولك بحبك وتتجوزيه "
ابتسمت وقالت
" الحب مش بكلمة بحبك يا لؤه .. نزار قبانى قال قيمتك او حبك عند الشخص تعرفها من محاولته الى يبذلها علشانك ومش من كلامه "
بصيت لى بدر وقلت
" بدر .. انت عملت ايه علشانى "
قال
" هبقى اعمل يا حبيببتى لسه المستقبل قدامنا "
بصيت لى ياسمين وقلت
" المهم لقيتى الى بذل علشانك ولا لسه "
قالت
" لسه "
قال بدر
" لسه اه .. هتقابليه بعدين .."
قطعت كلامه ياسمين وقالت
" اسكت انت يا بدر وركز فى السواقه "
ضرب ايده ضربه خفيفه فى الدركسيون وقال
" حاضر .. حاضر يا ياسمين "
ضحكت وقلت
" احترم حماتك يا بدر بعد اذنك "
قال
" طيب .. ايه رأيك نروح بكرا السينما "
قلت
" ماشى هيبقى .. "
قطعت كلامى ياسمين وقالت
" سيلما ايه الى هتروحها "
قال بدر
" اسمها ايه يا ياسمين "
قالت ياسمين
" سيلما او مش عارفه انت بتتريق  يا بدر "
ضحك بدر وقال
" اه يا ياسمين .. اسمها سينما بالنون .. زى لندن هاا"
قال ياسمين
" ماشي ".
ابتسمت وقلت
" قولى كده اسمها ايه "
قالت
" حاضر يا ست لؤه .. اسمها سينما .. حلو كده "
ضحكت وقلت
" شاطره "
قالت ياسمين
" بقولك يا لؤه .. ممكن تشغلى ام كلثون "
بص ليها بدر وقال
" اه ماشى .. فهمت "
قلت
" فهمت ايه "
قال
" فهمت ان هي المفروض يبقى اسمها ام كلثوم .. يعنى كنت بستوعب فاهمه "
قلت
" فهمت اه .. بس لأ يا ياسمين ام كلثون .. اقصد ام كلثوم لأ .. ممكن نشغل فرنسى "
قالت ياسمين
" براحتك "
وقف بدر العربيه وقال
" يلا ".
نزلت ياسمين من العربيه .. بصيت لى بدر وقلت
" انا مبسوطه ان انا معاك .. وعاوزه اقولك ان انا بحبك جدا جدا "
ابتسم وقال
" وانا برضو بحبك يا لؤه "
لقيت ياسمين بتفتح باب العربيه الى انا قاعده فيه وقالت
" انزلى يا لؤه يلا يا حبيببتى "
قلت
" ياسمين احنا بقينا مخطوبين "
قالت
" لما تكتبو الكتاب .. يلا انزلى اخلصى "
نزلت وقلت
" حاضر "
وقلت لى بدر
" سلام .. اشوفك بكرا "
قالت ياسمين
" مش هتشوفيه "
ضحك بدر وقال
" سلام يا ياسمين "
مردتش ياسنين وقفلت باب العربيه وشدتنى وطلعنا لى الشقه واول ما دخلنا الشقه خلعت الجزمه وقالت
" عقبال الفرح يا لؤه "
قالت نورا
" ياسمين .. كل سنه وانتِ طيبه "
بصيت لى نورا وقلت
" عيد ميلادها "
قالت
" اه .. طبعا ما انتِ متعرفيش حاجه "
قالت ياسمين
" وانتِ طيبه يا نورا .. ومش لازم تردى عليها يا لؤه"
قلت
" مش هرد عليها "
ودخلت الأوضه ورنيت على بدر وقلت
" عاوزه اعمل عيد ميلاد لى ياسمين ".
قال
" ماشي .. سيبينى اظبط الدنيا "
قلت
" لا مش انت .. ياسمين مش هتوافق لو انت وهتتخانق معايا "
قال
" ليه .. هي قالتلك حاجه عليا "
قلت
" لأ يا بدر .. بس هي مش مستلطفاك "
قال
" انا .. مش مستلطفانى انا "
قلت
" اه يا بدر .. انت زعلت ولا ايه انا مكنتش اقصد .. هي بس مع الوقت هتحبك زى ما انا حبيتك .. "
قطع كلامى وقال
" لأ وتحبنى ليه .. عادى كفايه ان انتِ بتحبينى .. انا لازم انام بقى "
قلت
" طيب نتكلم بكرا .. تصبح على خير انا برضو تعبانه وهنام "
قال
" ماشى يا قلبى سلام "
وقفل .. وانا غيرت هدومى ونمت ..

