كان لك معايا .

بدايه جديده ٥٥.

( الفصل الخامس والخمسون )

{ بعد قضاء مدة العقوبه }

" لأ متنزليش .. مش هاروح انا معاكى فى حته ".
قالت ماما
" لأ مش بمزاجك هو "
قلت
" وانا مش عيل صغير علشان تخدينى معاكِ وخلاص هي كانت فتره وعدت "
قالت
" شوفت انت بقيت بتتكلم ازاى .. اسلوبك بقى وحش فى الكلام "
قلت
" ماما .. انا اسلوبى هو هو متغيرش .. انا مافيش حاجه بتغيرنى "
قالت
" باباك كلمك على كنوز "
قلت
" لأ ".
قالت
" والله مكلمكش "
" لأ مكلمنيش "
قالت
" كذاب "
قلت
" اه كذاب .. مش هتجوز انا كنوز .. وبعدين هي كبرت امتى علشان تنجوز انا مش سيبها وهي عندها ثلاث سنين "
قالت
" وهي هتفضل عندها ثلاث سنين "
قلت
" طيب ياماما .. علشان اخلص علشان انا عاوز انام
انا مش هسافر لندن ومتتعبيش نفسك واستمتعي انتِ ولو على جوازى فلسه بادرى .. لسه هاا "
قالت
" خليك قاعد مكانك ما انت فاشل "
قلت
" ايوا صح .. انتِ عندك حق انا فاشل .. سلام "
قفلت معاها لقيت ياسمين بتقول
" كنت تسافر معاها "
قلت
" ايه بتستغني عنى بسهوله "
قالت
" مش بسهوله .  بس انت يا فارس يا حبيببى مكانك هناك فى لندن .. هناك هتبقى مرتاح اكتر وسط باباك ومامتك .. "
قطعت كلامها وقلت
" انتِ بابايا ومامتى .. انتِ كل حاجه .. خلاص كده هحتاج لأيه تانى "
قالت
" لى حاجات كتير .. انت محتاج تشتغل .. "
قلت
" متكمليش خلاص .. انا مش هشتغل ولا هعمل حاجه خلاص بقى "
كانت هتتكلم تاني قمت فتحت باب الشقه وقلت
" انا ماشي .. سلام "
نزلت من العماره وفضلت امشي على النيل .. وبعد كده وقفت شويه وفضلت باصص على النيل ولقيت حد واقف جنبى بيقول
" فارس "
بصيت لقيته ولد كان معايا فى الكليه
ابتسمت وقلت
" محمد .. عامل ايه "
قال
" انا بخير .. انت عامل ايه "
قلت
" بخير "
قال
" ايه .. بتشتغل فين ولا ايه الأخبار "
سكت شويه وبعد كده قلت
" كنت بشتغل بس وقفت شغل وكده .. وانت "
قال
" والله كل الدفعه راحت اشتغلت فى شركة سالم "
قلت
" سالم  مين "
قال
" الى كان معانا فى الدفعه .. الى كان صاحبك اوى الى كنتو دايما تتخانقو مع بعض وبعد كده تتصالحو بعد خمس دقايق .. سالم يا ابنى الى هو .. "
قطعت كلامه وقلت
" خلاص افتكرته .. اسمه سالم علي "
قال
" ايوا هو ده "
قلت
" ماشى .. اشتغلتو عنده يعني ".
قال
" اه .. هيخطب النهارده مش هتيجى "
قلت
" لأ .. مش هاروح "
قال
" ليه يا اخى .. بالمره تفوق شويه من جو الحزن الى انت فيه "
قلت
" ماشى هشوف "
قال
" على فكره مش هتشوف .. ده اكيد .. هستناك الننارده تحت البيت .. مش انت لسه قاعد فى بيت خالتك "
قلت
" اه "
قال
" خلاص .. هعدى عليك .. انت كده كده قريب منى"
قلت
" ماشى "
قال
" اسييك انا بقى .. عاوز حاجه "
قلت
" لأ شكرا .. سلام "
ومشى وانا كمان مشيت ورحت البيت فتحت باب الشقه لقيت ياسمين قاعده على الكنبه الى فى وش باب الشقه فضلت باصص عليها وهي كمان باصه عليا
ابتسمت وقلت
" ايه .. بتحبى فيا ".
