ترك بصماته على جسدي

بارت ٣

‏أليس العشق سُلطانًا له الأكوان ترتجفُ،إذا كانَ الهوى عيناكَ فقُل لي كيف أنتصفُ؟.

كُنت أرفض الانتمآء دائِماً لأي قلب لأي مكآن لأي أُغنية و آتيت انت ضارباً بخطوطي عَرض الحآِئط 🖤 .
زينه / راحت رغرفتي ضايجه من حجي امي ماامعقوله يكسر كلبي مصطفى لو مايحبني ماكان طلبني علمود اكون الممرضه مالته افففف ..
طبعا امي تدري بيه احب مصطفى من جنت اصغيرة امي فقيرة وعلى كد حالها مسالمه لدرجه ..
كنت سارحه وسمعت صوت اعياط طفرت من مكاني شفت ابويه لزم امي من راسها راحت ركضت حازلت افتح شعرها كمت ابجي يابه عوفها هو دفعني وكعدت ويضرب بيه اني نمت عليها احميها ....
هو شالني دفعني وكع عليها بالضرب شفت امي بعد ماتتحرك اني اتخبلت راحت اصيح على الناس ساعدونا ساعدونا شفت مصطفى واصدقائه واكفين بالشارع .. اجوي يركضون دفعوا ابويه عن امي مصطفى شاف النبض مالتها هو دنك راسه كتله مصطفى شششكو شبيها امي كلي البقاء الله اني صرت اضحك وابجي بنفس الوقت كتله لاااااا مستحيل مابيها شي امي شلتها خلتها بحضني وكعدت ابوس بيها كتها يوم حبيبتي مااكدرت انقذج من ايد هذا الضالم يمه كعدي حبيبتي منو اليه من بعدج وين عفتني واحدي يووووم كعدي كمت اشلع بشعري وابجي واني مامصدكه مسسسستحيل امي اتعوفني مستحيل كمت على ابزيه وكمت اضرب بيه شويه والتمت العالم واجني النسوان لزمني واني ابجي ومامصدكه لجججججج يوم وين عايفتني اخذني وياج ... بين ساعات قليله اخذوا امي ساعات قليله اختفت فرحه البيت بين ساعات قليله اخذوا روحي وياها اني كنت بغير عالم كنت اضحك وابجي واني مامصدكه من ساعه جنت وياها ياربي ليش مااخذت روح هذا الحقير ليششش اخذت امل من هي الدنيا
مشى العزاء ثلاث ايام واني مو بهي الدنيا باليوم الرابع اجوي الشرطه حققوا بالقضيه وطلع الحقير ضاربها بكلبها واكف كلبها متوفيه طبعا مصطفى واصدقائه شهدوا عليه ودخلوا السجن لمدة ٣٠ سنه بتهمه القتل ....
مر اسبوع واني حابسه نفسي بالبيت لا اكل ولا شرب واحدي كاعده الناس يدكون الباب عليه اني ماافتح ولا اشوف احد
بعد اسبوعين
طلعت من البيت لبسه اسود امشي مثل واحدة ميته مابيها اي حياة شفت مصطفى كدامي اجى كلي السلام عليكم الباقى لله
زينه / حياتك الباقيه عفته امشي لزمني من ايدي
مصطفى / زينه تعالي اوصلج وين رايحه
زينه / واخرت ايده وكتله مااريد راحت امشي وامعتي بعيني ...
وصلت لمستشفى الكل اجى سلم عليه اجيت لبست زي الممرضات وبدئت شغل طبيت عزلت المكتب مال مصطفى هو طب ...
كلي شنو انت اهنا اجابج مو اخذتي اجازه
كتله مااريد ابقى بالبيت كلي وجهج شاحب ماكله شي روحي ارتاحي مبينه تعبانه
كتله مشكور دكتور هذا شغلي واني جاي اشتغل هو عقد حواجبه كلي بكيفج ..
راحت جبت الملفات واني كلش دايخه وراسي يوجعني طبيت لمكتب انطيته الاوراق
كتله دكتور اريد اطلب منك شي
هو عاف الاوراق وباوعلي كلي اتفضلي
كتله دكتور اريد ابطل من شغلي
هو ظل مصدم كلي ليش تبطلين احد زاعجج
كتله لا
كلي لعد ليش كتله اسباب شخصيه
كلي اذا اتبطلين منو يصرف عليج
كتله اني ادبر نفسي
كلي اروحي وفكري زين ولا تتهورين
كتله لوسمحت دكتور هذا قراري الشخصي واني دبرت شغل الحمدالله
كلي شنو هذا الشغل حضرتج
كتله الدكتور احسين عرض عليه اشتغل ممرضه لامه المعاقه
هو كام من مكانه كال شوفي اذا ادخلين بهذا الطريق بعد مااكدرين اطلعين مو عبالج محد وراج وصرتي تصرفين براحتج
كتله انت شنو جاي تحجي
كلي زينه لا ادوخيني لخاطر الله راسي يوجعني واني جاي اتعامل وياي بالحسنى لان امي متوفيه فا كملي شغلج احسن
كتله اني مامحتاجه شفقه منك لو من غيرك عفته وطلعت ابجي الحقير جاي يشفق عليه
هس كلكم اسألون ليش اريد ابطل من المستشفى بسبب انو الكل يحجون ويكولون ابوها كتل امها حتى بدوا يبتعدون عني ومو بس هيج وهم بعض الدكاته الحقراء بدوا يتحارشون بيه طلعت من المستشفى رجعت لبيت طبعا كان اكو راتب مال ابويه تقاعد لان كان موظف وبطل المهم ظليت كاعدة بالبيت اسبوعين عايشه على الاكل الموجود بالبيت حتى المستشفى بطلتها بعد فترة اندك الباب راحت فتحته لكيت ام مصطفى كتله هي طبت سلمت عليه وبوستني واني هم حجت وياي وكلتلي شلونه شغلج كتله تركته كلتلي ليش يمه اني سولفتها كلشي وهي باست راسي وكلتلي بعد كلبي حبيبتي اصلج شريفه حبيتي انتي تعرفين اني ماعندي بنيه واني اعتبرج بنيتي اريدج تجين تعيشين وياي ليش عايشه واحدج بالبيت هذا كتله لا خاف شلون اعيش وياج ......
تبع مع الاسف اذا مااشوف تفاعل راح احذف الروايه شكرا ومع السلامه