عشق .....
هو كام يقلد عليه ويضحك بعدين باوعلي وكال اليه ....
عاجبج اكملين دراسه؟ ....
اني فرحت من سؤاله كتلها بفرح اي عاجبني .....
كال انتي واصله لسادس موو؟ ....
كتله اي وصلت لسادس واصلا كان لازم امتحن بعد شهر .....
كال زين لعد راح اخليج اكملين سادس بس كليه لا مااقبل تر كتلج من هسه مو تنجحين من السادس وطلعين معدل ونوب تاكلين كلبي من هسه كليه مااكو .....
باوعت اله بحزن وكلت بقلبي الحمدالله ياربي مااتكمل الفرحه لازم ناقصه .....
بس الحمدالله على الاقل اكمل السادس هم الشهادة تفيدني ....
كتله الله كريم ....
كلي عفيه حبيبتي بله مااجيبلي موبايلي ؟....
كمت وكفت وكتله وينه ؟.....
كال بالحمام اتوقع ....
راحت لحمام ظليت ادور عليه مااكو ....
رجعت لغرفه كتله مالك مااكو ....
هو طبك حواجبه وكال يبوووو نسيته بالشقه ....
كتله ياشقه ؟....
هو سكت بالبدايه وانوب كال مو كتلج لا اسألين اني مااحب احد يدخل بحياتي ....
اني خجلت يعني مااقصدي شي مجرد فضول هو فشلني ....
كتله بخجل ...
اسفه ...
هو سكت بعدين كال جهزي نفسج لان راح اصير بال٤ هم يادوب نروح .....
كتله اوك ....
هو صعد لغرفه يبدل ....
واني طبيت غسلت ولبست بنطرون وقميص طويل مالت محجبات كولش حلو ....
مااخليت مكياج هواي مجرد كحله وشويه حمرة ....
ظليت ادور عن عباتي ماامتعلمه اطلع بدونها ....
انوب اذكرت مرام اخذتها تغسلها وياه ملابسي ....
راحت لحمام وياه الملابس ادور عليها مااكو ...
طلعت لصاله شفت مالك كاعد بكل شموخ ماشاء الله كولش يشبه محمد ....
افف ياربي كل مااشوف مالك اذكر محمد بس احسه مالك شخصيته وتصرفاته تختلف هواي عن محمد ....
اكلني بعيونه اكل وكلي ها حبيبتي كملتي ؟ ....
كتله اي كملت بس عباتي مااعرف وين اخذتها مرام كالت اغسلها وارجعها ....
كال مااكو داعي تلبسين عبايه اصلا ملابسج مستورة ....
عود من نروح زيارة تلبسيها ....
كتله بس متعودة عليها مااعرف اطلع اذا ماالبسها ......
كال تتعودين عود يله راح اصير بال٥ ونص ....
اخذت جنطتي وطلعت بس احسه نفسي مصلخه ماالبسه شي .....
متعودة على العبايه من كنت صغيرة لحد هذا عمري ماانزعتها .....
صعدت بالسيارة ....
شفت مالك يباوعلي وطابك حواجبه ....
استغربت هذا شبي ...
اخذ كنينس وكلي مسحي المكياج ...
كتله بس هي حمرة شويه وكحله شويه وجهي تعبان لذالك خليت ....
كال بحدة مسحي ....
اخذت الكنينس منه ومسحته .....
ظل طول الطرق ساكت ويشرب جكاير يمكن خلص الباكيت كوله .....
حسيته متوتر ماادري ليش.....
وصلنا لمنطقه كولش حلوة وراقيه ....
وكف سيارته يم بيت حلوة وجبير كولش ....
نزلنا من السيارة ....
وموجود من الحارس يم الباب اول مااشاف مالك ظل يسلم عليه ....
ويحجي وياه بس لهجته مو عراقيه مصريه ....
فتح الباب ومالك لزمني من ايدي ودخلنا اني وياه ....
دخلت لصاله شفت كومه ناس ماادري هم هواي لو اني من التوتر كمت ماااشوف .....
اجوي كلهم يسلمون على مالك وعليه ....
جرني مالك وراه وكعدني ....
شفت نفسها هذي المريه السمينه اجتي كعدت كدامنا ....
باوعتلي وكالت شلونج مااعرفنج شسمج ؟ ....
بعدني ماتجاوبت راسن جاوب مالك وكال الها اسمها عشق ....
هي سكتت اجتي بنيه شويه ضخمه وطويله قدمت العصير ....
اخذت يس كانت نظرتها اليه مااعرف شلون اوصفها تخوف .....
شويه واجوي شباب اثنين كاموا يسلمون على مالك ويسوالفون .....
شويه مااشوف غير اجتي مريه اصيح وتريد تتهجم عليه .....
بنت ********* مااتخافين الله ياا******
اني ظليت واكفه ومصدومه منو هذي؟ وليش هيج تغلط عليه .....
مااشوف غير مالك هجم عليها وجرها من شعرها .....
والله الى يومي هذا ماانسى منظرها ...
من يسحلها مالك من شهرها عبالك حيوان ويجر بي لذبح .....
هذي المرة الجبيرة كامت تركض وراه ....
مااحسه غير واحد لزمني من ايدي حيل انداريت واشوف هذا البنيه الضخمه لقدمتلي العصير وياها وحده سمرة ومبينه اصغر منها .....