ابتسمت وقالت
" لأ .. بس فكرتنى بحد .. ادخل "
دخلت ورحت قعد جنبها ونمت فى حضنها وهي فضلت تلعب فى شعرى قلت
" افتكرتى مين ".
قالت
" مافيش .. "
قطعت كلامها وقلت
" اه .. عرفت خلاص اكيد عمو حسن .. انا اصلا كنت عارف انك بتحبيه "
ضحكت وقالت
" احب مين عمو حسن .. ده اكبر منى بكتير "
قلت
" احسن .. متحبهوش .. متحبيش غيرى .. تعرفى لو خالد بيقول ان هو بيحبك بحس ان انا عيران اوى ونفسي اضربه .. بس بفتكر ان انتِ خالته .. ببقى نفسي يا ياسمين احبسك هنا فى البيت ومش اطلعك ابدا علشان خاطر محدش يشوفك غيرى "
ضحكت وقالت
" ده حب مجنون .. محدش بيحب كده ".
قلت
" لأ في حب كده امال قيس ازاى اجنن بسبب ليلى "
قالت
" ماشى خلاص يا استاذ فارس .. انت على حق "
قلت
" انا مدايق من بابا "
قالت
" من باباك ليه "
اتعدلت وقلت
" علشان خاطر منزلش يسأل عليا ولا حتى يطمن عليا زى ما ماما نزلت .. اه هي نزلت تكلمك ومشيت تاني لكن نزلت علشانى "
فضلت ساكته وعدلت شعرى وقالت
" بص .. هو اكيد مشغول .. بس هو بيحبك .. لو مكنش بيحبك مكنش رن عليك اول ما طلعت .. وانا متأكده ان هو كان نفسه ينزل بس كان مشغول .. ده هو بيحبك اوى "
قلت
" وانا بحبك اوى اكتر من اي حد .. الا شخص واحد بحبه اكتر منك بشويه"
ابتسمت وقالت
" على فكره انت ممكن تدور عليها من اكونت حور "
طلعت موبيلها وفضلت تجيب حاجه وقالت
" امسك .. ده اكونت حور .. ساعت ما انت كلمتنى من عندها هي بعتتلى طلب صداقه وكانت كل يوم بتكلمنى .. ادخل بقى علي صفحتها وجيب اكونت ليل"
اخدت التليفون وقلت
" اكونت .. بقيتى بتقولى اكونت يا ياسمين "
قالت
" ايه يا فارس .. انا يا حبيببى الأنجليزى ده لعبتى من وانا فى سنك "
ابتسمت وقلت
" انتِ هتعرفينى "
جيت اشوف اصدقاء حور لقيتها خافيه الأصدقاء
بصيت لى ياسمين وقلت
" خافيه الأصدقاء "
قالت
" خلاص رن عليها ماسنجر "
رنيت عليها لقيت الرنه مش وصلت وده معناه انها مش فاتها
" مش فاتحه او معندهاش واى فاى .. معرفش "
قالت
" طيب .. استني على بكرا او بعد ساعه او ساعتين "
وقفت وقلت
" بعد ساعه خارج .. واحد صاحبى هيخطب ومحمد اصَر الى انا اروح معاه "
ابتسمت وقالت
"عقبالك "
قلت
" ان شاء الله .. بس انا خايف تحبى عيالى اكتر منى "
ابتسمت وقالت
" مش هحب حد اكتر منك "
سبتها ودخلت
اغير هدومى ولسه كنت هعدل شعرى لقيت محمد بينادى .. دخل خالد وقال
" محمد بينادى "
قلت
" نازل "
قعد على السرير وقال
" هتسيبنى وتمشي "
قلت
" وانا مسافر .. وبعدين ايه الى قعدك .. روح قول لى محمد ان انا نازل "
قام وقال
" الواحد مش عارف يستريح فى بيته "
قلت
" خالد حبيببى انت متعلمتش من اخطائك .. انا بقول قوم شوفه بس "
قال
" حاضر "
وكان طالع برا الأوضه قلت
" خالد .. خد هنا "
وقف وقال
" همم "
قلت
" انا نازل "
وسبته فى الأوضه وطلعت لقيت ياسمين ابتسمت وقالت
" شكلك حلو "
