THE PROPOSAL

46

Chapter 46

Bumuntunghininga siya. “Pares ka rin ni Cristian ng ex-BF ko. Ganyan din siya no’ng kaedad mo. Masyadong sentimental. Pareho kami noon, TanTan. Grabe rin akong ma-in-love. Kaya akala ko, kami na talaga. Pero hayun… me asawa na siya sa Dagupan City. Minsa’y nabigo rin ako at naiintindihan kita. Pero gano’n talaga, e. Hindi laging hardin ng mga rosas ang mundong ito.”

Tumango ang binata. “Mabait ka. At ma-unawin pa. Maganda ka di lang sa panlabas. Oo, medyo nga mataba ka pero maganda ka at tayp na tayp kitang tulad ni Judy.”

“Judy?”

“Judy Ann Santos.”

“I see,” aniyang pangiting napatango. Sus, ang korni! “Kamukha pala ako ng paborito mong artista.”

“Oo. At hindi ka tulad ni Ate Myrnang masungit.”

“‘Yong sister mong nasa Singapore?” Tumango si TanTan. “Me itsura din sana yon. Kaya nga lang e masungit. Kaya ‘ayun… ‘alang magkagusto.”

Alin kaya ang mas effective na paraan to avoid the love virus? Katakawan o kasungitan? A, sa donut pa rin ako. “Ano’ng pag-uusapan natin, TanTan?”

“Wala. Sasabihin ko lang na mahal na mahal pa rin kita kahit bigo ako sa ‘yo.” Itinutop nito ang isang palad sa dibdib. “Ang sakit dito, e! Gago naman talaga ako, dati na. Pero mas gago ako ngayon dahil… shit, sa ‘yo pa ako nainlab.”

“Sayang. Love din sana kita. Kaso, huli ka na nga, e.”

“T-totoo? M-mahal mo rin ako?”

“Oo naman. Kaya lang… 18 ka lang at ako’y 24. Okey, wala rin naman ‘yon. Age doesn’t matter, sabi nga. Pero me nobyo na nga ako, e.”

Tumango ito. “Yeah, I understand.”

“Matulog na tayo… me pasok ako bukas.”

Tumango ito. “Sorry. Gusto lang talaga kitang makita ngayong gabi. Di ko maipaliwanag kung bakit. Kasi nga mahal na mahal kita. I promise, ito na’ng huling pamimerh’wisyo ko sa ‘yo. Hindi ito salitang lasing.”

...itutuloy....