باوعتلي بحقت وكالت شنو انتي مااتخافين الله تاخذين رجال من مرته ؟.....
كتلها بتوتر وخوف واتمنى لبالي مو صحيح ....
كتلها يارجال ؟ .....
هي ضحكت وكالت خطيه مااتعرفين يعني حقج ك****** من حظن لحظن ......
لو شفتي عنده فلوس وجلبتي بيه حبي حالج حال غيرج مااطولين يمه غير شهرين .....
بس يشبع منج يطلكج ......
مرجعه لبيته ولمرته والف وحده مثلج سوت هيج بس بالاخير رجع مرته ....
عفيه نسوان******* بس يريدن فلوس .....
ظليت مصدومه من كولشي بعدني ماامستوعبه شي من صوت هذي المرة لصيح ....
لحجي هذي .....
مااشوف غير مالك طلع وجرني من ايدي ....
صعدنا بالسيارة .....
واشوف قميصه وايده كوله من دم هذي المسكينه .....
مااكدرت احجي اي شي خفت من منظره كدامي ....
رجعنا لبيت اني راسن راحت لغرفتي ....
سديت بابا الغرفه وكعدت ابجي شنو هذا الحظ العندي ....
صدك جذب كل مااكول يالله تنسد بوجهي ....
ياربي شلون معقوله اني انسانه ظالمه واخذت رجال من مرته ....
معقوله قاسم جبره يزوجني واخذته من عائلته ....
اتخبلت من التفكير ومنظر هذي المرة من يسحلها ابدا ماافارق تفكيري ....
طلعت من الغرفه شفته كاعد يشرب جكاير ....
وكدامه بطل عرك .....
كعدت كدامه وكتله مالك انت مزوج ؟ ....
جر نفس قوي وكال اي مزوج عندج مانع ....
صرت ابجي وكتله اني اخذتك عن عائلتك وجبرتك تزوجني .....
اشر بيده عود تعالي كعدي يمي ....
كمت كعدت يمه هو خلى راسه على رجليه ....
وكال لا اني محد يجبرني على شي اني كان حاب ازوجج واني اقترحت على قاسم ازوجج .....
واني مااخذتني من عائلتي اني بالاصل مااعندي عائله هذولي كلهم ك***** همهم الفلوس ....
كتله زوجتك ليش عايفها هناك يعني ليش مااتعيش وياك ؟.....
شوفي هذي مااعدها كرامه اطرد بيها وترجع وحدها قبل شهر هم ذبيتها بيت ابوها وهسه هم رجعت ...
كتله ليش اطرد بيها ؟.....
كال مو خوش انسانه طماعه وادور مشاكل عبالها تقيدني ......
اصلا زواجي منها كان غلط بغلط ....
كتله بستغراب ليش غلط ....
كتل ولو مااحب احد يدخل هواي بس راح ارضي فضولج ....
كان عمري ٢٠ ومراهق يعني وطايش ....
وهذا ك****** ظلت تستعرضي نفسها كل مااتجي لبيت ....
عاد اخذتها ومن عرف ابوها انجبرت ازوجها .....
كتله بصدمه ليش هي شصير منك ؟ وشلون عرف ابوها؟ .....
كال اصير بنت عمي .....
وهي كالت الابوها لان مااقبلت ازوجها ....
اني ظليت صافنه معقوله اكو هيج شي بنيه تنطي شرفها هذي لو اني وعرف ابويه يذبحني والله .....
كتله مااعندك جهال ؟......
كال لا مااحبهم واصلا تلعب نفسي منهم بس هوسه ....
كتله ليش يعني مااطلكها اذا مااتريدها ؟ يعني تعوفها اشوف حياتها ....
كال لخاطر عمي وكافي سدي الموضوع ....
هزيت راسي بمعنى اي ....
غمض عيونه وكال ساعه وكعدني ....
كتله اي .....
ظليت محتارة الشي لسوي صحيح لو غلط معقوله حرام عليه لان ازوجت رجال مزوج ....
بس يعني اني ماازوجته من كيفي هم انجبرت عليه ....
اففف ياربي ليش دائما تخليني مواقف صعبه ليش دائما فرحتي مااتكمل ......
ظليت اباوع على ملامحه البارده ...
ولا عبالك من ساعه كان مثل النار ....
والله يخوف هذا الانسان ولا جاي اكدر افهمه ...
يعني معقوله مثل مااكالت هذي البنيه فترة ويعوفني ...
ماادري اي يجوز يسويها اذا هو يشرب كولشي اتوقع منه ....
وبعدين عادي اذا عافني ارجع يم امي احسن ....
بس لا مااتوقع يسويها ليش يسويها وهو اصلا تزوجني ....
يووو والله دخت .....
حسيت عليه نام ونفسه صار ثكيل ....
خليت ايدي على شعره كان نص شعره ابيض يعني بس مو هواي ....
كان حلو وزايده جاذبيه .....
وخرت ايدي مااحسه غير لزمنها .....
وكعد اني اخترعت عبالي نايم ....
قرب مني وهمس بصوته الخشن يم اذاني ....
مشتاق لحضانج ....
بعدني مااحجي مااحسه غير شالني على كتفه ....
شمرني على الجربايه واقترب مني ....
كلي بصوت خدران افففف والله موتي على ايدج ....
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