ابتسمت وقلت
" لا ده انا اعجبك اوى "
قالت
" اسكت يا فارس "
ابتسمت ورحت فتحت الباب وقلت
" حاضر .. سلام يا عمرى "
ونزلت لى محمد لقيته بيشرب كوباية شاى مع عمو حسن
ابتسمت وقلت
" يلا يا محمد "
وقف وقال
" ماشى شكرا يا عمو حسن .. شكرا يعنى كوباية شاى تهبل"
قال عمو حسن
" العفو على ايه "
قال محمد
" كل ده بتنزل "
مسكته من ايده ومشينا وقلت
" ما انت شربت كوباية شاى اهو "
ضحك وقال
" طيب هنركب تاكسي "
وقف تاكسي وركبنا ونزلنا قدام بيت سالم .. او بمعنى اصح الفيلا بتاعته
قلت
" عملها فى الفيلا بتاعته "
قال
" هي دى فيلا مش قاعه "
ضحكت وقلت
" اه .. "
ابتسم وقال
" ما انا عارف يا اخى انا بضحكك "
دخلنا الفيلا ومنكرش ان شكلها جميل جدا .. وشفت احمد وحسين وابراهيم و بقيت الدفعه كانو موجودين
واخيرا شوفت سالم .. رحت وقفت وقفت قدامه وقلت
" عامل ايه "
اخدنى بالحضن وقال
"الحمد لله "
قلت
" المزيكا هاديه اوى مش سامعك "
ضحك وقال
" اه ما انت عارف بابا .. مستحيل نعمل زى بقيت الناس احنا مختلفين "
ابتسمت وقلت
" هتتجوز مين .. اسماء "
قال
" لأ .."
قلت
" مين خديجه "
قال
" لأ .. في ايه يا عم فارس هو انت لسه فاكر اساميهم .. وبعدين دول اتجوزو دلوقتى خلاص "
ابتسمت وقلت
" طيب انا هاروح اشوف محمد "
سبته ورحت وقفت مع محمد
" ايه رأيك فى البنت دى "
قلت
" ايه خالتو ياسمين كلمتك او حاجه "
قال
" لأ والله .. كنت بتكلم معاك عادى "
ابتسمت وقلت
" لأ .. مش عجبانى .. ومش عجبنى حد .. واسكت يا محمد "
قال
" طيب يلا نروح نقف مع محمد "
كنت رايح معاه لكن لقيت ليل واقفه بتتكلم مع بنت
ايوا هي ليل انا متأكد
سبت محمد ورحت ورا ليل
وابتسمت وقلت
  " احم "
اتغيرت ابتسامة ليل لما بصيتلى وقالت
" فارس "
قلت
" انا كنت لسه بجيب سيرتك لي ياسمين "
بصيتلى وفضلت ساكته ولقيت حور وقفت جنبها وبصيتلى بأنهداش وابتسمت وقالت
" فارس .. ايه ده عامل ايه "
قلت
" انا بخير "
قالت
" تعالا هقولك حاجه "
كنت هاروح معاخا لقيت سالم وقفنى لما ندانى وقال
" فارس .. "
بصيتلو وقلت
" امم "
شاور على ليل وقال
" اعرفك بنت عمى و خطيبتى ليل "
بعيداً عن جسمي الى سِخن بس بصيت لى ليل وبعد كده عليه وابتسمت وقلت
" مبروك .. يا سالم "
قال
" الله يبارك فيك "
وبص لى ليل وقال
" اعرفك ب فارس  كان صديقى الصدوق ايام الكليه "
ابتسمت ليل وقالت
" تشرفت بمعرفتك "
وبص لى حور وكان لسه هيتكلم
بس قطعت كلامه حور وقالت
" هو عرفنى .. قابلنى قبل كده فى مكتبه .. بعد اذنكو"
وشدتنى من دراعى وطلعتنى فى جناين الفيلا وقالت
" كنت هقولك والله بس معرفتش او مقدرتش "
ابتسمت وقلت
" تقولى لى على ايه اصلا ميفرقش عندى "
وسبتها ودخلت الفيلا وقلت لى محمد
" انا همشي "
قال
" مش هتقول لى سالم طيب "
قلت
" هو فين ".
قال
" استناه .. هو فوق بيكلم باباه "
قلت
" لأ مش هستني انت تبقى تقوله ".