                           *******
" مش هتدخلى تنامى يا ياسمين "
قلت
" لأ يا نورا .. مش عاوزه انام الجو حلو اوى فى البلكونه .. وانتِ عرفاني بحب هوا الليل "
قالت
" انتِ حره .. انا هدخل انام "
سابتني ودخلت وانا فضلت واقفه افكر فى حياة لؤه الجايه .. مبسوطه ان هي قابلت واحد زى بدر .. ومبسوطه اكتر ان بدر قابل البنت الى شبهه بجد ..
" ياسمين "
بدر
بصيتلو وقلت
" هممم "
قال
" انتِ بتكرهينى "
قلت بأستغراب
" ايه السؤال الى اغرب منك ده .. مش هجاوب .. ملكش دعوه .. وبعدين انت مش تعبان ادخل نام "
قال
" انتِ ليه بتقولى لى لؤه ان انتِ مش مستلطفانى .. مع ان انا عمرى ما اتكلمت قدام لؤه عليكِ وحش ابدا ..
انا كنت لما بقعد فى البلكونه دى قبل ما اسافر كنت بتمنى اشوفك .. كنت بفتكرك فى رواية 'خوف ' لما كتب اسامه ' اريد ان يتوقف الزمن وتصاب الأرض بالشلل وتتوقف عن الدوران ويغمض الوقت عيناه عليك وينسانى معك ' .. كنت بحب اقرأها هنا .. فى المكان ده وابص على البلكونه بتاعتك .. "
قطعت كلامه وقلت
" انت بتقول الكلام ده ليه دلوقتى "
قال بنرفزه
" انتِ ازاى بالطريقه دى .. ازاى بتقدرى تتخطى الأمر .. انا حاولت صدقينى "
ابتسمت وقلت
" انت اتخطيت يا بدر .. شويه وهتسافر وهتشغلك لؤه وهتنسي ".
فضل ساكت وهو باصص عليا وبعدها قال
" طيب وانتِ "
قلت
" انا ايه .. انا هفضل هنا يا بدر .. ولو على النسيان فهنسي .. الموضوع سهل انا متهيألى اصلا نسيت  "
قال
" سهل وكمان نسيتى .. مظنش يا ياسمين .. انتِ كذابه
انتِ بتدايقى لما بتلاقينى مع لؤه لواحدنا .."
قطعت كلامه وقلت
" اختى وخايفه عليها "
قال
" خايفه عليها منى .. انتِ يا ياسمين لو مكنتيش واثقه فيا زى ما قلتى قبل كده مكنتيش هتوافقى على حاجات كتيره اوى حصلت زمان .. وثقنى فيا ليه لما قدمتلك على شغل .. مخفتيش ليه مش ممكن اكون كنت بضحك عليكِ ساعتها .. انتِ واثقه فيا بس بتكابرى .. انتِ بتعملى كده فيا علشان خاطر انا اعترفتلك بحبى وانتِ مكنتيش بتحبينى .. "
قطعت كلامه وقلت
" بدر .. انت دلوقتى لابس خاتم خطوبه .. والخاتم التاني مع اختى .. انا اختى بتحبك .. وبطل الكلام ده خلاص .. انسي "
قال
" لأ مش هنسي يا ياسمين .. ولو قلت لك هنسي هبقى بضحك عليكى "
قلت
" طيب .. انت هتتعامل عادى .. من اول بكرا اعتبر نفسك جوز اختى يا بدر .. وانا هتعامل برسميه وانت برضو اعمل كده .. ومحدش يفكر التاني بالماضى .. علشان ده بيوجعك .. "
قطع كلامى وقال
" وبيوجعك انتِ كمان "
قلت
" يا بدر ملكش دعوه بيا .. انت ليه مستفذ .. انا بكلمك فأنك تتغير معايا .. وانا هساعدك .. وهتساعدك اكتر لؤه والسفر "
قال
" بتكرهينى .. ردى "
مسكت مشبك وفضلت ارميه عليه واقول
" يا ابنى ملكش دعوه .. مافيش حد بيسأل اخت مراته كده "
قال
" طيب جاوبينى "
قلت
" لأ .. وقولك .. خليك كده .. واقف انا هدخل انام "
قال وانا داخله من البلكونه
" ماشى نامى .. ورينى هتعرفى تنامى ازاى "
رجعت البلكونه تاني وحدفت عليه شوية مشابك وقلت
" هنام عادى زي البنى ادمين "
قال
" طب والله ما انتِ واخده المشابك دى "
قلت
" مش عوزاهم "
وسبته ودخلت بسرعه قبل ما اسمع منه اي حاجه تانيه تدايقنى ..