ترك بصماته على جسدي

بارت ٢١

زينه / ثاني يوم اجى وثاب من الصبح وكلي خلي نروح نعقد محكمه كتله مخالف بدلت لحمودي واخذت غراضه كلي راح اودي محمد يم سمر لان حارة عليه وهو اصلا مريض كتله مخالف اخذ محمد لبيته نزلنا من السيارة دك الباب طلعت نور دنكت عليها وبوستها وراحها اجتي سمر هم سلمت عليها اخذت حمودي راحنا عقدنا اني وثاب محكمه وكلي راح اشتري بيت الج وانتي اختاري الاثاث اني ضجت وكتله ليش مانعيش وياه سمر كلي والله ياريت بس خفت انتي ماتقبلين كتله لا بلعكس اني اريد اعيش وياها لان هي مثل اختي كلي مخالف كلي قدمي استقاله من الشغل كتله ليش كلي اني مامقصر عليج بشي واني مااحب مرة تشتغل حالج من حال سمر كتله ماشي اخذني لبيته لكيت حمودي نايم ونور تلعب بوجه وهو نايم وامها اصيح عليها اكول الها عوفي نايم كعدنا على الغداء وسمر مسويه خير من الله كملنا وكمت اساعد سمر واشيل الاماعين كلتلي العصر نطلع نختار الغرفه كتلها ليش مستعجلين كلتلي لا مامستعجلين بس وثاب اخذ اجازه ويريد يكمل كولشي قبل ماتخلص الاجازه كتلها اها اوك لعد العصر نطلع كتلها لعد شلون وين اعوف حمودي كلتلي عوفي هو ونور يم عمتي هي اصلا تحبه كتلها لا خاف ماتكدر اله وعيب كلتلي لا هي مرة قويه وتحب الجهال اصلا نور نص الوكت يمها كتلها ها الله يحفظها كلتلي ابقي منا لعصر ونطلع كتلها لا اريد اروح اغسل وابدل كلتلي غسلي هنا واني انطيج ملابس مني كتلها لا عليمن هسه اكول الوثاب ياخذني لبيت كلتلي هسه تلكين وثاب نام وحارة على حمودي كتلها اي والله كلتلي لعد ابقي وهسه اطلعلج ملابس راحت طلعتلي ملابس منها ودلتني على الحمام طبيت لحمام ماشاء الله اول مرة اشوف هيج شي تصميمه تركي وحلو وكولشي بي والونه ملكيه ذهبي وابيض اصلا البيت كوله هيج لونه غسلت وكملت ولبست الدشداشه مالت سمر بس هي اضعف مني وناعمه اجتي الدشداشه حصر على جسمي ظليت مترددة اطلع لو لا اسحيت كولش وفوكاها ملابسي اتنكعت ماي خليت المنشفه على شعري وطلعت كاعدة امشي بالممر وشفت وثاب كاعد يشرب جكاير ويلعب بالموبايل كمت امشي سريع هو انتبه عليه جرني من ايدي وظل يباوعلي من فوك لجوى وغض شفته وغمض عيونه حيل كلي سمطتي اهلي لزمني من ايدي حيل ودخلني لغرفه كتله وثاب وخر كلي اشش وخر المنشفه من شعري واخذ خصله من شعري ويشتم بيها ويبوس بيها اقترب من ركبتي وباسني برقه واني ارجف ماادري ليش اجوز لان من زمان محد متقربلي دفعته قوي من صدره ردت اركض وهو لزمني قوي من ايدي وايده الثانيه حاوطه خصري وباسني من خدي فتح السحاب مال الصدر وعضني خفيف من صدري اني اتوجعت منه همس يم اذني كلي هذا عقوبه حتى بعد لا ادفعين زوجج باسني من صدري وسد السحابه وطلع اني راسن خليت المنشفه على راسي وطلعت راحت يم حمودي هستوه كاعده وكاعده سمر توكل بي كلتلي نعيما كتلها الله ينعم عليج كلتلي شي وجهج اصفر كتلها ها لا مابيه شي لميت شعري ولبست شال وشفت نور كاعده تقرء واحدها على الرغم هي اول ابتدائي بس ذكيه ماشاء الله كعدت يمها كتلها اقريج حبيبتي كلتلي لا اني اقرء واحدي ماما تكول حتى اصير دكتورة كتلها ان شاء الله حبيبتي اصيرين احلى دكتورة كلتلي سمر زينه انتي تعبانه تنامين كتلها اي والله راحت لغرفه كولش حلوة خليت حمودي بحضني ونمت من التعب اول مرة احلم بفهد عبالك كاعد ويبجي ويكلي سامحيني فزيت مرعوبه رجعت نمت حلمت بيه يريد ياخذ محمد مني واني ابجي واتوسل بي واكول اله الله يخليك فهد لا تاخذ ابني مني واتوسل بي وهو يضحك فزيت واخذت حمودي لحضني وظليت ابوس بيه روح امه وعمرها وكل دنيتي انتي ياروحي الله عوضني بيك الله يريد يريح كلبي بيك ظليت اجي وياه وهو فاتح حلكه حبيبي ونايم بسته ورجعت نمت شويه وكعدتني سمر كلتلي يله كعدي صارت بال٥ كتلها كعدت كلتلي