وسبته ومشيت برا الفيلا واول ما وصلت على الجناين
سمعت صوت ليل بتنادى عليا
وقفت وبصيتلها لقيتها بتمشي فى اتجاهى وكانت قربت منى بس وقعت رحت لها وقومتها وقلت
" فستانك اتبهدل يا عروسه "
قالت وهي بتظفه
" ملكش دعوه بفستانى .. بس انا عاوزه اقولك حاجه "
وبصيتلى وقالت
" انا مكنتش اعرف ان هو صاحبك ده اولا .. ثانيا انت حط نفسك مكاني يا فارس انا مكنش ليا مستقبل معاك
انت مكنتش بتشتغل واتسجنت سنتين وطلعت ولسه مكانك .. انت لو كان ليك اخت كنت هترضي بواحد زيك "
ابتسمت وقلت
" انتِ عندك حق .. وانا هقولك اولا وثانياً انا حبيتك بجد .. وانتِ كنت اول حب فى حياتى .. وانتِ قلتى ان اهم حاجه عندك شخصيته او روحه الطيبه .. "
قطعت كلامى وقالت
" انت ليه مش راضى تفهم "
قلت
" انا مش عاوز افهم .. وروحى لى خطيبك يا مرات صاحبي المستقبليه "
وسبتها ومشيت ورحت على البيت فتحت الباب ورزعته لقيت ياسمين طلعت من اوضتها مخضوضه وبتقول
" فى ايه "
قلت
" كانت خطوبتها النهارده "
قفلت باب الأوضه ووقفت قدامى وقالت
" هي مين دى "
قلت بنرفزه
" ليل .. ليل اتخطبت .. تخيلى رحت حضرت خطوبة حبيببتى "
شدتني من ايدي ودخلتنى على اوضتها وقالت
" ليل حبيببتك وانت عملت ايه ".
قلت بزعيق وبنرفزه
" هكون عملت ايه .. سبتها ومشيت بتقول ان هي ملهاش مستقبل معايا. "
قالت
" طيب صوتك عالى اوى يا فارس "
قلت بنرفزه
" فضلت تقول الى بيعجبنى شخصية الواحد .. دي كذابه .. دى جرحتني الكذابه .. تشبع بيه "
قالت
" ممكن صوتك يوطى .. انا مش فاهمه منك حاجه "
قلت بنرفزه
" تفهمي ايه مخلاص .. اتخطبت .. كذابه .. وحياة ربنا مهسيبها ..."
قطعت كلامى وقالت
" بس اسكت .. فى ايه لى كل ده .. مخلاص هي حره.. هو مافيش غيرها "
قلت
" اه مافيش غيرها .. بقولك انا كنت بحبها .. وهي راحت تتخطب ومفرقش معاها انا .. كنت انا كل يوم بفكر فيها .. لكن هي ايه .. تلاقينى مكنتش فى الحسبانه ... انا غلطان ان انا اتسرعت واعترفتلها بحبي"
ورحت مسكت المضرب الى جابته لى ياسمين وفضلت اكسر فيه وقلت
" بنى ادمه كذابه ومخادعه .. ميهمهاش غير نفسها وبس انا بكرها بكرها بكرها "
فضلت ياسمين تعيط وتقول
" خلاص .. كفايه انا اسفه .. "
قطعت كلامها وقلت بنرفزه اكتر
" وانتِ بتتأسفى ليه .. وانتِ مالك اصلا "
وقعدت على السرير وقلت
" انا كده كده محبتهاش اصلا .. انا هتجوز حور "
مسحت دموعها وقالت
" حور اختها ".
قلت
" اه انا اصلا .."
قالت بزعيق
" لأ مش هتتجوزها .. مينفعش اصلا هتفضل تفكر فى ليل وحور ولا كأنها موجوده اسمع كلامى انا عارفه .. "
قلت
" لأ انا مش فكر فى ليل .. انا اصلا قابلت حور قبل ليل وحبيت حور .. "
قطعت كلامى وقالت
" اسكت انا فاهمه ايه الى هيحصل بعد كده .. انت متعرفش اكتر منى .. انت متهيألك .."
قلت
" لأ هي لازم تتجرح زى ما جرحتنى "
قالت
" وانا مش هسيب ده يحصل .. انت هتتعب انا عارفه.. وده مش هيحصل مينفهش "
قلت
" لأ هيحصل "
قالت
" بس انا مش موافقه .. ومش هيحصل يا فارس "
وقفت وقلت
" متوافقيش بس هيحصل .. انا هكلم ماما و بابا وما هيوافقو .. انتِ مكنتيش امي علشان خاطر توافقى او لأ "
وسبتها فى الأوضه وطلعت برا ..