រឿង 🥀!!ពន្លឺស្នេហ៍ប្រលោមលោកទ្វេភព!!🥀

ភាគទី៨៥ ; ជីវិតត្រូវសងដោយជីវិត!

អានរឿងទៅបងៗកុំរវល់ឆ្ងល់ពីគេ ចម្លែកមែនគេផុសឱ្យពីរភាគអញ្ចឹង🤭!!

៚សាច់រឿង÷

ស្ថិតក្នុងបន្ទប់ដ៏ធំទូលាយដែលជាបន្ទប់អង្គប្រជុំនៃទីស្នាក់ការប៉ូលិស។ ហើយជាធម្មតាដែរពេលបានព័ត៌មានថ្មីៗតែងតែត្រូវមក Update ឱ្យគ្នាទៅវិញទៅមក។

ពេលនេះកំពុងមានការពិភាក្សាគ្នាយ៉ាងតឹងទ្រូង តែក៏អាចថាមិនណាស់ណាពីព្រោះមួយថ្ងៃកន្លងផុតនេះពួកគេស៉ើបបានដំណឹងមួយចំនួនដែរ។

“ករណីមួយនេះច្បាស់ជាមិនមែនជាកាចាប់ចម្រិតមនុស្សនោះទេ ខ្ញុំគិតថាមកពីហេតុផលអ្វីផ្សេងច្រើនជាង អាចថាជាគំនុំផ្ទាល់ខ្លួន!”

“អធិការបានសួរនាំពីរឿងនេះទៅគ្រួសារអាន់ហ្វាដេនីដែរទេ?!”

“សួរហើយ! លោកម្ចាស់ហានក៏មិនបាននិយាយអ្វីគាត់ដូចកំពុងដឹងថានរណាជាអ្នកធ្វើ!”

“ប៉ុន្ដែកាលពីព្រឹកមិញនេះលោកណាមជូនបានទាក់ទងមក គេនិយាយថាសត្រូវខាងគ្រួសារគេគ្មានអ្នកណាជាអ្នកចាប់ប្អូនគេទៅនោះទេ!”

“អាចបញ្ជាក់បានហើយ! ច្បាស់ជាមនុស្សដែលអាល្អិតនោះតែងបង្កជម្លោះនៅក្នុងសាលា ដើម្បីសងសឹក គេគឺចាប់អាល្អិតទៅជម្រះគំនុំ!”

“ករណីមួយនេះពួកយើងអាចដោះស្រាយបានខ្លះហើយ ចំណុចបន្ទប់ត្រូវស៉ើបឱ្យដឹងថាជីមីនអាន់ហ្វាដេនី មានជម្លោះជាមួយអ្នកណាខ្លះនៅសាលា ហ៉ឹមម!”

“បន្ដមកខាងលោកមក យ៉ាងមិចទៅហើយបានតម្រុយអ្វីខ្លះទេ??” សាន់ជុង ងាកមកសួរខាងកម្លោះសង្ហារវិញម្ដង។

“គ្មានអ្វីប្លែកនោះទេ! ប៉ុន្តែខ្ញុំគិតថាមេឃ្លោងនៃការBullyសិស្សគឺទាក់ទងនឹងកូនស្រីត្រកូលគ្រីស៍វ៉ាឃូ!” គ្រប់គ្នាងាកមកសម្លឹងមើលនាយដោយការចងចិញ្ចើម។

“ហេតុអីលោកគិតថាជានាង!?”

“ខ្ញុំផ្អែកតាមព័ត៌មានរបស់លោកម្ចាស់គ្រីស៍វ៉ាឃូ ចំណុចគួរឱ្យចាប់អារម្មណ៍លោកគ្រីស៍វ៉ាឃូបានគម្រាមគំហែងអាណាព្យាបាលរបស់សិស្ស!”

“មេក្រុម! ចង់បានន័យថាឪពុកម្ដាយដែលត្រូវលោកគ្រីស៍វ៉ាឃូគម្រាមក្នុងនោះ...វាអាចមានចំណោមឪពុកម្ដាយដែលមានកូនស្រីត្រូវបានគេBullyដែរមែនទេ!?”