شبيج وجهج اصفر كتلها والله حلمت حلم مو زين كعدت على الجربايه كلتلي خير ان شاء الله شنو حلمتي كتلها حلمت بزوجي السابق جاي وماخذ حمودي مني هي كلتلي لا اسم الله ماكو شي لا تخافين كولش مايصير وحتى لو فكر يموته وثاب لا تخافين مايصير شي كتلها ان شاء الله كلتلي اتعوذي من الشيطان وكومي بدلي كمت بدلت وكملت وشلت حمودي بعده نايم راحت لصاله لكيت وثاب مبدل وسمر هم وموجوده عمتي راحت سلمت عليها وباركتلي اخذت حمودي مني واحنا طلعنا ركبنا بالسيارة سمر كعدت كدام واني وراء وثاب شغل اغاني وصلنا لمنطقه كولش راقيه وحلوة وبدينا نختار غرفه اختاريت غرفه كولش حلوة لونها بنفسجي واسود وسمر كلتله اريد اخذ غرفه لحمودي كلها بكيفج راحت اختارت غرفه لونها ابيض وبيها نقشات اجنن كتلها ذوقج يجنن لزمت ايدي وكلتلي تدرين زينه والله هواي تعلقت بيج انتي وحمودي وحبيتكم والله كل مااجي لهذا المحل اباوع من بعيد واكول هم يجي يوم والله يرزقني بولد وشتريله منه والحمدالله اتحقق هذا الشي اني كتلها هو ابنج وابني وانتي لربتي من اول يوم انولد لهسه شويه وصاحنا وثاب راحنا اله وكلنا امشي نتعشى وناخذ عشى لامي والجهال راحنا لمطعم وطلبنا اكل وفترينا بالمحلات وسمر كلتلي خلي نشتري فساتين لحفله كتلها ياحفله كلتلي وراء مانشد الغرفه وثاب كال انسويلكم حفله قصيدتك ج ونزفج كلتلها شو ماكلي وثاب كلتلي خطيه اجوز نسى تدرين خطيه ابوه هذا الفترة مريض كلتلها ياخطيه الله يكومه بالسلامه شبي كلتلي ظهره خطيه وتدرين هو جبير بالعمر كتلها الله يكومه بالسلامه كلتلي امين ..
راحنا اشترينا شكم فستان وشويه مكياج وثاب كال اتاخرنا خلي نرجع وصدك والله رجعنا لبيت وعتذرت من عمتي لان اتاخرنا كتله اعتذر اكيد عذبج حمودي كلتلي لا والله كضاها بس نوم بس كعد مرتين شربته حليب ورجع نام كتله والله شكرا عمه عذبتج كلتلي لا عادي يمه وصدك شلت حمودي واخذت غراضي ورجعني وثاب لبيت يم واحد مايرتاح الا بيته طبيت فتحت الاضويه وبدلت وكعد حمودي غسلت اله وبدلت له وكلته وظل يلعب واني هم اكلت شويه وظليت كاعده يم ابني مانعسانه لان نايمه الظهر فتحت موبايلي لكيت رسايل مال شركه ورسايل من صديقتي بس اكو شي جذب انتباهي رساله من رقم غريب فتحت وكان مكتوب....
سلام محمل بالعتب
سلام ارهقه الزمان
سلام على قلب حبيبتي
تاكدي ياحبيبتي وانا اكتب هذا الابيات دموعي تتساقط من عيوني وقلبي يتمزق
لان اعرف حبك كان صادق لي لكن لم اصونه ....
انا اسف
دموعي كامن يوكعن واني اقرء واعرف منو هذا
كتله شتريد بعد ما دمرتني وتخليت عني واني وكفت وياك بالحلوة والمرة هيج اجازبني تشمرني واني امس الحاجه الك ماوكفت وياي ولا ساعدني ههه هسه جاي تعتذر على شنو تعتذر على دمار حياتي لو على غتصابك اليه لو على الضرب لو على معاملتك اليه حسسني اني واحده رخيصه عايش وياها لو على شمرتك اليه واني حامل ابنك لو على وكفتي واحدي واني اجيب لو على ادموعي واني اباوع لباب اكول هسه يجي وهسه يجي هسه يحن عليه وعلى ابنه عليمن اسامحك.....
جاوبني وكلي سامحيني لان كنت مجبور ردت احميكم مااردت اعذبج انتي وابني
كتله هههه كول انت مو كد المسؤليه كول انت ردت بس تسلى ماردت شي كول انتي اعتبرتني واحده رخيصه وماردت شي يربطك بيه
كلي وخلق السماء والارض ماافد يوم اعتبرتج رخيصه ولا فكرت بهذا الشي اصلا بس والله الظروف فرقتنا
كتله ههههههههههههه ظروف ليش شنو كان ناقصك حتى تكول ظروف شو كولش متوفر واحنا مزوجين
كلي كان بيه سرطان بالدم مرحله اخيرة وماكو اي فرصه لعلاجي ......
يتبع

السلام عليكم شلونكم عساكم بخير ليش ماكو تفاعل هواي يعني انت تدخل تقرء وتطلع يعني ليش ماتقدرون تعبني بلايك المهم اشكر المتفاعلين واتمنى الكم قرئه ممتعه وايضا اتقبل الانتقادات وشكرا