(မြို့အပြင်တစ်နေရာရဲ့ ဂိုထောင်ကြီးထဲတွင်)
"ဒီကောင်မကို!! ကြိုးသေချည်ထားလား ဒီကောင်မကမာယာသိပ်များတယ် ရှင်တို့တွေ တနှာရူးပြီး အခုခုလွဲချော်သွားရင်ဘာဖြစ်သွားမယ်ဆိုတာသိတယ်နော်!! .........."
သိုက်စိုးရှေ့က မိန်းမပြောတဲ့စကားကိုသဘောပေါက်ဟန်ရှိကြောင်း ခေါင်းသာညိမ့်ပြလိုက်သည်။နောက်ကနှစ်ကောင်လည်း မချဉ်မငံအင်တင်တင် မျက်နှာပေးလုပ်နေကြပေမဲ့ ထိုမိန်းမရဲစကားကိုမလွန်ဆန်ရဲသဖြင့်ခေါင်းညိမ့်ပြီးနားလည်းကြောင်းပြကြသည်။ လွန်ဆန်လို့လည်းမရဘူးလေ အခုဒီမှာသိုက်စိုးတို့ အပြင်နောက်ထက်ငှားထားတဲ့ ကြေးစားသသိုက်က အပြင်မှာအသင့်ရှိနေတာကြောင့်ပင် ။
မေ့မြောနေတဲ့ထိုခလေးမကို ထိုင်ခုံမှာကြိုး မြဲမြဲချည်ဟုဆိုကာ တင်းနေအောင်ချည်ထားရလို့ ခလေးမရဲ့ဖြူနုနုလက်လေးတွေမှာ နီရဲကာ သွေးခြေတောင်ဥနေလေပြီ အပေးယူလုပ်မဲ့သူလာရင်ဒီခလေးမကိုဒီ့ထက်ပိုရက်စက်နဲ့နည်းနဲ့ ညင်းပန်းနိုပ်စက် ကြမှာဖြစ်သည်။ပိုက်ဆံယူထားပြီးပြီဆိုတော့ ဘာမှအထွဋ်မတက်နိုင်။ ဒီမိန်းမက ရုပ်လေးလှသလောက် သိပ်ကိုကြောက်ဖို့ကောင်းတဲ့မိန်းမ!!........
ခုံမှာ ကြိုးတုပ်ခံထားရပြီး မေ့မြောနေတဲ့ မိန်းမကိုကြည့်ကာ လရိပ်ခပ်မဲ့မဲ့ပြုံလိုက်မိသည်။ နင်ကငါ့လက်ထဲရောက်လာတော့လည်း ဘာမှသုံးစားလို့မရတဲ့သူဖြစ်သွားတာပါပဲ..............
အို.......ဘယ်ဟုတ်ပါ့မလဲ!! နင်ကရုပ်လေးလှယုံကလွဲရင် တဂယ်လည်းဘာမှသုံးစားလို့မှမရပဲ ဟင်း.........ဟင်း........!!
နင်ဘာလို့အခုထိမသေသေးတာလဲ!! နင်မသေလို့ ငါ့ဘဝကြီးက ကမောက်ကမဖြစ်ရတာ နင်က.......ငါနဲ့ခွန်းမြတ်ရာ,,ရဲ့ကြားထဲကိုဝင်လာပြီး ခွန်းမြတ်ရာ,,ကို ငါ့ဘဝထဲကနေ နှစ်ခါတောင်ဆွဲထုတ်သွားပြီး လရိပ်နွယ်ဆိုတဲ့မိန်းမကိုအရှက်ရအောင်နင်တို့နှစ်ယောက်လုပ်ခဲ့တယ်............. လရိပ်နွယ်ဘဝမှာအရှုံးဆိုတာမရှိဘူး!!.........နင်တို့နှစ်ယောက်လုံးကို ငါလုံးဝခွင့်မလွတ်ဘူး!!
လရိပ် ဦးသီဟနိုင်ဆီကနေ ဘန်နီ,,က လရိပ် တစ်ချိန်တုန်းကအသဲထဲထိမုန်းခဲ့တဲ့ အိမ်ဖော်မ ဖြစ်နေတယ်ဆိုတဲ့အကြောင်းကို သိလိုက်ရ၍ နောက်တစ်ကြိမ်ရှုံးနိမ့်မှုမှာလည်း ဒီမိန်းမဆီပဲဖြစ်တာကြောင့် ပိုပြီးအသဲနာခဲ့သည်။ အစကတော့ လရိပ်နွယ်ရဲ့ပစ်မှတ်က ခွန်းမြတ်ရာ,,တစ်ယောက်ထဲပါ အခုတော့ ပစ်မှတ်ကတစ်ယောက်ထက်တိုးသွားပြီ .....
