عمياء القاسي(تتمة)

353

♡داء انت يا عمياء أم دواء ♡ ..

#رواية: 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

" للقدر كلمة اخرى .. فمن نحن لنتحكم به !! "

غادية فالطريق حادرة رااسها لابسة كسوة كحلة طويلة وطالقة شعرها الأشقر مكام فووجها حتى نبشة او جرح وكأنو عمرها تجرحاات .. تبسمات بحنان منزلة راسها لعندو وهي شاداه من يدو ..
فردوس : أيمن عييتي احبيبة !
كان طفل صغيير بيض البشرة محمر الخدود شعرو لأشقر نازل على عيونو وبعيونو الكحلة الشبيهة لصقر تيشووف قدامو .. كانت حتى هي حولات نظرها للقداام واختفت ابتسامتها وهي تتشووفو واقف قداامها ..بصوت مهموس كلو رجفة قالت ..
فردوس : صقر
كان تيبشووفيهم بحنيين مع حزن كبيير واشتيااق دفيين وعيونو فيهم الف قصة وقصة لو ترجمات كان غايكون عنوانها .. هل لديك قلب يا حبيبتي !! الن تغفري !!
نزلات راسها لعند أيمن وهي تترجف بينما هو طلع راسو عندها وقال ..
أيمن : ماامي علااش هد الراجل تيتعرض لينا ديما شكون هو
بتوتر صرطات ريقها ونزلات هزاتو قالبة الطرييق عطية بالظهر لصقر ..
فردوس : واحد من الناس اولدي .. واحد من الناس
أما صقر فابتساامة مريرة تبعهم إلى كان هذا عقابو هو قابل عليه والوحدة فهد الحالة مقسومة عليهم بزوج عفوا بل ملزوومة .. خشا يديه فجيب السروال وكمل طريقو تابعهم كيف كل مرة !!!

كنت في غيابات الجب بين جدران الوحدة النقص والحرمان كنت كتلك الزهرة التي ذبلت وجفت حتى قبل قبل الأوان !!
زهرة دبلت قبل أن تنعم بالحياة .. ارتويت من كأس الخدلان والاستغلال أيقنت حينها أن قدري محتوم ونصيبي مكتوب .. بين الظلام والنور نسجت فصول حكايتي بين الحب والكره وقفت اتأمل دك القلب الذي ينبض بالعمياء أيقنت حينها أنه للعمياء حيز فيه اتسلمت لقيوده وبرأس منحني طعته أمس اليوم غدا وبعد غد .. نعم صحيييح بعض الجروح لا تندمل .. وبعض الدكريات تبقى في الداكرة في كل لحظة في كل ثانية تذكرنا بالماضي الأليم ورغم هذا رغم ذك فاللقلب رأي آخر ..

حطات مدكرتها فوق ركبتها وتبسمات بفرحة وشافت فيهم كان الجو مشمس وسط الطبيعة الخلابة جالس على ركبتو تيلعب مع ولدو .. أدهم .. اسم كفيل باش يقلب القاسي ويقلب شخصيتو ويبلورها من بدا وجدييد كان تيلعب معاه وهي جالسة وراهم فالكازو ومراقباهم ..
تبسمات بفرحة فور ما شاافت هداية جاايبا لها كأس دالعصير وهي حادرة راسها جنبها بنت فعمر الزهور أو بالاحرى طفلة بيضاء البشرة شقراء الشعر وهي تاتعكل فحوايجها .. شدات من عندها شدى العصير وتبسمات وشافت فهداية..
شدى : فراسك اهداية بنتك ريحانة تتفكرني براسي... اااه على مرارة النقص والحرمان..
جلسات حداها هداية لابسة لبسة تاع الخدم..
هداية : ربي كتب عليا هدشي وانا قابلة بيه، أمكن ربي كيخلصني على شنو درت فالماضي فيك..
حركات راسها بالنفي كتبتسم..
شدى : نساي لفات كيفما نسينا انا ونزار هو تيبغي ريحانة بزاف نتي سمييتها على اسم لمرحومة مو هدشي عمرو ينساه..
هداية : هو سامحني وعطاني خدمة وملجأ أقل حاجة ممكن ندير هي هدي.. سي نزار قلبو بيض تيتهلا فريحانة وكأنها بنتو واخا هي بنت سانتوس..
تبسمات شدى تتمرر يديها على شعر البنية الصغيورة ياللي بعيوونها الزرقة تتشوف فمنحى واحد فبير غااارق كلو ظلام..
شدى : تنتمنى يجي نهار وترجع تشوف تنتمنى ..
تلفت أدهم تيضحك طفل فالسابعة من عمرو كتبان الوسامة فيه من صغرو بعيوون خضراء وبشرة بيضاء وشعر كحل نازل على عينو تيلعب ليه نزار فيه.. لم شفايفو بغيررة وبغضب باين فدوك العيون ياللي ممكن تلمس فيهم القسوة رغم برائتهم وهو تيشووف فشدى تتلعب لريحانة فشعرها.. قال بصوت عالي وقاسي ..
أدهم : العميااااااااااء
تلفتو لييه كلهم باستغراب حولات شدى عيونها لنزار وتبسمات رد ليها نزار الابتسامة وقال بصوت مهزوم كلو فرحة ..
نزار : العمياء والقاسي ..
شدى : (بصوت مهموس ) هل القدر يعيد نفسه ياترى !!

" تمت والحمد لله "
#للكاتبة : Sanae El idrissi
#رواية : عمياء القاسي

شكرا لناس لي تبعو القصة من بدايتها و اليوم تكتب آخر سطر فيها سطر نهى رحلة طويلة بين العمياء و القاسي لي مرو من عقبات و مراحل متنوعة فقصتهم باش تتلخص فحب أبدي.

نبغي نعرف آراءكم فالقصة كلها .

هدي نهاية القصة لكن الجديد قريب هاد المرة جديدي الخاص و قصة من نوعكم المفضل غتعيشو فيها رحلة طويلة و أنا خدامة على كل سطر منها بعناية باش تكون فالمستوى إن شاء الله.